Dewch i ddarganfod Cymru
Gwlad Geltaidd gyda gorffennol diwydiannol, yn llawn mythau, chwedlau, barddoniaeth a chân. Croeso i Gymru.
Nadolig yng Nghastell a Gardd Powis
Cafwyd ‘Nadolig i’w Drysori’ yn y castell. Wedi’u hysbrydoli gan eitemau arbennig yn y casgliad, roedd pob ystafell yn eich tywys i wahanol ran o’r byd neu gyfnod a fu. Roedd cyfle i weld y coed 16 troedfedd a’r lleoedd tân Nadoligaidd a oedd yn creu profiad gwirioneddol hudolus. Cafwyd cipolwg ar y llygod ffelt yn y castell, a oedd wedi’u gwneud yn ofalus â llaw gan y staff a’r gwirfoddolwyr ymroddedig.
Mae gweithgareddau’r Nadolig wedi dod i ben yng Nghastell a Gardd Powis erbyn hyn.
Gwybodaeth ynghylch Nadolig 2023 yw’r isod. Gobeithio bod pawb wedi mwynhau arddangosfeydd y Nadolig. Dewch yn ôl yma yn nes at Nadolig 2024 i weld diweddariadau ynghylch yr holl gynlluniau cyffrous sydd gennym ar y gweill.
Dewch i weld y castell yn disgleirio
Dewch i weld coed Nadolig ysblennydd, lleoedd tân Nadoligaidd a goleuadau godidog yn trawsnewid y castell sydd o’r 13eg ganrif yn brofiad hudolus. Wedi’u hysbrydoli gan y trysorau sy’n bodoli oddi mewn, bydd pob Ystafell Swyddogol yn eich cludo chi i ran wahanol o’r byd. Fenisaidd, Tsieineaidd, Elizabethaidd – mae rhywbeth arbennig i’w ddarganfod ym mhob cwr o’r castell y Nadolig hwn.
- Mae arddangosfa Nadolig y castell yn agored o 12pm i 4pm rhwng 2 Rhagfyr - 31 Rhagfyr.
-
Bydd y castell yn parhau ar agor yn hwyrach tan 7pm rhwng 14 a 23 Rhagfyr ichi fwynhau arddangosfa goleuadau Nadoligaidd sy’n goleuo waliau crand y castell o’r 13eg ganrif.
-
Nid oes angen archebu ymlaen llaw ond mae prisiau mynediad arferol yn daladwy.
-
Nodwch: ni chaniatäer ffotograffiaeth yn y castell.
Digwyddiadau Nadolig
I ddysgu rhagor ynghylch yr hyn sydd ar y gweill ym Mhowis dros gyfnod y Nadolig, dewch i gael sbec ar yr adran Beth Sydd Ymlaen ar ein gwefan. Edrychwn ymlaen at eich croesawu chi a’ch anwyliaid drwy gydol y tymor hyfryd yr ŵyl.
Edrychwch beth sydd ymlaen yng Nghastell Powis y Nadolig hwn.
Tafluniad goleuadau Nadoligaidd
Dewch i fwynhau arddangosfa goleuadau Nadoligaidd a fydd yn goleuo waliau’r castell o’r 13eg ganrif. Camwch i’r iard ar ôl iddi nosi rhwng 14 - 23 Rhagfyr, a chymerwch eiliad i fwynhau’r arddangosfa hudolus. Tynnwch lun Nadoligaidd cyn dringo’r grisiau hanesyddol i’r castell, sy’n llawn addurniadau, i brofi ‘Nadolig i’w Drysori’. Bydd y castell yn parhau ar agor yn hwyrach tan 7pm.
Teithiau cerdded gaeafol
Gwisgwch eich dillad gaeaf a dewch i gael awyr iach gyda thro hamddenol o amgylch yr Ardd Faróc fyd-enwog. Y gaeaf yw’r amser gorau i werthfawrogi prydferthwch pensaernïol yr ardd. Dewch i weld cerfluniau’n disgleirio yn y barrug ar hyd y Terasau Eidalaidd, edmygu gwrychoedd yw bytholwyrdd hynafol yn sefyll yn falch yn haul y gaeaf a cherdded drwy Y Gwyllt lle mae canghennau moel yn datgelu golygfeydd godidog y castell o’r 13eg ganrif.
Y Llwybr Draenogod
Drwy gydol mis Rhagfyr, gwahoddir ein hanturiaethwyr ifanc a’u teuluoedd i ddilyn cliwiau sydd wedi’u lleoli o amgylch yr ardd a darganfod arwyddion ym myd natur sy’n dweud wrth ddraenogod ei bod yn amser i aeafgysgu. Llwybr hunan-dywysedig yw hwn a does dim cost ychwanegol i gymryd rhan. Nodwch fod prisiau mynediad arferol yn daladwy. Dysgwch ragor yma.
- Mae’r ardd yn agored bob dydd drwy gydol mis Rhagfyr rhwng 10am a 4pm (ar gau 25 a 26 Rhagfyr).
- Mae croeso i gŵn ar dennyn byr yn yr ardd rhwng 1 Medi a 28 Chwefror.
Bwyta a Siopa ym Mhowis y Nadolig hwn
Mwynhewch eich hoff ddanteithion
Os oes chwant bwyd arnoch neu rydych angen rhywbeth i’ch cynhesu, mae digonedd o ddiodydd a danteithion blasus ar gael yng Nghaffi'r Iard drwy gydol mis Rhagfyr. O gacennau a mins peis, i ddiodydd siocled poeth a the prynhawn Nadoligaidd, y Nadolig yw’r amser gorau i dretio’ch hun.
1 of 2
Pethau eraill o ddiddordeb i chi
Erthygl
Diwrnodau allan i'r teulu yng Nghastell Powis
Os ydych yn ymweld gyda’ch plant neu wyrion, fe gewch chi ddigon i ddifyrru’r teulu cyfan yng Nghastell Powis a’r Ardd.
Erthygl
Ymweld â Chastell a Gardd Powis gyda'ch ci
Mae gan Gastell a Gardd Powis sgôr o un bawen. Dysgwch ragor am ddod â’ch ci i Gastell a Gardd Powis. Gallwch aros yn y Cwrt i weld y castell a chael diod a thamaid i’w fwyta hefo’ch ci wrth eich ochr. Dysgwch yr ardd 1 Tachwedd - 28 Chwefror.
Erthygl
Ymweld â’r ardd yng Nghastell Powis
Yn dyddio’n ôl 300 mlynedd, mae’r ardd o’r safon uchaf yn llawn o hanes. Welwch gymysgedd o derasau dramatig, borderi blodau , tocwaith anhygoel a golygfeydd rhyfeddol.
Erthygl
Ystafelloedd Swyddogol Y Castell
Mae pob modfedd o Gastell Powis wedi'u haddurno â manylion cywrain, hardd. Wrth i chi grwydro drwy ystafelloedd swyddogol y castell, cewch eich tywys ar daith o’r gorffennol. O Oes Elisabeth drwodd i Oes Edward, gwnewch yn siwr eich bod yn oedi am funud ym mhob ystafell i gymryd y cyfan i mewn.
Erthygl
Bwyta a siopa yng Nghastell Powis
Ar ôl crwydro’r castell neu deithio trwy’r terasau, dadebrwch gydag un o’r danteithion blasus o Fwyty’r Cwrt, neu ewch ag anrheg adref o’r siop i’ch helpu i gofio diwrnod gwych.