Taith gerdded pentir Rhosili
Mae’r llwybr hwn ar draws y pentir yn cynnig golygfeydd o Fae Rhosili ac allan i Ynys Weryn, cyn eich tywys yn ôl drwy’r Vile, gweddillion tirwedd hynafol.
Eiddo ger
Rhosili and South Gower CoastMan cychwyn
Siop yr Ymddiriedolaeth Genedlaethol, Rhosili, cyfeirnod grid: SS414881Gwybodaeth am y Llwybr
*Llethrau graddol yn arwain lawr rhiw o’r dechrau a lan rhiw ar y ffordd yn ôl. Am ragor o fanylion, darllenwch yr adran Tirwedd.
**Llwybr heb darmac gyda rhywfaint o dirwedd anwastad a grisiau. Am ragor o fanylion, darllenwch yr adran Mynediad.
***Mae croeso i gŵn, ar yr amod eu bod yn cael eu cadw dan reolaeth. Am ragor o fanylion, darllenwch yr adran Cyfleusterau.
Da byw ar hyd y llwybr
Mae merlod a gwartheg yn bresennol ar hyd y llwybr drwy gydol y flwyddyn.
Cyfanswm y rhannau: 10
Cyfanswm y rhannau: 10
Man cychwyn
Siop yr Ymddiriedolaeth Genedlaethol, Rhosili, cyfeirnod grid: SS414881
Rhan 1
O faes parcio’r Ymddiriedolaeth Genedlaethol, gyda thraeth Rhosili a Gwesty Worm’s Head i’r dde ohonoch, cerddwch tuag at siop yr Ymddiriedolaeth Genedlaethol (ar eich chwith). Y siop yw un o hen fythynnod gwylwyr y glannau.
Rhan 2
Pan gyrhaeddwch y siop, fe welwch draeth 3-milltir Rhosili i’r dde ohonoch.
Yr olygfa dros draeth Rhosili | © National Trust Rhan 3
Ewch heibio’r siop a thrwy’r gât i gerddwyr i barhau ar hyd y trac, gyda’r clogwyni i’r dde ohonoch.
Rhan 4
I’r dde o’r llwybr fe welwch gyfres o dwmpathau. Dyma weddillion un o’r 32 (o leiaf) o gaerau Oes Haearn sydd i’w gweld ym Mhenrhyn Gŵyr. Roedd y golygfeydd godidog o’r llecyn hwn yn galluogi trigolion y gaer i weld eu gelynion o bell.
Rhan 5
I’r chwith o’r trac mae wal gerrig yn amgáu system ‘cae lleiniau’ agored ganoloesol. Y Vile yw hwn, ac fe’i cyflwynwyd gan y Normaniaid yn y 12fed ganrif. Mae’r system hon bellach yn cael ei rheoli er budd bywyd gwyllt yn bennaf gan yr Ymddiriedolaeth Genedlaethol, gan ddefnyddio dulliau ffermio ecogyfeillgar.
Rhan 6
Lle mae’r llwybr arwynebog yn troi’n sydyn i’r chwith, cerddwch syth ymlaen, gan ddilyn llwybr glaswellt llydan tuag at wylfa Sefydliad Cenedlaethol Gwylwyr y Glannau (NCI). O’r fan hon, cewch olygfa ysblennydd o Ynys Weryn. Adeiladwyd yr wylfa yn oes Fictoria, ac mae bellach yn cael ei rhedeg gan wirfoddolwyr.
Rhan 7
Wrth wylfa’r NCI trowch i’r chwith i gerdded ar hyd pen y clogwyn. Byddwch yn ymuno â llwybr sy’n rhedeg wrth ochr y wal gerrig. Ewch yn eich blaenau tan fod y llwybr a’r wal yn troi’n sydyn i’r chwith, yn edrych dros Fall Bay.
Yr olygfa dros Fall Bae ar daith gerdded pentir Rhosili | © National Trust Rhan 8
Cadwch at y llwybr ar y chwith.
Rhan 9
Dilynwch y llwybr nes i chi gyrraedd ysgol haearn a grisiau sy’n arwain at gât i gerddwyr. Dringwch y grisiau, drwy’r gât, a dilynwch y llwybr ar y dde i fynd i fyny’r rhiw a thrwy gât arall.
Ysgol haearn gyda grisiau’n arwain at gât i gerddwyr | © National Trust Rhan 10
Trowch i’r chwith a dilynwch y llwybr troed sydd wedi’i farcio drwy gaeau defaid ac i lôn werdd. Mewn dim o dro, fe ddewch at droad sydyn yn ôl i’r chwith. Ewch drwy gatiau’r llwybr ac ar hyd y trac cul, perthog hwn nes i chi gyrraedd lôn letach i’r dde ohonoch. Trowch i’r dde i’r lôn hon a’i dilyn i bentref Rhosili, gan droi i’r chwith i’r ffordd a fydd yn eich tywys yn ôl i faes parcio’r Ymddiriedolaeth Genedlaethol.
Man gorffen
Pentref Rhosili, cyfeirnod grid: SS414881
Map llwybr
Llwybr taith gerdded pentir Rhosili | © Crown copyright and database rights 2013 Ordnance Survey
Mwy yn agos i’r man hwn
Taith gerdded Dyffryn Llandeilo Ferwallt
Darganfyddwch ogofâu, afonydd tanddaearol a choetir hynafol ar y llwybr heriol hwn drwy ddyffryn cudd ym Mhenrhyn Gŵyr, Cymru.
Llwybr Rhedeg Rhosili
Teimlwch y gwynt yn eich gwallt a’r tywod dan eich traed wrth i chi fwynhau’r llwybr rhedeg prydferth hwn o gwmpas Rhosili.
Cysylltwch
Ein partneriaid
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
Cotswold Outdoor: Ein partner cerdded
Dysgwch am bartneriaeth barhaus yr Ymddiriedolaeth Genedlaethol â Cotswold Outdoor. Dewch i ganfod sut maent yn ein helpu ni i ofalu am leoedd gwerthfawr a'r gostyngiadau arbennig sydd ar gael i gefnogwyr yr Ymddiriedolaeth Genedlaethol.
Cadw’n ddiogel yn lleoliadau’r Ymddiriedolaeth Genedlaethol
Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.
Dilynwch y cod cefn gwlad
Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.
Siopa yn Rhosili ac Arfordir De Gŵyr
Bae Rhosili, Penrhyn Gŵyr, yw lleoliad un o’n siopau mwyaf arbennig. Gyda golygfeydd godidog o 3 milltir o dywod euraid, mae’n wirioneddol unigryw. Ac mae digonedd o ddanteithion lleol i’w mwynhau. Mae gennym hefyd lond y lle o eitemau defnyddiol i’ch helpu i wneud y gorau o’ch dydd.
Ymweld â Rhosili ac Arfordir De Gŵyr
Ardal arbennig ar gyfer cerdded yr arfordir, gwneud campau dŵr a gwylio bywyd gwyllt. Gyda 3 milltir o dywod, mae digon o le i’r teulu cyfan chwarae yn y tywod neu hedfan barcud.
Cerdded
Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch. (Saesneg yn unig)