Skip to content

Llwybr pedol Llanwrthwl

Cymru

Golygfa o’r dirwedd yng Nghomin Abergwesyn, Powys
Golygfa o’r dirwedd yng Nghomin Abergwesyn, Powys | © National Trust Images/Paul Harris

Mae’r llwybr hwn yn dechrau a gorffen ym mhentref tawel Llanwrthwl ac yn cynnig golygfeydd panoramig ar draws ucheldiroedd Brycheiniog a Maesyfed, gan gynnwys ‘to Cymru’, Mynyddoedd Cambria.

Man cychwyn

Eglwys St Gwrthwl, Llanwrthwl, Llandrindod, LD1 6NT. Cyfeirnod grid: SN975637

Pa Mor Heriol*

Hygyrchedd**

Llwybr llawn

PellterMilltiroedd: 10 (km: 16)
Hyd5 awr
Addas i gŵn
  1. *Gweundir corsiog, agored gyda rhai darnau serth a thir anwastad.

  2. **Yn addas i gerddwyr bryniau profiadol yn unig. Am ragor o fanylion, darllenwch yr adran Mynediad. 

Gorgors a gweundir agored

Mae’r llwybr hwn ond yn addas i gerddwyr bryniau profiadol gan nad oes llawer o lwybrau clir. Argymhellir sgidiau cerdded priodol.

  • Cyfanswm y rhannau: 9

    Cyfanswm y rhannau: 9

    Man cychwyn

    Eglwys St Gwrthwl, Llanwrthwl, Llandrindod, LD1 6NT. Cyfeirnod grid: SN975637

    Rhan 1

    Gan ddechrau’r daith o’r eglwys yn Llanwrthwl, dilynwch yr is-ffordd sy’n rhedeg ar ochr chwith y fynwent. Mae’r darn hwn o’r daith yn dilyn llwybr hamdden Llwybr Dyffryn Gwy. Arhoswch ar y ffordd hon am tua 2 filltir (3.5km) nes i chi ddod at bwynt lle mae’r ffordd yn gwahanu.

    Rhan 2

    Dilynwch y trac i’r dde, ar Lwybr Dyffryn Gwy o hyd, ac ewch drwy gât bren i mewn i gae. Rydych chi nawr ar dir yr Ymddiriedolaeth Genedlaethol, fel mae’r arwydd ar gyfer mynydd Trembyd yn dynodi. Dilynwch y trac cerrig i fyny am ryw filltir (1.5km) – fe welwch fod y llwybr ceffylau glaswelltog yn mynd i fyny o’ch blaen tra bod y trac caregog yn troi i’r chwith, ac i lawr. Dilynwch y llwybr ceffylau nes i chi gyrraedd wal gerrig a gât sy’n arwain at gae ar frig y llwybr.

    Rhan 3

    Trowch i’r dde o flaen y gât a dilynwch y ffens i fyny, gan anelu am gopa Trembyd. Ar ben bryn Trembyd fe welwch bentwr o gerrig a oedd unwaith yn garnedd gladdu. Mwynhewch y golygfeydd o ben y bryn tra’ch bod chi’n dal eich gwynt ar ôl dringo. O’r fan hon, cerddwch i gyfeiriad Drum Ddu i’r de-orllewin.

    Rhan 4

    Croeswch y drum (neu’r cyfrwy) rhwng y ddau gopa. Cadwch i ochr dde’r gwlyptir i gadw’ch traed ychydig yn sychach. Byddwch hefyd yn pasio dwy garnedd arall. Ar ôl croesi’r drum, cerddwch yn lletraws i’r chwith, i fyny ochr y bryn, nes i chi gyrraedd y brig. O’r fan hon, gallwch gerdded ar hyd y llwybr glaswellt gwastatach i garnedd Drum Ddu.

    Rhan 5

    O garnedd Drum Ddu, dilynwch y llwybr ar hyd y grib am tua 400 llath (400m) nes i chi ymuno â’r trac sy’n disgyn i’r dde tua Rhos Saith-maen. Nid yw’r darn hwn o’r llwybr bob amser yn glir, felly dewiswch y ffordd orau i lawr ochr y bryn. Wrth i chi gerdded i lawr i’r dyffryn, cadwch olwg o’ch blaenau am y trac sy’n dringo’r bryn gyferbyn, ar yr ochr chwith, i fyny i gopa’r Gamriw. Dyma Riw Saeson, y llwybr i anelu ato wrth groesi llawr y dyffryn.

    Rhan 6

    Ar ôl i chi groesi’r trac sy’n rhedeg drwy Ros Saith-maen, dilynwch y llwybr i droed y Gamriw. Gall yr ardal hon fod yn wlyb am lawer o’r flwyddyn, felly dewiswch eich llwybr yn ofalus. Dilynwch y llwybr sy’n arwain i fyny at adfeilion adeilad.

    Rhan 7

    O’r fan hon, trowch i’r dde a dilyn y llwybr i’r copa, sy’n arwain o ochr chwith yr adfeilion. Byddwch yn cyrraedd carnedd y copa cyn y pwynt triongli, sef pwynt uchaf y daith gerdded hon ar 1,969tr (600m).

