Ymweld â Chastell Penrhyn gyda’ch ci

Ein system sgorio pawennau

Rydym wedi bod yn gweithio’n galed i’w gwneud hi’n haws i chi wybod pa mor groesawgar fydd eich ymweliad i chi a’ch ci cyn i chi gyrraedd. I helpu gyda hyn, rydym wedi creu system sgorio pawennau newydd, a rhoi sgôr i’n holl leoliadau. Gallwch ddod o hyd i’r wybodaeth hon yn llyfryn aelodau’r Ymddiriedolaeth Genedlaethol.

Mae gan Gastell Penrhyn sgôr o ddwy bawen.

Mae gan y lleoedd hyn bowlenni dŵr, biniau cŵn a llwybrau cerdded sy'n croesawu cŵn. Gallwch fynd â'ch ci i rai ardaloedd, ond nid i bobman. Os oes man gwerthu bwyd a diod, gallwch chi gael paned o de gyda nhw, mae'n debyg y tu allan. Darllenwch ymlaen i ddarganfod yn union ble gallwch chi fynd â'ch ci.

Ble alla i fynd â fy nghi yng Nghastell Penrhyn?

Mae croeso i gŵn ar draws ardd a thiroedd Castell Penrhyn. Gallwch hefyd fynd â nhw i dderbynfa'r ymwelwyr a Chaffi'r Stablau a Chaffi'r Castell. Dim ond cŵn cymorth a ganiateir y tu mewn i'r castell.

Ewch ar hyd ein Llwybr Natur o amgylch y tiroedd neu ewch am dro i lawr at Afon Ogwen i ddarganfod Cwt Ogwen. I gael rhagor o wybodaeth, siaradwch ag aelod o’r tîm croeso ymwelwyr.

Pa gyfleusterau sydd ar gael i gŵn?

Mae bowlenni dŵr yn y ganolfan groeso, ger y Ceginau Fictoraidd ac wrth ymyl Caffi'r Stablau.

Cod Cŵn

Rydym wedi gweithio gyda’n partner Forthglade i lunio’r cod cŵn hwn, sy’n helpu i sicrhau y gall pawb fwynhau eu diwrnod:

• Tynhewch y tennyn: gallwch helpu i leihau’r siawns y bydd eich ci yn tarfu ar adar sy’n nythu ar y ddaear ac anifeiliaid fferm drwy ei gadw ar dennyn byr. Mae’n hanfodol defnyddio tennyn byr o gwmpas defaid. Ond os bydd gwartheg yn dod atoch chi, y peth gorau i’w wneud yw gadael eich ci oddi ar y tennyn, a’i alw’n ôl atoch chi pan mae’n ddiogel i wneud hynny.
• Codi’r baw: glanhewch ar ôl eich ci bob tro. Os nad ydych chi’n gallu dod o hyd i fin gerllaw, ewch â’r bagiau baw adref gyda chi.
• Troediwch yn ofalus: cadwch olwg ar arwyddion a hysbysiadau lleol ble bynnag fyddwch chi’n cerdded. Byddant yn rhoi gwybod i chi os yw cŵn wedi’u gwahardd o draeth, er enghraifft, neu os yw llwybr wedi’i wyro, neu os ydych chi mewn ardal lle gall cŵn redeg yn rhydd.
• Cadw’ch llygad ar y bêl: cofiwch nad yw pawb yn caru cŵn, ac mae rhai pobl yn eu hofni. Felly gwnewch yn siŵr nad yw eich ci yn rhedeg i fyny at bobl eraill, yn enwedig plant.

Cadwch eich ci dan reolaeth 

Mae ein diffiniad o reolaeth agos neu effeithiol fel a ganlyn:

• Y gallu i alw eich ci atoch mewn unrhyw sefyllfa, ar yr alwad gyntaf.
• Gallu gweld eich ci yn glir bob amser (nid yw gwybod ei fod wedi diflannu i mewn i’r llystyfiant neu dros y bryn yn ddigon). Yn ymarferol, mae hyn yn golygu ei gadw ar lwybr cerdded os yw’r llystyfiant o’ch cwmpas yn rhy drwchus i allu gweld eich ci.
• Peidio â gadael iddo fynd at ymwelwyr eraill heb eu caniatâd.
• Cael tennyn i’w ddefnyddio os byddwch yn dod ar draws da byw, bywyd gwyllt neu os gofynnir i chi ddefnyddio un.