Cymru

Taith gerdded Rhaeadr Henrhyd a Nant Llech

Darganfyddwch gwm heddychlon Rhaeadr Henrhyd a Nant Llech ar y llwybr anturus hwn i’r rhaeadr uchaf yn Ne Cymru.

Eiddo ger

Bannau Brycheiniog (Brecon Beacons)

Man cychwyn

Maes parcio’r Ymddiriedolaeth Genedlaethol ger Coelbren, cyfeirnod grid: SN853121

Gwybodaeth am y Llwybr

Gweld y llwybr

Argraffu'r llwybr

Pa Mor Heriol*

Hygyrchedd**

Llwybr llawn

PellterMilltiroedd: 3.5 (km: 5.6)

Hyd2 awr 30 munud

Addas i gŵn***

*Llwybr glan afon cymedrol gyda rhai dringfeydd a disgynfeydd serth. Am ragor o fanylion, darllenwch yr adran Tirwedd.
**Llwybrau anwastad ac arwynebau llithrig ar bob cam o’r daith. Am ragor o fanylion, darllenwch yr adran Mynediad.
***Mae croeso i gŵn. Am ragor o fanylion, darllenwch yr adran Cyfleusterau.

Cyfeiriad
Maes parcio’r Ymddiriedolaeth Genedlaethol ger Coelbren, Bannau Brycheiniog, SA10 9PH
Cyfarwyddiadau trwy Google Maps
Ar fws
Am lwybrau bws lleol, edrychwch ar-lein.
Ewch i wefan Traveline
Beicio
Llwybrau beicio ac is-ffyrdd lleol.
Ewch i wefan Sustrans
Ar droed
Mae sawl llwybr troed yn pasio’n agos at Henrhyd, gweler map Arolwg Ordnans OL12.
Ar y ffordd
Arwyddion twristiaeth brown o’r A4067 a’r A4221. Mae’r maes parcio wedi’i leoli ychydig y tu allan i Goelbren ar yr is-ffordd i Ben y Cae. Cyfeirnod grid AO: SN853121.
Cyfanswm y rhannau: 5
Cyfanswm y rhannau: 5
Man cychwyn
Maes parcio’r Ymddiriedolaeth Genedlaethol ger Coelbren, cyfeirnod grid: SN853121
Rhan 1
Dechreuwch eich taith o faes parcio’r Ymddiriedolaeth Genedlaethol ac ewch drwy ddwy gât, gan ddilyn y llwybr troed i lawr y llethr at gyffordd ar y gwaelod. Trowch i’r chwith a chroeswch bont bren, gan gerdded i fyny’r grisiau serth i’r llwybr ar y brig. Adeiladwyd y bont ym 1985 gan dîm o wirfoddolwyr rhyngwladol, ac ychwanegwyd y grisiau yn 2001 yn dilyn tirlithriad a ddinistriodd y llwybr gwreiddiol. Dilynwch y llwybr troed i’r rhaeadr. Rhaeadr Henrhyd yw’r uchaf yn Ne Cymru ar 90tr (27m). Cymerwch ofal oherwydd gall yr ewin o’r rhaeadr wneud y ddaear yn llithrig. Ar ôl i chi dreulio amser yn mwynhau’r rhaeadr drawiadol, aildroediwch yr un llwybr, yn ôl dros y bont i gyffordd y llwybr.
Rhaeadr Henrhyd a Choelbren
Mae Rhaeadr Henrhyd yn plymio i mewn i Geunant Graig Llech, dyffryn caeedig a serth sy’n creu ei ficrohinsawdd ei hun lle mae mwsogl a rhedyn yn ffynnu. Mae ar ymyl orllewinol Parc Cenedlaethol Bannau Brycheiniog, ger pentref Coelbren. Yn wreiddiol yn ddim ond capel a chasgliad o ffermydd, tyfodd Coelbren yn gyflym gyda dyfodiad Tramffordd Fforest Brycheiniog ym 1820, a rheilffordd Aberhonddu, Abertawe a Chastell-nedd yn dynn ar ei sodlau yng nghanol y 19eg ganrif, gan greu Cyffordd Coelbren. Mae Heol yr Orsaf yn dyst i gysylltiadau rheilffordd y pentref, ond cofiwch, roedd y Rhufeiniaid yma am bron i 2,000 o flynyddoedd cyn y Fictoriaid - adeiladwyd Sarn Helen (Ffordd Rufeinig) ganddynt, a chaer a gwersyll ymdeithio gerllaw, i gyd yn negawd gyntaf y Goresgyniad Rhufeinig (tua OC43 i OC410).
Ymwelwyr ar daith gerdded Rhaeadr Henrhyd a Nant Llech, Bannau Brycheiniog | © National Trust Images/James Dobson
Rhan 2
Ewch yn syth yn eich blaenau, gan ddilyn y llwybr troed gyda Nant Llech i’r chwith ohonoch. Mae’r coed sy’n gafael yn dynn wrth ochrau serth y dyffryn yn goed derw digoes ac ynn yn bennaf, ond fe welwch hefyd bisgwydd dail bach, gwern a llwyfenni llydanddail. Mae llawer o’r coed ynn aeddfed wedi’u heffeithio gan y clefyd coed ynn, ac mae’n bosib y gwelwn ni’r rhain yn diflannu dros amser. Dilynwch y llwybr troed ac ar ôl croesi’r llwybr pren, gallwch weld rhaeadr lai ar y chwith.
Rhan 3
Dilynwch y llwybr troed tan i chi basio drwy gât sy’n nodi terfyn tir yr Ymddiriedolaeth Genedlaethol. Yna croeswch bont fechan a daliwch ati i ddilyn y llwybr i lawr y cwm. Ar ôl tua 15 munud, fe ddowch at safle hen dirlithriad mawr. Mae’r nodweddion hyn yn rhan o’r prosesau naturiol sydd wedi helpu i lunio tirwedd ddramatig y ceunant serth hwn.
Rhan 4
Dilynwch y llwybr tan i chi gyrraedd safle’r hen felin ddŵr segur – Melin Llech (mae’r adeiladau hyn yn eiddo preifat – peidiwch â cheisio mynd i mewn). O Felin Llech, ewch yn eich blaenau heibio’r bont ar y chwith a dilynwch y trac lan rhiw am tua 75tr (23m). Ymunwch â’r llwybr troed ar y chwith a dilynwch y llwybr hwn at gât fochyn ac is-ffordd, croeswch y ffordd ac ewch i’r dde tuag at gât fochyn arall ar eich chwith.
Rhan 5
Ewch drwy’r gât fochyn a dilynwch y llwybr hyd nes y gallwch weld Afon Tawe. Mae’r afon hon yn llifo’r holl ffordd i Abertawe ac i mewn i Fôr Hafren. Rydych chi nawr wedi cwblhau hanner y daith. Gallwch ddychwelyd i’r is-ffordd ar y llwybr rydych chi newydd ei ddilyn. Ar y ffordd, gallwch naill ai droi i’r chwith lan rhiw a dilyn y lonydd yn ôl i’r maes parcio neu aildroedio’r llwybr cyfan yn ôl i Raeadr Henrhyd gan ddilyn y llwybr ar lannau Nant Llech.
Llwybr yn rhedeg ar hyd Nant Llech | © National Trust Images/James Dobson
Man gorffen
Maes parcio’r Ymddiriedolaeth Genedlaethol ger Coelbren, cyfeirnod grid: SN853121
Map llwybr
Map Llwybr Rhaeadr Henrhyd a Nant Llech, Bannau Brycheiniog | © Crown copyright and database rights 2013 Ordnance Survey
Dyna ni, da iawn chi
Rhannwch eich profiad

