Taith gerdded gylchol Pen y Fan a Chorn Du

Cymru

Golygfa o lethrau Corn Du ym Mannau Brycheiniog yn dangos y llethr serth ac erydiad llwybr troed — Y llwybr troed rhwng Corn Du a Phen y Fan | © National Trust Images/Paul Harris

Llwybr mynyddig cylchol, heriol ar hyd llwybrau cadarn i gopa Pen y Fan a Chorn Du ym Mannau Brycheiniog. Os yw’r tywydd yn caniatáu, cewch olygfeydd o dref Aberhonddu ac, ar ddiwrnod clir, copa Cader Idris.

Eiddo ger

Bannau Brycheiniog (Brecon Beacons)

Man cychwyn

Maes parcio Pont ar Daf, cyfeirnod grid: SN988199.

Gwybodaeth am y Llwybr

Gweld y llwybr

Argraffu'r llwybr

Pa Mor Heriol*

Hygyrchedd**

Llwybr llawn

PellterMilltiroedd: 4 (km: 6.4)

Hyd2 awr 30 munud

Addas i gŵn***

*Dringfa gymedrol gyda grisiau serth ger y copa. Am ragor o fanylion, darllenwch yr adran Tirwedd.
**Arwyneb anwastad a llwybrau cul ar bob cam o’r daith. Am ragor o fanylion, darllenwch yr adran Mynediad.
***Dylai cŵn gael eu cadw ar dennyn byr. Am ragor o fanylion, darllenwch yr adran Cyfleusterau.

Paratowch am dywydd newidiol

Mae map a chwmpawd, dillad gwrth-ddŵr, chwiban a thortsh i gyd yn hanfodol ar gyfer y llwybr hwn, gan fod y tywydd yn newidiol iawn yn y mynyddoedd hyn.

Cyfeiriad
Pont ar Daf, Bannau Brycheiniog
Cyfarwyddiadau trwy Google Maps
Ar y trên
Gorsaf Merthyr Tudful 12 milltir (19km), gorsaf y Fenni 30 milltir (48km). Cysylltiadau â’r bws X43 o’r ddwy orsaf.
Ar fws
Caerdydd i’r Drenewydd – dewch oddi ar y bws ger y Storey Arms.
Ar droed
Mae Ffordd y Bannau yn rhedeg o’r Fenni i Langadog ac yn pasio drwy’r eiddo.
Ffordd y Bannau
Beicio
Mae Llwybr 8 y Rhwydwaith Beicio Cenedlaethol (Lôn Las Cymru) yn pasio ar hyd ymylon gorllewinol a dwyreiniol yr eiddo o Aberhonddu a hefyd yn arwain at yr eiddo o’r gogledd, o Dal-y-bont ar Wysg i’r dwyrain a Chaerdydd o’r de.
Llwybr 8 y Rhwydwaith Beicio Cenedlaethol (Lôn Las Cymru)
Mae Taith Taf yn pasio ar hyd ymylon gorllewinol a dwyreiniol yr eiddo o Aberhonddu a hefyd yn arwain at yr eiddo o’r gogledd, o Dal-y-bont ar Wysg i’r dwyrain a Chaerdydd o’r de. Mae ffordd ddrwg-enwog y Bwlch, y llwybr uchaf yng Nghymru a Lloegr, yn croesi’r eiddo ac yn ymuno â’r llwybr yn Nhorpantau.
Taith Taf
Ar y ffordd
Pont ar Daf, Bannau Brycheiniog
Cyfanswm y rhannau: 5
Cyfanswm y rhannau: 5
Man cychwyn
Maes parcio Pont ar Daf, cyfeirnod grid: SN988199.
Rhan 1
Dilynwch y llwybr troed ar ochr ddeheuol y maes parcio, ewch drwy’r gât mochyn a chroeswch y bont bren dros yr afon. O’r fan yma, dilynwch y llwybr i fyny’r rhiw tuag at Fwlch Duwynt.
Adeiladwaith llwybrau cyn-Rufeinig
Wrth ddringo’n raddol, fe welwch y gwahanol ddulliau adeiladu sydd wedi’u defnyddio i greu llwybrau’r Bannau. Mae’r cafnau ar ochr uchaf y llwybr yn cludo’r dŵr sy’n llifo lawr rhiw i bwyntiau croesi addas lle rydym wedi adeiladu ffosydd; mae hyn yn cadw’r rhan fwyaf o’r dŵr oddi ar y llwybr troed ac yn atal erydiad. Mae rhywfaint o’r llwybr wedi’i adeiladu drwy ‘fwrw meini’. Mae’r dull hwn o greu arwyneb gwydn yn dyddio’n ôl i gyn cyfnod y Rhufeiniaid, ond mae’n ddrud ac yn cymryd llawer o amser.
Starting point of Pen y Fan Circular Walk | © Ed Barclay
Rhan 2
Ar ôl i chi gyrraedd Bwlch Duwynt, dilynwch y llwybr troed (sy’n pwyntio’n fras i gyfeiriad 11 o’r gloch) sy’n arwain ar draws llethr deheuol Corn Du. Cyn pen dim, fe gyrhaeddwch y cyfrwy rhwng Corn Du a Phen y Fan. O’r fan yma, mae golygfeydd trawiadol i’r de, drwy Gwm Neuadd i’r argaeau uwchben Merthyr Tudful. Dilynwch y llwybr i gopa mynydd uchaf de Prydain – Pen y Fan – ar 2,906 troedfedd (886m).
Cerdded ym Mharc Cenedlaethol Bannau Brycheiniog, De Cymru. | © National Trust Images/Paul Harris
Rhan 3
Ar ôl i chi orffen edmygu’r olygfa, aildroediwch y llwybr yn ôl i’r cyfrwy rhwng Pen y Fan a Chorn Du, ac ewch i’r dde, gan ddringo’r llwybr meini i gopa Corn Du. Mae’r llwybr i’r chwith ohonoch yn mynd yn ôl i Fwlch Duwynt ac i’r maes parcio. Ar ôl i chi gyrraedd copa Corn Du, dilynwch y llwybr i’r dde, gan ddilyn y grib.
Siambr gladdu o’r Oes Efydd
Roedd y garnedd ar y copa yn siambr gladdu yn yr Oes Efydd. Pan gafodd ei chloddio ym 1991, darganfuwyd broetsh efydd a phen gwaywffon y tu mewn i’r siambr. O’r fan yma, mae’r golygfeydd yn odidog pan mae’r tywydd yn caniatáu. I’r gogledd, fe welwch dref Aberhonddu ac, ar ddiwrnod arbennig o glir, copa Cader Idris. Gan edrych i’r dwyrain fe welwch fynydd Pen-y-fâl yn y pellter, ac i’r de-orllewin mae Môr Hafren a Phorthcawl i’w gweld ar ddiwrnod braf.
Rhan 4
Gadewch Gorn Du o’r pen gogleddol a dringwch i lawr y darn serth i gyrraedd y llwybr meini islaw, sy’n arwain at yr obelisg. Aildroediwch y llwybr yn ôl o’r obelisg, lle mae’r llwybr yn rhannu. Dilynwch y llwybr caniataol i lawr tua’r nant, Blaen Taf Fawr. Ar ôl croesi’r nant, ewch i fyny’r rhiw, gan ddilyn y llwybr i’r gât ar y Gyrn.
Rhan 5
Daliwch i ddilyn y llwybr ac ewch i lawr tua’r Storey Arms. Dilynwch y llwybr tarmac o flaen Canolfan Addysg y Storey Arms at gât mochyn, sy’n mynd â chi at drac sy’n arwain yn ôl i’r maes parcio.
Llwybr Ffordd y Bannau o Bont ar Daf | © National Trust Images/Chris Lacey
Man gorffen
Maes parcio Pont ar Daf, cyfeirnod grid: SN988199
Map llwybr
Map taith gerdded gylchol Pen y Fan a Chorn Du, Bannau Brycheiniog | © Crown copyright and database rights 2013 Ordnance Survey
Dyna ni, da iawn chi
Rhannwch eich profiad

