Llwybr arfordirol Porthgain i Abereiddi

Cymru

Y machlud o’r Morlyn Glas, Sir Benfro | © Crown Copyright (2015) Visit Wales

Mwynhewch rai o olygfeydd arfordirol gorau Sir Benfro tra’n darganfod ei hanes diwydiannol. Un tro, roedd porthladd pysgota pitw Porthgain yn allforio cerrig ffordd i bob rhan o’r DU, tra bod Morlyn Glas enwog Abereiddi yn hen chwarel lechi. Yn ogystal, mae Ynys Barri yn gartref i amrywiaeth arbennig o fywyd gwyllt.

Eiddo ger

Abereiddi to Abermawr

Man cychwyn

Porthgain, cyfeirnod grid: SM816325 Cod post: SA62 5BP

Gwybodaeth am y Llwybr

Gweld y llwybr

Argraffu'r llwybr

Pa Mor Heriol*

Hygyrchedd**

Llwybr llawn

PellterMilltiroedd: 4 (km: 6.4)

Hyd1 awr 20 munud

Addas i gŵn***

*Gwastad ar y cyfan, ond gyda rhai darnau serth. Am ragor o fanylion, darllenwch yr adran Tirwedd.
**Ddim yn addas i bobl sydd â gofynion mynediad arbennig. Am ragor o fanylion, darllenwch yr adran Mynediad.
***Rhaid i gŵn gael eu cadw ar dennyn byr ger anifeiliaid. Am ragor o fanylion, darllenwch yr adran Cyfleusterau. .

Cyfeiriad
Porthgain, Sir Benfro SA62 5BP
Cyfarwyddiadau trwy Google Maps
Ar droed
Ar Lwybr Arfordir Sir Benfro rhwng Tyddewi ac Abergwaun.
Ar fws
Cymerwch y Gwibiwr Strwmbl i Abereiddi a Phorthgain o Dyddewi ac Abergwaun (ger yr orsaf). Mae’r gwasanaeth yn llai rheolaidd yn y gaeaf.
Beicio
Mae’r Llwybr Celtaidd (gweler Llwybr 4 Rhwydwaith Beicio Cenedlaethol Sustrans) yn dilyn lonydd tawel 0.5 milltir (0.8km) o’r arfordir.
Ar y ffordd
Gadewch yr A487 yng Nghroes Goch a dilynwch yr arwyddion ar gyfer Llanrhian. Cod post ar gyfer llywiwr lloeren: SA62 5BP.
Cŵn
Mae croeso i gŵn ond rhaid iddynt bob amser gael eu cadw o dan reolaeth effeithiol ac ar dennyn byr ger anifeiliaid. Ewch â baw eich ci adref gyda chi.
Maes parcio
Mae yna feysydd parcio sydd ddim yn perthyn i’r Ymddiriedolaeth Genedlaethol yn Harbwr Porthgain ac Abereiddi, ac mae’n rhaid talu. Noder: mae arwyneb cerrig anwastad iawn yn y maes parcio yn Abereiddi.
Toiled
Mae yna dai bach yn Harbwr Porthgain ac Abereiddi.
Cyfanswm y rhannau: 8
Cyfanswm y rhannau: 8
Man cychwyn
Porthgain, cyfeirnod grid: SM816325 Cod post: SA62 5BP
Rhan 1
Cerddwch ar hyd ochr ddeheuol Harbwr Porthgain o dan yr hopranau brics. I gyrraedd llwybr yr arfordir, dringwch y grisiau ger adeilad gwyn.
Rhan 2
Ar ôl tro sydyn i’r chwith, yng nghornel y cae, mae’r tŵr uwchben Abereiddi yn dod i’r golwg. Dilynwch lwybr yr arfordir ar hyd clogwyni uchel dramatig.
Rhan 3
Mae grisiau o’r fan hon yn arwain i lawr i draeth bach o’r enw Traeth Llyfn. Yn anghysbell a diarffordd, mae’r glannau wedi’u gorchuddio’n llwyr pan mae’r llanw’n uchel iawn. Gall fod ceryntau cryf hefyd, felly ni ddylech nofio yma, dim ond padlo ac adeiladu cestyll tywod.
Rhan 4
Mae llwybr yr arfordir yn parhau dros laswelltir agored, gan ddilyn ymyl y clogwyni cyn igam-ogamu i lawr at draeth Abereiddi. Os nad ydych chi eisiau parhau â’r gylchdaith lawn, neidiwch ar y bws (Gwibiwr Strwmbl) i Borthgain, Tyddewi neu Abergwaun.
Rhan 5
Dilynwch yr arwyddion melyn i fyny llethr byr ac ymunwch â llwybr glaswelltog llydan sy’n arwain tua’r tir mawr.
Rhan 6
Ewch dros gamfa, torrwch ar draws cornel y cae a dringwch dros gamfa arall ger pentwr o greigiau. Dilynwch y trac llydan i’r dwyrain i Barry Island Farm.
Rhan 7
Dilynwch y trac i lawr i’r ffordd a chroeswch i’r ochr arall, gan ddringo rhai grisiau llechi i mewn i gae.
Rhan 8
Ewch yn syth ar draws y cae, dros gamfa, ac ar hyd y clawdd at gât mochyn. Dilynwch y llwybr hwn yn ôl i Borthgain.
Man gorffen
Porthgain, cyfeirnod grid: SM816325 Cod post: SA62 5BP
Map llwybr
Map o’r gylchdaith o Borthgain i Abereiddi | © Crown copyright and database rights 2013 Ordnance Survey 100023974
Dyna ni, da iawn chi
Rhannwch eich profiad

Llwybr coedwig a thraeth Abermawr

Dilynwch y gylchdaith fer hon o draeth Abermawr, drwy goedwig clychau’r gog, dolydd a chors.

Abereiddi: SA62 6DT, Abermawr: SA62 5UX

01646623110

abereidditoabermawr@nationaltrust.org.uk

Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.

Ymweld â'r wefan

Teithiau cerdded arfordirol yng Nghymru

Darganfyddwch lwybrau cerdded gorau arfordir Cymru, gan fwynhau penrhynoedd prydferth, pentrefi cain, henebion cynhanesyddol a bywyd gwyllt godidog.  

Cerddwr yn sefyll ar arfordir Sir Benfro, yn edrych allan ar y môr

Darganfyddwch y Morlyn Glas yn Abereiddi

Mae Abereiddi yn boblogaidd ar gyfer arfordira a chaiacio ym misoedd yr haf, ond gall cerddwyr fwynhau’r arfordir garw a’r golygfeydd godidog o ben y clogwyni hefyd. Darganfyddwch harddwch y rhan hon o Sir Benfro a’n gwaith i addasu i rymoedd natur.

Yr olygfa o ben clogwyn yn edrych i lawr tua childraeth creigiog sydd bron yn amgylchynu’r Morlyn Glas yn Abereiddi, gyda’r môr yn ymestyn i’r gorwel tu draw.

Cotswold Outdoor: Ein partner cerdded

Dysgwch am bartneriaeth barhaus yr Ymddiriedolaeth Genedlaethol â Cotswold Outdoor. Dewch i ganfod sut maent yn ein helpu ni i ofalu am leoedd gwerthfawr a'r gostyngiadau arbennig sydd ar gael i gefnogwyr yr Ymddiriedolaeth Genedlaethol.

Cerdded yng Nghymru

Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.

Cadw’n ddiogel yn lleoliadau’r Ymddiriedolaeth Genedlaethol

Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.