Dewch o hyd i daith gerdded
Darganfyddwch rai o'r llefydd gorau i fynd am dro, gan gynnwys coedwigoedd hynafol, arfordir arbennig a pharciau gwyrdd.
Teithiau cerdded arfordirol yng Nghymru
Gallwch gerdded arfordir cyfan Cymru, o’r gogledd i’r de, a bydd un cam o bob deg ar dir sydd dan ein gofal ni. Gwisgwch eich bŵts a mwynhewch ein dewis o’r teithiau cerdded gorau, gyda phenrhynoedd prydferth, pentiroedd garw, pentrefi hyfryd a henebion cynhanesyddol, gyda’r cyfle i weld bywyd gwyllt bendigedig hefyd.
Gogledd Cymru
- Taith gerdded Porthdinllaen, Pen Llŷn
- Ewch i hen bentref pysgota Porthdinllaen, sy’n eistedd ym mhen pellaf stribyn tenau o dir sy’n ymestyn allan i Fôr Iwerddon. Yma fe welwch yr enwog Dafarn Tŷ Coch a golygfeydd arfordirol godidog.Trefnwch daith gerdded ym Mhorthdinllaen
- Taith gerdded Porthor a’r Tywod Chwibanog, Pen Llŷn
- Dilynwch yr arfordir garw ar hyd ochr ogleddol Pen Llŷn o Draeth Porthor a darganfyddwch atgofion o’r gorffennol. Dewch â’ch binocwlars gan fod hwn yn lle gwych i weld adar, yn ogystal â morloi llwyd, dolffiniaid a llamidyddion.Cerddwch o Draeth Porthor
- Taith gerdded Porth Meudwy, Pen Llŷn
- Gan ddechrau yn Aberdaron, mae’r llwybr hwn yn mynd drwy Borth Meudwy, bae pysgota bach ym mhen pellaf Pen Llŷn a fu unwaith yn fan hwylio i bererinion yn teithio i Ynys Enlli. Taith wych ar gyfer dysgu am hanes a threftadaeth yr ardal.Cerddwch o Aberdaron i Borth Meudwy
- Taith gerdded cefnen raeanog Cemlyn, Ynys Môn
- O’r gefnen raeanog arbennig hon, gallwch wylio llwyth o adar dŵr ar y morlyn, gan gynnwys poblogaethau nythu mwyaf Prydain o fôr-wenoliaid pigddu yn ystod misoedd yr haf. Wedyn, cerddwch yn ôl ar hyd y lôn, heibio i gartref y Capten Vivian Hewitt, y gŵr a greodd y morlyn.Ymwelwch â'r morlyn ym Mae Cemlyn
- Taith gerdded Dinas Oleu, Abermaw
- Crwydrwch drwy’r hen dref â’i strydoedd troellog i fryn eithinog Dinas Oleu. Hwn oedd y darn cyntaf o dir a roddwyd i’r Ymddiriedolaeth Genedlaethol ac mae’n cynnig golygfeydd godidog o Aber Afon Mawddach a Bae Ceredigion.Mwynhewch y golygfeydd o Ddinas Oleu
Canolbarth Cymru
- Taith gerdded Aberystwyth i Fynachdy’r Graig
- Dilynwch Lwybr Arfordir Cymru o hyfrydwch arfordirol hanesyddol Aberystwyth ar hyd arfordir prydferth Bae Ceredigion i Fynachdy’r Graig, hen faenor mynachaidd. Cadwch olwg am nodweddion daearegol diddorol, llongddrylliadau a beddi môr-ladron.Darganfyddwch Aberystwyth a Bae Ceredigion
De Cymru
- Llwybr cerdded arfordirol Penrhyn Marloes, Sir Benfro
- Darganfyddwch y penrhyn rhostir hyfryd hwn yn swatio ym mhen gorllewinol pellaf Sir Benfro, yn edrych dros Ynys Sgomer. Mae’n daith gerdded wych ar gyfer gweld bywyd gwyllt – mae’n un o’r llefydd gorau yn y sir i weld morloi ac adar.Darganfyddwch bentir o rostir
- Taith gerdded arfordirol Penmaen Dewi, Sir Benfro
- Darganfyddwch bentir arfordirol mwyaf trawiadol Sir Benfro, ychydig filltiroedd o ddinas leiaf Cymru, Tyddewi, cartref nawddsant y wlad. Cadwch olwg am henebion cynhanesyddol ac amrywiaeth anhygoel o fywyd gwyllt arfordirol.Crwydrwch bentir Sir Benfro
- Taith gerdded gylchol Stagbwll, Sir Benfro
- Mae’r daith hon yn eich tywys ar hyd traethau euraidd clodwiw Sir Benfro, Barafundle ac Aber Llydan, drwy ddyffrynnoedd coediog heddychlon a phyllau lili Llynnoedd Bosherston, sy’n fwrlwm o fywyd gwyllt, ac i lawr i gei prydferth Stagbwll.Ewch ar daith gerdded bywyd gwyllt
- Taith gerdded pentir Rhosili, Penrhyn Gŵyr
- Ewch am dro ar hyd un o glogwyni mwyaf eiconig Cymru, gyda golygfeydd ysgubol o dywod euraidd Rhosili i greigiau calchfaen arfordir deheuol Penrhyn Gŵyr. Ymwelwch â Hen Wylfan Gwylwyr y Glannau ac, os yw’r llanw ar drai, croeswch y sarn greigiog i Ynys Weryn, sy’n ynys lanwol.Cerddwch un o glogwyni eiconig Cymru
Ein partneriaid
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
Erthygl
Cotswold Outdoor: ein hunig bartner cerdded.
Dysgwch ragor am bartneriaeth barhaus yr Ymddiriedolaeth Genedlaethol gyda Cotswold Outdoor fel ein hunig bartner cerdded. (Saesneg yn unig)
Erthygl
Meysydd parcio arfordirol a chefn gwlad yng Nghymru
Rhestr o rai o feysydd parcio llai o faint, mwy anghysbell yr Ymddiriedolaeth Genedlaethol.
Erthygl
Natur a bywyd gwyllt i’w gweld yng Nghymru
Dewch ar antur natur yng Nghymru a darganfod pob math o fywyd gwyllt, o ddyfrgwn enwog Llynnoedd Bosherston yn Sir Benfro i wiwerod coch Plas Newydd yng Ngogledd Cymru.
Erthygl
Bythynnod gwyliau yn Ne Cymru
O draethau euraidd Penrhyn Gŵyr i fynyddoedd Parc Cenedlaethol Bannau Brycheiniog, mae cymaint i'w ddarganfod ar wyliau yn Ne Cymru. (Saesneg yn unig)
Erthygl
Bythynnod gwyliau yng Ngogledd Cymru
O fynyddoedd Parc Cenedlaethol Eryri i'r anghysbell Ben Llŷn, mae Gogledd Cymru yn gyrchfan wyliau i'ch ysbrydoli. (Saesneg yn unig)
Erthygl
Llwybrau cerdded i'r sawl sy'n hoff o her
Mae llawer o'r tirweddau rydym yn gofalu amdanynt yn llawn cyfleoedd i'ch herio eich hun yn erbyn y dirwedd a mwynhau golygfeydd godidog. (Saesneg yn unig)
Llwybrau arfordirol gwych a gwyllt
Darganfyddwch amrywiaeth eang o lwybrau arfordirol yn cynnig golygfeydd o ben clogwyn, tywod euraidd, bywyd gwyllt a hanes lleol yn rhai o dirnodau naturiol mwyaf eiconig y DU. (Saesneg yn unig)