Yr olygfa o Ddinas Oleu, Cymru | © National Trust Images/John Miller

Arfordiroedd a thraethau yng Nghymru

Rydym yn gofalu am 157 milltir o arfordir yng Nghymru, sy’n cynnwys rhai o draethau gorau’r wlad, o draethau euraidd eang a childraethau cudd i forluniau gwyllt a darnau o Lwybr Arfordir Cymru.

O bentref prydferth perffaith Porthdinllaen, ‘tywod chwibanog’ Porthor a childraeth euraidd Llanbedrog, mae digon i’w ddarganfod ym Mhen Llŷn.

Darganfyddwch Ben Llŷn

Golygfa o’r traeth a phentref arfordirol Porthdinllaen gyda’r arfordir i’w weld ar y dde, clogwyn gwyrdd y tu ôl i’r pentref a phobl yn cerdded ar hyd y traeth

Lle

Porthdinllaen

Hen bentref pysgota sy’n eistedd ar ben pellaf stribyn tenau o dir sy’n ymwthio allan i Fôr Iwerddon, gyda dyfroedd cysgodol clir a golygfeydd gogoneddus.

Traeth Llanbedrog ar drai ar Benrhyn Llŷn, Gogledd Cymru

Lle

Llanbedrog

Traeth euraidd â thirwedd goediog, arw yn edrych dros Fae Ceredigion. Yn enwog am ei chytiau traeth lliwgar, mae Llanbedrog yn un o drysorau Llŷn.

Lle

Porthor

Traeth teuluol gwych sy’n enwog am ei ‘dywod chwibanog’ a’i ddyfroedd disglair, gyda golygfeydd trawiadol ar hyd arfordir gogleddol garw Pen Llŷn.

Cychod ar y traeth ar ddiwrnod heulog yn Borth Meudwy, Gwynedd, Cymru

Porth Meudwy

Cildraeth bach ar drwyn Pen Llŷn sy’n gwasanaethu fel porthladd i bysgotwyr lleol a man gadael i ymweld ag Ynys Enlli.

Dysgwch am dreftadaeth ddiwydiannol Ynys Môn ar hyd Llwybr Arfordir Cymru yng Nghemaes, darganfyddwch Warchodfa Natur Genedlaethol Cemlyn a mwynhewch draeth tywodlyd poblogaidd Porth Dafach.

Lle

Cemlyn

Ardal o Harddwch Naturiol Eithriadol ag arfordir garw gwych o greigiau, baeau bychain a phentiroedd – paradwys i gerddwyr.

Darganfyddwch un o arfordiroedd mwyaf anghysbell Cymru yng Ngheredigion gyda childraeth cudd Penbryn, traeth perffaith y Mwnt a llwybrau arfordirol Cei Newydd.

A child holding a bodyboard wearing a wet suit standing in the shallows at Mwnt, with another bodyboarding child visible in the background

Lle

Mwnt

Bae diarffordd prydferth gyda thraeth euraidd ar arfordir Ceredigion – y lle perffaith i wylio ddolffiniaid, morloi a bywyd gwyllt arall.

Tonnau gwyn yn torri ar draeth tywodlyd Penbryn, yn edrych o’r twyni llawn rhedyn. Mae llawer o bobl ar y traeth yn mwynhau’r diwrnod o haf.

Lle

Penbryn

Yn un o gyfrinachau gorau Ceredigion, mae’r cildraeth euraidd anghysbell hwn yn gorwedd wrth ben lonydd deiliog, drwy goedwigoedd dyffryn rhedynog.

Darganfyddwch y Gŵyr, Ardal o Harddwch Naturiol Eithriadol sy’n cynnwys Rhosili, un o draethau gorau gwledydd Prydain, Bae’r Tri Chlogwyn, sydd wedi ennill gwobrau lu, a’r forfa heli yng Nghwm Ivy.

Darganfyddwch y Gŵyr

Lle

Rhosili ac Arfordir De Gŵyr

Mae bae bendigedig Rhosili yn brolio traeth euraidd tair milltir o hyd a golygfeydd godidog dros benrhyn Gŵyr, a phethwmbreth o fywyd gwyllt i’w wylio o’r clogwyni cyfagos.

Yr olygfa o Fae’r Tri Chlogwyn o gyffiniau Penmaen gyda rhostir yn y blaendir, ar Benrhyn Gŵyr, De Cymru

Lle

Twyni Penmaen a Nicholaston

Darganfyddwch fywyd gwyllt ac archaeoleg ar daith gerdded drwy rostir, twyni tywod a chlogwyni, sy’n swatio rhwng bae clodwiw’r Tri Chlogwyn a Bae Oxwich.