    Rhan 8

    O bwynt triongli’r Gamriw, dilynwch y grib i’r gogledd-ddwyrain, yn ôl tua Llanwrthwl. Byddwch yn pasio sawl carnedd hynafol ar eich taith, sy’n cynnig cip i chi ar hanes yr ardal.

    Rhan 9

    Wrth i chi gyrraedd pen pellaf y grib, bydd angen i chi ddod o hyd i’r llwybr igam-ogam sy’n arwain i lawr i a thrwy’r coetir uwchben fferm Dol-lago. Ar ôl cyrraedd y fferm, dilynwch yr arwyddion llwybr ceffylau glas sy’n eich cyfeirio rhwng adeiladau’r fferm ac i lawr trac y fferm, gan arwain i’r ffordd. Ar ôl cyrraedd y ffordd, trowch i’r chwith a pharhewch i’r gyffordd T. Trowch i’r dde yma, a dilynwch y ffordd yn ôl drwy’r pentref i’r eglwys.

    Man gorffen

    Eglwys St Gwrthwl, Llanwrthwl, Llandrindod, LD1 6NT. Cyfeirnod grid: SN975637

    Map llwybr

    Map yn dangos llwybr Pedol Llanwrthwl yng Nghomin Abergwesyn ym Mhowys, Cymru
    Map o lwybr Pedol Llanwrthwl, Comin Abergwesyn | © Crown copyright and database rights 2022 Ordnance Survey

    Dyna ni, da iawn chi

    Rhannwch eich profiad

Mwy yn agos i’r man hwn

Taith gerdded gylchol Pen y Fan a Chorn Du 

Dilynwch y llwybr mynyddig cylchol, heriol hwn ar hyd llwybrau cadarn i gopa Pen y Fan a Chorn Du ym Mannau Brycheiniog.

Gweithgareddau
Cerdded
PellterMilltiroedd: 4 (km: 6.4)
Golygfa o lethrau Corn Du ym Mannau Brycheiniog yn dangos y llethr serth ac erydiad llwybr troed

Taith gerdded Rhaeadr Henrhyd a Nant Llech 

Darganfyddwch Geunant Graig Llech a chwm heddychlon Nant Llech ar y daith anturus hon ym Mannau Brycheiniog i weld y rhaeadr uchaf yn Ne Cymru.

Gweithgareddau
Cerdded
PellterMilltiroedd: 3.5 (km: 5.6)
Ymwelydd yn tynnu llun o raeadr gyda’i ffôn tra’n sefyll ar glogwyn bach uwchben pwll o ddŵr yn Rhaeadr Henryd ym Mannau Brycheiniog, Cymru

Ein partneriaid

Cotswold Outdoor

Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.

Ymweld â'r wefan 

Pethau eraill o ddiddordeb i chi

Cerdded yng Nghymru 

Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.

Golygfa o Fynydd Sygun, Eryri

Darganfyddwch diroedd Comin Abergwesyn 

Darganfyddwch leoliad o dirweddau digyffwrdd a dramatig, lle mae dyffrynnoedd serth yn ildio i diroedd comin trawiadol sy’n cynnig golygfeydd gwych cyn belled â Bannau Brycheiniog.

Golygfa o Ben y Fan tuag at Gorn Du ym Mharc Cenedlaethol Bannau Brycheiniog, De Cymru.

Awgrymiadau arbennig ar gyfer cerdded bryniau a mynyddoedd 

Dysgwch am y dillad a'r offer hanfodol sydd eu hangen arnoch, cadw eich lefelau egni yn uchel, cadw'n ddiogel a gadael yr amgylchedd fel yr oedd cyn i chi gyrraedd. (Saesneg yn unig)

A person walking along a footpath in a grassy landscape on Tennyson Down on the Isle of Wight

Cadw’n ddiogel yn lleoliadau’r Ymddiriedolaeth Genedlaethol 

Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.

Two female visitors standing on the rocks at Giant's Causeway, County Antrim

Cerdded 

Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch. (Saesneg yn unig)

Visitors walking in the parkland at Lyme Park, Cheshire

Cotswold Outdoor: Ein partner cerdded 

Dysgwch am bartneriaeth barhaus yr Ymddiriedolaeth Genedlaethol â Cotswold Outdoor. Dewch i ganfod sut maent yn ein helpu ni i ofalu am leoedd gwerthfawr a'r gostyngiadau arbennig sydd ar gael i gefnogwyr yr Ymddiriedolaeth Genedlaethol.

A couple are walking outdoors

Dilynwch y cod cefn gwlad 

Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.

Ymwelydd yn cario sach gefn ac yn cerdded ar hyd llwybr troed yn Divis a’r Mynydd Du gyda waliau carreg i’r naill ochr, y cefn gwlad i’w weld yn y cefndir.

Teithiau cerdded arfordirol yng Nghymru 

Darganfyddwch lwybrau cerdded gorau arfordir Cymru, gan fwynhau penrhynoedd prydferth, pentrefi cain, henebion cynhanesyddol a bywyd gwyllt godidog.  

Cerddwr yn sefyll ar arfordir Sir Benfro, yn edrych allan ar y môr