Taith Glyn Tarell Uchaf

Mae’r daith gerdded 5 milltir hon ar hyd trac o’r 18fed ganrif yn drysorfa o hanes. Mwynhewch fywyd gwyllt a golygfeydd o Warchodfa Natur Genedlaethol Craig Cerrig-Gleisiad ym Mannau Brycheiniog.

Golygfa o Lyn Tarell Uchaf o’r hen Ffordd Gerbydau ar ddiwrnod heulog, Bannau Brycheiniog, Cymru

Llwybr cylchol crib bedol Bannau Brycheiniog

Llwybr ucheldirol cylchol heriol sy’n eich tywys i grombil y Bannau a’r golygfeydd gorau. Mwynhewch olygfeydd godidog tua Phen y Fan ac i Gwm Sere, a chadwch olwg am garnedd gladdu o’r Oes Efydd a thystiolaeth o feysydd tanio milwrol.

Golygfa ar draws y dyffryn o Ben y Fan, Bannau Brycheiniog, Cymru

Taith gerdded Rhaeadr Henrhyd a Nant Llech

Darganfyddwch Geunant Graig Llech a chwm heddychlon Nant Llech ar y daith anturus hon ym Mannau Brycheiniog i weld y rhaeadr uchaf yn Ne Cymru.

Ymwelydd yn tynnu llun o raeadr gyda’i ffôn tra’n sefyll ar glogwyn bach uwchben pwll o ddŵr yn Rhaeadr Henryd ym Mannau Brycheiniog, Cymru

Llwybr pedol Llanwrthwl

Mwynhewch olygfeydd panoramig o ‘do Cymru’ ar lwybr pedol heriol ond gwerth chweil Llanwrthwl ym Mhowys.

Golygfa o’r dirwedd yng Nghomin Abergwesyn, Powys

Pont ar Daf car park (access to Pen y Fan), Near Storey Arms, Libanus, Powys, LD3 8NL

01874625515

brecon@nationaltrust.org.uk

Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.

Ymweld â'r wefan

Cerdded yng Nghymru

Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.

Cotswold Outdoor: Ein partner cerdded

Dysgwch am bartneriaeth barhaus yr Ymddiriedolaeth Genedlaethol â Cotswold Outdoor. Dewch i ganfod sut maent yn ein helpu ni i ofalu am leoedd gwerthfawr a'r gostyngiadau arbennig sydd ar gael i gefnogwyr yr Ymddiriedolaeth Genedlaethol.

Dilynwch y cod cefn gwlad

Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.

Ymwelydd yn cario sach gefn ac yn cerdded ar hyd llwybr troed yn Divis a’r Mynydd Du gyda waliau carreg i’r naill ochr, y cefn gwlad i’w weld yn y cefndir.

Cadw’n ddiogel yn lleoliadau’r Ymddiriedolaeth Genedlaethol

Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.

Two female visitors standing on the rocks at Giant's Causeway, County Antrim

Crwydro Pen y Fan a Chorn Du

Anelwch am yr entrychion wrth i chi ddringo Pen y Fan a Chorn Du, y ddau gopa uchaf yn ne Prydain. Mae ffurf y grib yn un o’r golygfeydd mwyaf adnabyddus yn y DU. Darganfyddwch lwybrau cerdded a golygfeydd gwyllt godidog yng nghrombil anghysbell Bannau Brycheiniog.