Nadolig yng Nghastell y Waun

Rhwng 28 Tachwedd a 3 Ionawr, ewch ar daith gyda Gerda ddewr wrth iddi gychwyn ar antur i achub ei ffrind Kai o afael rhewllyd Brenhines yr Eira. Crwydrwch drwy olygfeydd rhyfeddol wedi’u crefftio â llaw, seinweddau trochol ac arddangosfeydd hudolus sy’n dod â phob pennod o’r stori boblogaidd hon yn fyw. 

Gyda chyfleoedd Nadoligaidd i dynnu lluniau, syrpreisys cudd ac eiliadau hudolus ym mhob twll a chornel, mae hon yn antur Nadoligaidd i blant ac oedolion ei mwynhau fel ei gilydd. 

Codir tâl mynediad arferol, nid oes angen archebu ymlaen llaw. 

Amseroedd agor y Nadolig 

28 Tachwedd 2026 – 3 Ionawr 2027 

• Gardd, iard, siop a chaffi ar agor bob dydd, 10am–4pm 

• Castell ar agor bob dydd, 11am–4pm (mynediad olaf am 3.30pm) 

• Bydd yr eiddo ar gau ar 25 a 26 Rhagfyr a 1 Ionawr. 

Dysgwch ragor am ein hamseroedd agor

 

Nadolig yn y castell

Brenhines yr Eira 

Ewch ar daith drwy’r Ystafelloedd Swyddogol addurnedig wrth i Frenhines yr Eira gan Hans Christian Andersen ddatblygu pennod wrth bennod drwy’r castell. 

Ymunwch â Gerda ddewr ar antur drwy dirwedd aeafol hudolus wrth iddi chwilio am ei ffrind Kai. O olygfeydd dychmygus sy’n adrodd hanes cyfeillgarwch, dirgelwch a dewrder i fawredd palas rhewllyd Brenhines yr Eira, mae pob ystafell yn dod â rhan wahanol o’r stori annwyl hon yn fyw.

Cadwch lygad am y manylion wedi’u crefftio â llaw, y gweithiau celf trawiadol a’r arddangosfeydd dychmygus a grëwyd gan artistiaid a dylunwyr setiau theatrig wrth i’r stori ddatblygu o’ch cwmpas. Mae goleuadau atmosfferig a seinweddau trochol yn ychwanegu at y profiad, gan helpu ymwelwyr o bob oed i ymgolli yn antur aeafol hudolus Gerda. Wrth i’r antur fynd rhagddi, byddwch yn cyrraedd palas Brenhines yr Eira, lle mae arddangosfeydd atmosfferig, golygfeydd wedi’u paentio a manylion wedi’u crefftio’n ofalus yn arwain y stori at ei diweddglo dramatig.  Wrth galon y profiad mae lleoliad ysblennydd wedi’i ysbrydoli gan ystafell orsedd Brenhines yr Eira, lle bydd aduniad cynnes a theimladwy Gerda a Kai yn eich disgwyl. 

Cyfle i dynnu lluniau Nadoligaidd 

Cofnodwch atgof Nadoligaidd mewn lleoliad wedi’i ysbrydoli gan Frenhines yr Eira, lle gallwch wneud ystum brenhinol addas a thynnu llun Nadoligaidd i gofio’ch ymweliad. 

Cadwch lygad hefyd am fwy o gyfleoedd tymhorol i dynnu lluniau o amgylch y castell a’r iard. 

Addurniadau Nadolig traddodiadol 

Y tu hwnt i fyd Brenhines yr Eira, mae ochr fwy traddodiadol i’r Nadolig i’w darganfod yng Nghastell y Waun hefyd. 

Camwch i Adain y Dwyrain, lle mae gwyrddni Nadoligaidd a choed Nadolig wedi’u haddurno’n gywrain yn disgleirio, gan ddod â chynhesrwydd a lliw i’r ystafelloedd hanesyddol. 

Mae’r Llyfrgell a’r Ystafell Ddarllen yn cynnig awyrgylch Nadoligaidd tawelach, gydag addurniadau traddodiadol a mannau croesawgar i oedi a mwynhau awyrgylch yr ŵyl. 

Y tu allan, mae gwyrddni Nadoligaidd a choed wedi'u haddurno yn croesawu ymwelwyr i'r castell, gan gynnwys canghennau uchelwydd traddodiadol ger mynedfa Iard y Castell, sy’n sicr o ychwanegu ychydig mwy o hud y Nadolig wrth i chi gyrraedd. 

Hwyl yr ŵyl i'r teulu

Y Nadolig hwn, dewch i ymweld â Groto Gwrthdro Castell y Waun a helpwch bobl mewn angen wrth gyfrannu eitemau hanfodol. 

Yn hytrach na derbyn anrheg o’r Groto, gwahoddir ymwelwyr i gyfrannu bwydydd nad ydynt yn ddarfodus a chynhyrchion ymolchi i gefnogi Banc Bwyd Croesoswallt a’r Gororau. 

Awgrymiadau ar gyfer rhoddion: 

• Ffrwythau a llysiau tun,  

• Pasta,  

• Te a choffi,  

• Sudd,  

• Llaeth UHT,  

• Pethau ymolchi. 

Gellir gadael rhoddion yn y Swyddfa Docynnau yn ystod oriau agor arferol, ond bydd Siôn Corn yn aros i ddiolch i chi ar benwythnosau penodol cyn y Nadolig 

• Mae'r Groto Gwrthdro yn cael ei gynnal rhwng 28 Tachwedd a 20 Rhagfyr 2026. 

• Amseroedd Siôn Corn:  28 a 29 Tachwedd, 5, 6, 12, 13, 19 a 20 Rhagfyr, 10.30am–3.30pm.

Dysgwch beth yw anghenion y banc bwyd yma

Teithiau cerdded gaeafol

Taith gerdded aeafol ar ystad 480 acer Castell y Waun yw’r cyfle perffaith i arafu a mwynhau adegau syml i’w trysori y Nadolig hwn. Gofynnwn yn garedig i chi gadw cŵn ar dennyn bob amser.

Dysgwch fwy am archwilio’r ystâd yma

Bwyd a diod Nadoligaidd

Cymerwch seibiant o grwydro ac ymlaciwch yn ein hystafell de glyd. Y Nadolig hwn, mwynhewch bap twrci, stwffin a llugaeron wedi’i weini gyda lletemau tatws, gyda moch mewn blancedi ar gael fel ychwanegiad dewisol.

• Mae’r ystafell de ar agor 10am–4pm. 
• Ar gau 25 and 26 Rhagfyr, 1 Ionawr.

Siopa Nadolig hawdd

Chwilio am ysbrydoliaeth ar gyfer anrhegion Nadolig? Dewch heibio ein siop anrhegion ar Fferm yr Ystad, sydd â detholiad hyfryd o anrhegion ac addurniadau. Rhowch anrheg arbennig i’ch anwyliaid neu i chi'ch hun. Mae pob rhodd a phryniant a wneir yn ystod eich ymweliad yn ein helpu ni i ofalu am natur, harddwch a hanes y lle arbennig hwn - diolch am roi sglein ar ein Nadolig ni hefyd.

• Mae Siop y Fferm ar agor rhwng 10am a 4pm ar benwythnosau, ac yn ddyddiol o 30 Tachwedd ymlaen.
• Ar gau 25 and 26 Rhagfyr, 1 Ionawr.