![Golygfa arfordirol o eithin melyn a chaeau gwyrdd, clogwyni ac arfordir creigiog tywyll gyda môr gwyrddlas.](http://nt.global.ssl.fastly.net/binaries/content/gallery/website/national/regions/wales/places/strumble-head-to-cardigan/library/dinas-island-western-edge-view-south-strumble-head-cardigan-wales-132606.jpg?auto=webp&width=767&crop=16:9&dpr=2 2x)
Taith gylchol Pen Dinas
Taith gylchol serth i fyny ac i lawr yn rhoi rhai o’r golygfeydd gorau ar arfordir Sir Benfro. Nid yw’n daith hir, ond yn sicr mae’n un wnaiff brofi eich ffitrwydd, gyda digonedd o resymau i aros ac edmygu’r olygfa.
Cyfanswm y camau: 10
Cyfanswm y camau: 10
Man cychwyn
Maes parcio Pwllgwaelod, cyfeirnod grid: SN005398
Cam 1
O draeth Pwllgwaelod, trowch i’r dde i fyny’r bryn gan ddilyn arwyddion llwybr yr arfordir. Wrth y grid gwartheg, trowch i’r chwith trwy gât mochyn.
Cam 2
Mae’r llwybr yn dechrau codi’n serth ac mae’n cynnwys 40 o risiau. Byddwch yn mynd trwy rug ac eithin y naill ochr a’r llall. Ar ôl dringo’n galed byddwch yn cyrraedd sticill a bydd y llwybr yn mynd yn haws. Eich gwobr fydd golygfeydd gwych ar draws Bae Abergwaun.
Cam 3
Bydd y llwybr yn mynd yn serth yn glou eto ac wrth i chi fynd o gwmpas cornel, fe welwch ran uchaf Pen Dinas, Pen-y-Fan o’ch blaen. Daw Trefdraeth i’r golwg ar y llaw dde.
Cam 4
Oedwch wrth biler triongli’r Arolwg Ordnans i orffwys a mwynhau’r golygfeydd tua’r gogledd hyd glogwyni Pen-yr-Afr a thua mynyddoedd y Preseli.
Cam 5
Bydd y daith ar i lawr yn bennaf o’r fan hon, ond yn serth. Dilynwch y llwybr lawr y bryn. Tua 55 llath (50m) tu hwnt i gât mochyn mae’r llwybr yn rhannu. Mae prif lwybr yr arfordir yn plymio i’r chwith – gallwch ei weld yn dolennu o gwmpas yr arfordir. Os bydd hynny’n edrych yn rhy fentrus gallwch ddilyn llwybr llydan ar hyd y ffens ar y dde i chi. Bydd y ddau lwybr yn uno eto yn nes ymlaen.
Cam 6
Tua hanner milltir (0.75 km) ar ôl i’r llwybrau rannu, gwyliwch am Garreg y Nodwydd oddi tanoch. Bydd adar môr, gan gynnwys gwylogod, yn magu yma yn gynnar yn yr haf.
Cam 7
Daw bae Cwm-yr-Eglwys i’r golwg. Ewch trwy’r gât mochyn, sy’n arwain at ran gysgodol o’r llwybr, ond byddwch yn ofalus: mae’n garegog gyda gwreiddiau coed.
Cam 8
Mae pont droed bren yn arwain i’r ffordd. Dilynwch y ffordd i lawr i Gwm-yr-Eglwys a heibio’r toiledau ar y dde.
Cam 9
Dilynwch y llwybr ar hyd ochr dde’r iard gychod, gyda’r arwydd ‘Pwyllgwaelod 2/3 mile’, a cherdded yn syth ymlaen trwy’r maes parcio ac ar hyd carafanau sydd ar y dde. Fe welwch y llwybr troed wrth ymyl ffens o baneli pren yn y gornel dde bellaf.
Cam 10
Cerddwch yn ôl i Bwllgwaelod trwy’r cwm ar hyd llwybr tarmac. Wrth i lefel y môr godi, gall Pen Dinas fod yn ynys eto un diwrnod.
