![Yr olygfa o Garn Llidi dros Fae Porth Mawr, Sir Benfro, Cymru, gydag Ynys Dewi yn y pellter.](http://nt.global.ssl.fastly.net/binaries/content/gallery/website/national/regions/wales/places/st-davids-peninsula/library/whitesands-bay-and-ramsey-island-pembrokeshire-wales-42411.jpg?auto=webp&width=767&crop=16:9&dpr=2 2x)
Taith gerdded arfordirol Penmaen Dewi
Darganfyddwch bentir arfordirol mwyaf dramatig Sir Benfro ar y daith gerdded gylchol arw hon, dafliad carreg o Dyddewi, dinas leiaf Cymru. Rhyfeddwch at forlun sy’n frith o ynysoedd wrth i chi ymlwybro ar hyd tirwedd wyllt o greigiau, henebion cynhanesyddol ac amrywiaeth anhygoel o fywyd gwyllt arfordirol.
Cymerwch ofal o gwmpas ymylon clogwyni
Byddwch yn ofalus iawn wrth ymylon clogwyni. Wrth i chi fynd i lawr tua’r arfordir, cadwch at y llwybr sydd wedi’i farcio. Does dim angen croesi unrhyw waliau na ffensys sydd heb eu marcio.
Cyfanswm y camau: 7
Cyfanswm y camau: 7
Man cychwyn
Maes parcio Porth Mawr, cyfeirnod grid: SM734272
Cam 1
O faes parcio Porth Mawr, ewch drwy dwll yn y wal wrth basio safle Capel San Padrig. Dringwch lethr tywodlyd i’r llwybr clogwyn. Ar ôl tua ½ milltir (0.8km) fe ddewch at gât fochyn ac arwydd yr Ymddiriedolaeth Genedlaethol. Ewch yn eich blaenau i grib y bryn.
Cam 2
O’r fan yma fe welwch Goetan Arthur, gweddillion siambr gladdu Neolithig, yn gysgod ar yr wybren. Mae’r prif lwybr yn glynu wrth yr arfordir, gan ddisgyn i mewn i ddyffryn ar hyd grisiau llydan at ffynnon uwchben cildraeth pitw Porthmelgan. Mae llwybr arall yn arwain i fyny’r rhiw yn raddol, o gwmpas cefn Carn Llidi, gyda golygfeydd trawiadol i’r dwyrain, neu gall yr anturiaethwyr yn eich mysg sgramblo i’r copa.
Cam 3
Croeswch y nant ger y bont a throwch i’r dde (tua’r gogledd-ddwyrain) a cherdded i fyny’r dyffryn. Gall yr ardal hon fod yn llithrig a mwdlyd yn y gaeaf.
Cam 4
I’r dde ohonoch mae ardal gorsiog gyda siapiau ‘wy deinosor’ nodweddiadol glaswellt y gweunydd, neu ‘borfa rhos’. Mae’r ardal hon yn wyrdd yn yr haf ac yn briddlyd yn y gaeaf. Yn uwch i fyny, ar lethrau Carn Llidi, fe welwch batrymau cae hynafol.
Cam 5
Ar y pwynt uchaf yma, gallwch weld copa Pen Beri ac ehangder Bae Ceredigion yn y pellter. Dau bentir i ffwrdd, fe welwch oleudy Pen Strwmbl yn fflachio, gyda chopa Garn Fawr uwch ei ben. Ewch i lawr i ailymuno â llwybr yr arfordir, a throwch i’r chwith tua Phenmaen Dewi.
Cam 6
Ar y gwastadedd, mae tirwedd greigiog anhygoel yn dod i’r amlwg. Mae meini crwydr (neu feini dyfod) danheddog wedi’u hadlewyrchu ym mhroffil garw Ynys Dewi allan ar y môr. I’r gogledd o Ynys Dewi mae grŵp bach o ynysoedd o’r enw ‘Bishops & Clerks’, y mae un ohonynt yn gartref i oleudy mawr. Oddi ar y lan, fe allech weld llamidyddion neu ddolffiniaid yn chwarae yn y tonnau.
Cam 7
Cyn hir, mae’r llwybr yn pasio Coetan Arthur ac yn arwain i lawr at gaer arfordirol o’r Oes Haearn ym mhen pellaf y penrhyn. Dilynwch lwybr yr arfordir, gan ddychwelyd i Borthmelgan. Aildroediwch eich llwybr o’r fan hon yn ôl i draeth Porth Mawr.
Man gorffen
Maes parcio Porth Mawr, cyfeirnod grid: SM734272
Map llwybr
![Map o daith gerdded arfordirol Penmaen Dewi](http://nt.global.ssl.fastly.net/binaries/content/gallery/website/national/regions/wales/places/st-davids-peninsula/library/st-davids-head-coastal-walk-trail-map.jpg?auto=webp&width=767&dpr=2 2x)
Mwy yn agos i’r man hwn
![Cerddwyr ar lwybr yr arfordir yn Nhreginnis yn Sir Benfro, Cymru](http://nt.global.ssl.fastly.net/binaries/content/gallery/website/national/regions/wales/places/st-davids-peninsula/library/treginnis-coastline-pembrokeshire-wales-1360210.jpg?auto=webp&width=733&crop=16:9&dpr=2 2x)
Taith Treginnis o Borthclais
Taith gerdded 6 milltir o gwmpas pentir Treginnis yn Sir Benfro sy’n cynnwys rhai o greigiau hynaf Cymru, caer o oes yr haearn a gwaith copr o’r 19eg ganrif.
