Gweithgareddau awyr agored â Stad Stagbwll

Pethau i’w gwneud yn yr awyr agored â Stad Stagbwll  

Cerdded 

P’un a ydych chi ar drywydd taith gerdded fer neu rywbeth mwy egnïol, mae milltiroedd o lwybrau cerdded i chi eu mwynhau yn Stagbwll. Mae’r llwybrau’n ymestyn ar hyd yr arfordir, ar lannau’r llynnoedd a thrwy’r coetir, ac mae yma rai llwybrau gwych i’r teulu. 

Rhedeg 

Barod am her? Rhowch gynnig ar y llwybr chwe milltir sy’n arwain o gwmpas pyllau lili heddychlon, i bentiroedd arfordirol gwyllt ac ar draws traethau euraid.

Galwch yn y dderbynfa yng Nghanolfan Stagbwll i gael rhagor o wybodaeth am ein llwybrau.  

Caiacio 

Caiacio yw un o’r ffyrdd gorau o ddarganfod ein harfordir anhygoel. Gall teuluoedd ddysgu i gaiacio ar y môr o gei cysgodol Stagbwll. Padlwch yn hamddenol i rai o bentiroedd mwyaf dramatig Sir Benfro. 

Llwybr beicio mynydd â Stad Stagbwll

Cymerwch dro gwyllt â Stad Stagbwll a darganfod mwy o’r ardal. Yng Nghoed Doc y Castell a Cheriton Bottom, fe ddewch o hyd i lwybr beicio mynydd gyda dros 4 milltir o ddringfeydd, troeon a neidiau sy’n ddigon i herio’r beiciwr mwyaf profiadol. Reidiwch i gefnlen epig o goetiroedd naturiol a golygfeydd tymhorol wrth i chi ddarganfod mwy o Stad Stagbwll.

Arfordira 

Mae arfordira, camp a ddyfeisiwyd yn Sir Benfro, yn weithgaredd cyffrous sy’n gyfuniad o glogwyn-neidio, dringo clogwyni lefel isel a nofio. 

Archebwch sesiwn 

Pleser gennym yw gweithio â dau gwmni lleol sy’n darparu gweithgareddau dŵr, arfordirol, awyr agored o ansawdd.

Mae Activity Pembrokeshire yn arbenigo mewn cynnig sesiynau caiacio ac arforgampau o Gei Stagbwll. Am ragor o wybodaeth, ewch i wefan Activity Pembrokeshire ar  www.activitypembrokeshire.wales, neu cysylltwch â nhw drwy  adventure@activity.cymru neu 07977543396

 Mae Outer Reef yn arbenigo mewn cynnig cyrsiau a sesiynau Syrffio a Phadlfyrddio o Freshwater West a Chei Stagbwll. Gellir cysylltu â nhw drwy godi’r ffôn  01646 680070 drwy e-bost contact@outerreefsurfschool.com neu drwy eu gwefan  www.outerreefsurfschool.com

Traethau 

Mae’r traethau yn Stagbwll yn boblogaidd ar gyfer nofio, syrffio a ffotograffiaeth dŵr bas.  

Pysgota ar Stad Stagbwll 16 Mehefin 2025 - 14 Mawrth 2026

Yn y llynnoedd yn Stagbwll, a elwir hefyd yn Byllau Lili Bosherston, gellir pysgota am benhwyaid, pysgod garw, gwrachennod a gweinbysgod arian. Mae’r llynoedd yn eithriadol o glir ac yn llawn chwyn, ac felly gallwch weld y pysgod yn hawdd. 

Bydd disgwyl i bob pysgotwr fod â thrwydded wialen gan Cyfoeth Naturiol Cymru a thrwydded bysgota o’n derbynfa yng Nghanolfan Stagbwll.

Ffioedd tocynnau pysgota

Tocynnau dydd: Oedolyn £10, £5 dan 16, 
Tocyn Tymor Oedolyn £50
Tocyn Tymor Iau £30.
Talwch am eich tocyn wrth ddesg Derbynfa Canolfan Stagbwll (SA71 5DQ) cyn pysgota os gwelwch yn dda. Mae'r dderbynfa ar agor o 9am tan 5pm.
Mae tymor caeedig llym rhwng y 15fed o Fawrth - 15fed o Fehefin (cynhwysol).
Rheolau: Mae 50 o begiau. Pysgota o begiau wedi eu rhifo yn unig. Dim abwyd byw, Dim pysgota gyda’r nos. Trwydded gwialen yn ofynnol. Mannau pysgota hygyrch i gadeiriau olwyn ar ochr ddwyreiniol a gorllewinol y llyn, fodd bynnag mae taith gerdded hir o’r maes parcio i gyrraedd nifer o’r pegiau.
 

Canolfan Stagbwll 

Dyma’r lle perffaith i fwynhau’r awyr iach fel teulu, wedi’ch amgylchynu gan dwyni tywod, traethau, coetiroedd a llynnoedd. Mae digon yma i lenwi gwyliau cyfan. 

Ble i aros 

Mae tai bynciau a bythynnod ar gael yn Stagbwll.  Os hoffech archebu neu gael rhagor o wybodaeth am Ganolfan Stagbwll, ffoniwch ni ar: 01646 623110 neu e-bostiwch ni  stackpoleoutdoorlearning@nationaltrust.org.uk