Man gorffen
Maes parcio Pwllgwaelod, cyfeirnod grid: SN005398
Map llwybr
![Map taith gylchol Pen Dinas, Sir Benfro](http://nt.global.ssl.fastly.net/binaries/content/gallery/website/national/regions/wales/places/strumble-head-to-cardigan/library/dinas-island-circular-walk-map.jpg?auto=webp&width=767&dpr=2 2x)
Mwy yn agos i’r man hwn
![Yr olygfa o gopa Garn Fawr, Sir Benfro.](http://nt.global.ssl.fastly.net/binaries/content/gallery/website/national/regions/wales/places/strumble-head-to-cardigan/library/garn-fawr-strumble-head-to-cardigan-wales.jpg?auto=webp&width=733&crop=16:9&dpr=2 2x)
Llwybr golygfan Garn Fawr
Dilynwch lwybr golygfan Garn Fawr yng Nghymru i ryfeddu at y golygfeydd godidog o arfordir Gogledd Sir Benfro ac ymweld â chaer o Oes yr Haearn a ddaeth yn wylfan yn ystod y Rhyfel Byd Cyntaf
Cysylltwch
Strumble Head, Pencaer to Cardigan, Pembrokeshire, SA62
Ein partneriaid
![Cotswold Outdoor](http://nt.global.ssl.fastly.net/binaries/content/gallery/website/national/partners/cotswold-outdoor-logo.jpg?auto=webp&width=156&crop=1:1&dpr=2 2x)
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
![Dwy ferch yn cerdded ar lwybr trwy'r goedwig yn Stad Southwood, Sir Benfro yng Nghymru](http://nt.global.ssl.fastly.net/binaries/content/gallery/website/national/regions/wales/places/southwood-estate/library/visitors-walking-southwood-estate-pembrokeshire-wales-1386592.jpg?auto=webp&width=505&crop=16:9&dpr=2 2x)
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
![A group of people in a hiking group are being guided on a hike by rangers at Marsden Moor, West Yorkshire](http://nt.global.ssl.fastly.net/binaries/content/gallery/website/national/library/our-cause/communities/hiking-group-on-a-guided-hike-led-by-rangers-at-marsden-moor-west-yorkshire-1618381.jpg?auto=webp&width=505&crop=16:9&dpr=2 2x)
Cotswold Outdoor: Ein partner cerdded
Dysgwch fwy am bartneriaeth barhaus yr Ymddiriedolaeth Genedlaethol gyda Cotswold Outdoor fel ein partner cerdded.
![An aerial view of an adult and baby walking a dog along a path at Baggy Point, Devon](http://nt.global.ssl.fastly.net/binaries/content/gallery/website/national/regions/devon/places/baggy-point/library/autumn/adult-child-dog-walking-cliff-baggy-point-devon-1204387.jpg?auto=webp&width=505&crop=16:9&dpr=2 2x)
Cadw’n ddiogel yn lleoliadau’r Ymddiriedolaeth Genedlaethol
Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.
![Ymwelydd yn cario sach gefn ac yn cerdded ar hyd llwybr troed yn Divis a’r Mynydd Du gyda waliau carreg i’r naill ochr, y cefn gwlad i’w weld yn y cefndir.](http://nt.global.ssl.fastly.net/binaries/content/gallery/website/national/regions/northern-ireland/places/divis-and-the-black-mountain/library/people-walk-divis-black-mountain-1416521.jpg?auto=webp&width=505&crop=16:9&dpr=2 2x)
Dilynwch y cod cefn gwlad
Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.
![Golygfa o bentir creigiog Pen Anglas, Sir Benfro, Cymru. Mae creigiau wedi’u gorchuddio â chen yn y blaendir, tra bod y pentir yn y pellter gyda'r môr i’w weld rhyngddynt.](http://nt.global.ssl.fastly.net/binaries/content/gallery/website/national/regions/wales/places/strumble-head-to-cardigan/library/pen-anglas-pembrokeshire-wales-99585.jpg?auto=webp&width=505&crop=16:9&dpr=2 2x)
Darganfyddwch Ddaeareg Pen Strwmbl i Aberteifi
Wedi’i llunio gan natur dros filiynau o flynyddoedd, mae’r dirwedd rhwng Pen Strwmbl ac Aberteifi yn greigiog ac anghysbell.
![Cerddwr yn sefyll ar arfordir Sir Benfro, yn edrych allan ar y môr](http://nt.global.ssl.fastly.net/binaries/content/gallery/website/national/regions/wales/places/marloes-sands-and-mere/library/winter/view-coast-walker-marloes-pembrokeshire-wales-1770573.jpg?auto=webp&width=505&crop=16:9&dpr=2 2x)
Teithiau cerdded arfordirol yng Nghymru
Darganfyddwch lwybrau cerdded gorau arfordir Cymru, gan fwynhau penrhynoedd prydferth, pentrefi cain, henebion cynhanesyddol a bywyd gwyllt godidog.
![Two walkers and one person using an all-terrain mobility vehicle look out from a grassy hill, across the sea and to a coastal town](http://nt.global.ssl.fastly.net/binaries/content/gallery/website/national/regions/devon/places/watersmeet/library/winter/visitors-countisbury-hill-exmoor-near-watersmeet-devon-1388522.jpg?auto=webp&width=505&crop=16:9&dpr=2 2x)
Cyngor ar gerdded ar yr arfordir
Darllenwch gyngor ar gerdded ar yr arfordir, gan gynnwys y dillad a'r offer hanfodol sydd eu hangen arnoch a beth i'w wneud cyn dechrau arni. (Saesneg yn unig)
![A person walking along the South West Coast Path at East Soar, South Devon](http://nt.global.ssl.fastly.net/binaries/content/gallery/website/national/regions/devon/places/east-soar/library/walking-the-south-west-coast-path-east-soar-south-devon-1423843.jpg?auto=webp&width=505&crop=16:9&dpr=2 2x)
Cerdded
Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch. (Saesneg yn unig)