Golygfa dros glogfeini Pennard yng Ngŵyr, Cymru

Lle

Pennard, Pwll Du a Dyffryn Llandeilo Ferwallt

Crwydrwch ardal sy’n gyfoeth o hanes ym Mae Pwll Du, gyda chlogwyni trawiadol, afon danddaearol, coetir hynafol ac ogofau a oedd yn gartref i’r mamoth amser maith yn ôl.

View from the top of Cwm Ivy Tor at Whiteford Burrows, Swansea.

Lle

Whitffordd a Gogledd Gŵyr

Llecyn heddychlon sy’n berffaith ar gyfer ymlacio, gwylio adar a cherdded, gyda thwyni tywod a morfa heli eang ac ardal fwydo o bwysigrwydd rhyngwladol ar gyfer rhydwyr ac adar dŵr.

Darganfyddwch arfordir Sir Benfro, o Forlyn Glas Abereiddi a thirwedd hanesyddol Tyddewi i fae poblogaidd Barafundle yn Stagbwll a Freshwater West.

Darganfyddwch Sir Benfro

Cliffs and the sea at Abereiddi, Pembrokeshire

Lle

Abereiddi i Abermawr

Darn gwyllt o arfordir lle mae diwydiant ac antur yn cyfuno â Morlyn Glas, traethau, creigiau ac adfeilion.

Golygfa o’r awyr o Freshwater West, Sir Benfro.

Lle

Traeth Freshwater West

Yn boblogaidd gyda phobl sy’n hoff o antur neu natur, mae’r darn tywodlyd, gwyllt hwn o arfordir yn cefnu ar dwyni tywod a gwlyptir, sy’n berffaith ar gyfer gwylio bywyd gwyllt.

Y gors gyda bancyn glaswelltog uwchben a phedair alarch ifanc yn mwynhau yn y dŵr

Lle

Traeth a Chors Marloes

Yn drysor cudd ar ymyl orllewinol Sir Benfro, mae Penrhyn Marloes yn cyfuno golygfeydd arfordirol dramatig â chyfoeth o fywyd gwyllt a chyfleoedd nofio diogel ar draethau euraidd.

Golygfa o ben clogwyn gyda charreg fawr ar y dde yn edrych i lawr i’r môr islaw

Lle

Yn arfordir lliwgar â llwybrau prydferth a llwyth o hanes, mae’r penrhyn prydferth hwn wedi bod yn ganolfan ddiwylliannol ers miloedd o flynyddoedd, gyda’i wreiddiau Celtaidd a’i gysegrfa i nawddsant Cymru.

Golygfa arfordirol yn edrych tua’r de-orllewin tuag at Fae San Ffraid dros benrhyn cribog Dinas Fawr. Mae Ynys Sgomer i’w gweld yn y môr yn y pellter.

Lle

Arfordir Solfach

Mae pentiroedd ymwthiol, dyffrynnoedd dedwydd ac arfordir ysgubol Solfach yn gyfoeth o hanes, o aneddiadau Oes yr Haearn a diwydiant i straeon morol iasol – perffaith am antur ar droed.

Ymwelwyr yn cerdded ar hyd llwybr yr arfordir yn Stad Southwood, Sir Benfro

Lle

Stad Southwood

Darganfyddwch dirwedd oesol Southwood o ddyffrynnoedd coediog, caeau blodeuog a chlogwyni geirwon. Yn ymestyn i’r môr, mae’r llecyn arfordirol hudol hwn yn llawn rhyfeddodau.

Yr olygfa ar draws Pwll Lili Bosherston o’r Bont Welltog yn Stagbwll, Sir Benfro, gydag awyr las uwchben dŵr gweiriog

Lle

Stagbwll

Darn hyfryd o arfordir gyda thraethau euraidd clodwiw, dyffrynnoedd coediog heddychlon, pyllau lili sy’n fwrlwm o fywyd gwyllt, llwybrau cerdded a chwaraeon dŵr.

Yr olygfa o Benberi ar Benmaen Dewi ym Mae San Ffraid, Sir Benfro, yn edrych tua’r gogledd-ddwyrain tuag at Ben Strwmbl yn y pellter

Lle

Canolfan Addysg Awyr Agored Stagbwll

Mae’r ardal hon o Sir Benfro yn baradwys i gerddwyr, gyda golygfeydd ysblennydd a llwybrau arfordirol yn igam-ogamu dros glogwyni dramatig ac anghysbell.

Cerddwr yn sefyll ar arfordir Sir Benfro, yn edrych allan ar y môr

Erthygl

Teithiau cerdded arfordirol yng Nghymru

Darganfyddwch lwybrau cerdded gorau arfordir Cymru, gan fwynhau penrhynoedd prydferth, pentrefi cain, henebion cynhanesyddol a bywyd gwyllt godidog.  