Cysylltwch
Ein partneriaid
![Cotswold Outdoor](http://nt.global.ssl.fastly.net/binaries/content/gallery/website/national/partners/cotswold-outdoor-logo.jpg?auto=webp&width=156&crop=1:1&dpr=2 2x)
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
![A person walking along the South West Coast Path at East Soar, South Devon](http://nt.global.ssl.fastly.net/binaries/content/gallery/website/national/regions/devon/places/east-soar/library/walking-the-south-west-coast-path-east-soar-south-devon-1423843.jpg?auto=webp&width=505&crop=16:9&dpr=2 2x)
Cerdded
Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch. (Saesneg yn unig)
![Dwy ferch yn cerdded ar lwybr trwy'r goedwig yn Stad Southwood, Sir Benfro yng Nghymru](http://nt.global.ssl.fastly.net/binaries/content/gallery/website/national/regions/wales/places/southwood-estate/library/visitors-walking-southwood-estate-pembrokeshire-wales-1386592.jpg?auto=webp&width=505&crop=16:9&dpr=2 2x)
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
![A group of people in a hiking group are being guided on a hike by rangers at Marsden Moor, West Yorkshire](http://nt.global.ssl.fastly.net/binaries/content/gallery/website/national/library/our-cause/communities/hiking-group-on-a-guided-hike-led-by-rangers-at-marsden-moor-west-yorkshire-1618381.jpg?auto=webp&width=505&crop=16:9&dpr=2 2x)
Cotswold Outdoor: Ein partner cerdded
Dysgwch fwy am bartneriaeth barhaus yr Ymddiriedolaeth Genedlaethol gyda Cotswold Outdoor fel ein partner cerdded.
![An aerial view of an adult and baby walking a dog along a path at Baggy Point, Devon](http://nt.global.ssl.fastly.net/binaries/content/gallery/website/national/regions/devon/places/baggy-point/library/autumn/adult-child-dog-walking-cliff-baggy-point-devon-1204387.jpg?auto=webp&width=505&crop=16:9&dpr=2 2x)
Cadw’n ddiogel yn lleoliadau’r Ymddiriedolaeth Genedlaethol
Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.
![Ymwelydd yn cario sach gefn ac yn cerdded ar hyd llwybr troed yn Divis a’r Mynydd Du gyda waliau carreg i’r naill ochr, y cefn gwlad i’w weld yn y cefndir.](http://nt.global.ssl.fastly.net/binaries/content/gallery/website/national/regions/northern-ireland/places/divis-and-the-black-mountain/library/people-walk-divis-black-mountain-1416521.jpg?auto=webp&width=505&crop=16:9&dpr=2 2x)
Dilynwch y cod cefn gwlad
Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.
![Clustog Fair yn blodeuo ar ben clogwyn wrth iddi fachlud yn Pentire](http://nt.global.ssl.fastly.net/binaries/content/gallery/website/national/library/discover-and-learn/nature/flora/thrift-on-cliff-pentire-cornwall-1330136.jpg?auto=webp&width=505&crop=16:9&dpr=2 2x)
Ymwelwch â Phenrhyn Dewi
Darganfyddwch fflora a ffawna Penrhyn Dewi. Cadwch olwg am blanhigion arfordirol, campau’r cudyllod a’r mulfrain llwyd fry uwchben, neu glochdar y cerrig yn clwydo ar lwyni eithin.
![Cerddwr yn sefyll ar arfordir Sir Benfro, yn edrych allan ar y môr](http://nt.global.ssl.fastly.net/binaries/content/gallery/website/national/regions/wales/places/marloes-sands-and-mere/library/winter/view-coast-walker-marloes-pembrokeshire-wales-1770573.jpg?auto=webp&width=505&crop=16:9&dpr=2 2x)
Teithiau cerdded arfordirol yng Nghymru
Darganfyddwch lwybrau cerdded gorau arfordir Cymru, gan fwynhau penrhynoedd prydferth, pentrefi cain, henebion cynhanesyddol a bywyd gwyllt godidog.
![Two walkers and one person using an all-terrain mobility vehicle look out from a grassy hill, across the sea and to a coastal town](http://nt.global.ssl.fastly.net/binaries/content/gallery/website/national/regions/devon/places/watersmeet/library/winter/visitors-countisbury-hill-exmoor-near-watersmeet-devon-1388522.jpg?auto=webp&width=505&crop=16:9&dpr=2 2x)
Cyngor ar gerdded ar yr arfordir
Darllenwch gyngor ar gerdded ar yr arfordir, gan gynnwys y dillad a'r offer hanfodol sydd eu hangen arnoch a beth i'w wneud cyn dechrau arni. (Saesneg yn unig)