Llwybr

Taith gerdded gylchol Pen y Fan a Chorn Du

Dilynwch y llwybr mynyddig cylchol, heriol hwn ar hyd llwybrau cadarn i gopa Pen y Fan a Chorn Du ym Mannau Brycheiniog.

Golygfa ar draws y dyffryn o Ben y Fan, Bannau Brycheiniog, Cymru

Llwybr

Llwybr cylchol crib bedol Bannau Brycheiniog

Llwybr ucheldirol cylchol heriol sy’n eich tywys i grombil y Bannau a’r golygfeydd gorau. Mwynhewch olygfeydd godidog tua Phen y Fan ac i Gwm Sere, a chadwch olwg am garnedd gladdu o’r Oes Efydd a thystiolaeth o feysydd tanio milwrol.

Golygfa o Lyn Tarell Uchaf o’r hen Ffordd Gerbydau ar ddiwrnod heulog, Bannau Brycheiniog, Cymru

Llwybr

Taith Glyn Tarell Uchaf

Mae’r daith gerdded 5 milltir hon ar hyd trac o’r 18fed ganrif yn drysorfa o hanes. Mwynhewch fywyd gwyllt a golygfeydd o Warchodfa Natur Genedlaethol Craig Cerrig-Gleisiad ym Mannau Brycheiniog.