Darganfyddwch fwy yn Stagbwll
Dysgwch sut i gyrraedd Stagbwll, ble i barcio, pethau i’w gweld a’u gwneud a mwy.
Gweithgareddau awyr agored â Stad Stagbwll
Mae Stad Stagbwll yn lle gwych i ymarfer corff tra’n mwynhau golygfeydd gwych. Beth am fynd i loncian, crwydro mewn caiac neu ddarganfod yr arfordir drwy arfordira? Dysgwch fwy am sut i gymryd rhan ac am aros yn yr ardal naturiol ysblennydd hon ar arfordir Sir Benfro.
Pethau i’w gwneud yn yr awyr agored â Stad Stagbwll
Cerdded
P’un a ydych chi ar drywydd taith gerdded fer neu rywbeth mwy egnïol, mae milltiroedd o lwybrau cerdded i chi eu mwynhau yn Stagbwll. Mae’r llwybrau’n ymestyn ar hyd yr arfordir, ar lannau’r llynnoedd a thrwy’r coetir, ac mae yma rai llwybrau gwych i’r teulu.
Rhedeg
Barod am her? Rhowch gynnig ar y llwybr chwe milltir sy’n arwain o gwmpas pyllau lili heddychlon, i bentiroedd arfordirol gwyllt ac ar draws traethau euraid.
Galwch yn y dderbynfa yng Nghanolfan Stagbwll i gael rhagor o wybodaeth am ein llwybrau.
Caiacio
Caiacio yw un o’r ffyrdd gorau o ddarganfod ein harfordir anhygoel. Gall teuluoedd ddysgu i gaiacio ar y môr o gei cysgodol Stagbwll. Padlwch yn hamddenol i rai o bentiroedd mwyaf dramatig Sir Benfro.
Llwybr beicio mynydd â Stad Stagbwll
Cymerwch dro gwyllt â Stad Stagbwll a darganfod mwy o’r ardal. Yng Nghoed Doc y Castell a Cheriton Bottom, fe ddewch o hyd i lwybr beicio mynydd gyda dros 4 milltir o ddringfeydd, troeon a neidiau sy’n ddigon i herio’r beiciwr mwyaf profiadol. Reidiwch i gefnlen epig o goetiroedd naturiol a golygfeydd tymhorol wrth i chi ddarganfod mwy o Stad Stagbwll.
Arfordira
Mae arfordira, camp a ddyfeisiwyd yn Sir Benfro, yn weithgaredd cyffrous sy’n gyfuniad o glogwyn-neidio, dringo clogwyni lefel isel a nofio.
Archebwch sesiwn
Pleser gennym yw gweithio â dau gwmni lleol sy’n darparu gweithgareddau dŵr, arfordirol, awyr agored o ansawdd.
Mae Activity Pembrokeshire yn arbenigo mewn cynnig sesiynau caiacio ac arforgampau o Gei Stagbwll. Am ragor o wybodaeth, ewch i wefan Activity Pembrokeshire ar www.activitypembrokeshire.wales, neu cysylltwch â nhw drwy adventure@activity.cymru neu 07977543396
Mae Outer Reef yn arbenigo mewn cynnig cyrsiau a sesiynau Syrffio a Phadlfyrddio o Freshwater West a Chei Stagbwll. Gellir cysylltu â nhw drwy godi’r ffôn 01646 680070 drwy e-bost contact@outerreefsurfschool.com neu drwy eu gwefan www.outerreefsurfschool.com
Traethau
Mae’r traethau yn Stagbwll yn boblogaidd ar gyfer nofio, syrffio a ffotograffiaeth dŵr bas.
Pysgota ar Ystâd Stagbwll
Yn Llynnoedd Stagbwll gellir pysgota am benhwyaid, pysgod garw, gwrachennod a physgod arian. Cewch bysgota drwy gydol y flwyddyn ar wahân i’r tymor cau llym o 15 Mawrth-15 Mehefin yn flynyddol.
Bydd disgwyl i bob pysgotwr fod â thrwydded wialen gan Gyfoeth Naturiol Cymru a thrwydded bysgota o dderbynfa Canolfan Stagbwll yr Ymddiriedolaeth Genedlaethol.
Tocynnau pysgota
Tocynnau dydd: £10 (oedolyn), £5 (o dan 16).
Tocynnau tymor: £50 (oedolyn), £30 (plentyn)
Talwch am eich tocyn wrth ddesg Derbynfa Canolfan Stagbwll (SA71 5DQ) cyn pysgota. Mae'r dderbynfa ar agor o 9am tan 5pm.
Rheolau
Pysgota o begiau wedi eu rhifo yn unig. Dim abwyd byw. Dim pysgota gyda’r nos. Trwydded gwialen yn ofynnol. Gwaherddir pysgota rhwng 15 Mawrth a 15 Mehefin yn llwyr.
Canolfan Stagbwll
Dyma’r lle perffaith i fwynhau’r awyr iach fel teulu, wedi’ch amgylchynu gan dwyni tywod, traethau, coetiroedd a llynnoedd. Mae digon yma i lenwi gwyliau cyfan.
Ble i aros
Mae tai bynciau a bythynnod ar gael yn Stagbwll. Os hoffech archebu neu gael rhagor o wybodaeth am Ganolfan Stagbwll, ffoniwch ni ar: 01646 623110 neu e-bostiwch ni stackpoleoutdoorlearning@nationaltrust.org.uk
Pethau eraill o ddiddordeb i chi
Bwyta â Stad Stagbwll
Mwynhewch ffefrynnau ffein yn Nhŷ Te’r Tŷ Cychod a golygfeydd godidog o Gei Stagbwll.
Hanes Stad Stagbwll
Camwch yn ôl drwy amser a datgelu canrifoedd o dreftadaeth ar draws Stad Stagbwll, o’r oes efydd hyd heddiw, ac am fywydau ei thrigolion.
Gwylio bywyd gwyllt â Stad Stagbwll
Mae Stagbwll yn gartref i bob math o greaduriaid, o’r dyfrgwn enwog i nythfa fwyaf Cymru o ystlumod pedol mwyaf.
Hygyrchedd yn Stagbwll
Darllenwch ganllaw hygyrchedd Stagbwll ar fenthyg cerbydau symudedd, llwybrau addas ac awgrymiadau defnyddiol ar symud o gwmpas, cyfleusterau a phethau i’w gweld a’u gwneud.
Arfordiroedd a thraethau yng Nghymru
Darganfyddwch 157 milltir o arfordir Cymru sy’n cael ei ddiogelu gan yr Ymddiriedolaeth Genedlaethol, o draethau euraidd eang i glogwyni geirwon
Cymru
Darganfyddwch gestyll tylwyth teg, gerddi godidog a thirwedd Geltaidd wyllt sy’n drysorfa o chwedlau ar eich ymweliad â Chymru.
Cadw’n ddiogel wrth ganŵio
Er bod canŵio a cheufadu yn ffyrdd gwych o brofi natur a chadw'n heini, gall fod yn beryglus os na ddilynnir y canllawiau. Dysgwch sut i gadw'n ddiogel gyda'n cyngor a'n cyfarwyddyd. (Saesneg yn unig)
Gweithgareddau traeth y '50 peth i'w gwneud cyn dy fod yn 11¾'
Gweithgareddau y gall plant eu mwynhau ar lan y môr, o badlo neu nofio i ddal crancod a sgimio cerrig. (Saesneg yn unig)
