Llwybr cylchol crib bedol Bannau Brycheiniog
Cymru
Rhowch gynnig ar y llwybr ucheldirol cylchol heriol hwn gyda’r Ymddiriedolaeth Genedlaethol yng nghalon Bannau Brycheiniog, Cymru. Mwynhewch olygfeydd godidog tua Phen y Fan ac i Gwm Sere. Cadwch olwg am garnedd gladdu o’r Oes Efydd a thystiolaeth o feysydd tanio milwrol.
Eiddo ger
Bannau Brycheiniog (Brecon Beacons)Man cychwyn
Maes parcio Taf Fechan, cyfeirnod grid: SO038169Gwybodaeth am y Llwybr
*Paratowch am dywydd mynydd newidiol. Mae map a chwmpawd, dillad gwrth-ddŵr, chwiban a thortsh i gyd yn hanfodol ar gyfer y daith hwn, gan fod y tywydd yn newidiol iawn yn y mynyddoedd hyn. Am ragor o fanylion, ewch i’r adran Tirwedd.
**Llwybr ucheldirol heriol sy’n cynnwys dringfeydd serth a chrib wastad, yn dilyn llwybrau troed a wnaed gan ddyn a rhai naturiol. Am ragor o fanylion, darllenwch yr adran Mynediad.
Paratowch am dywydd newidiol
Mae map a chwmpawd, dillad gwrth-ddŵr, chwiban a thortsh i gyd yn hanfodol ar gyfer y llwybr hwn, gan fod y tywydd yn newidiol iawn yn y mynyddoedd hyn.
Cyfanswm y rhannau: 9
Cyfanswm y rhannau: 9
Man cychwyn
Maes parcio Taf Fechan, cyfeirnod grid: SO038169
Rhan 1
Gan ddechrau o faes parcio’r Comisiwn Coedwigaeth (cyf. grid SO038169), cerddwch ar hyd y ffordd i’r hen dŷ pwmpio yng Nghronfa Neuadd Isaf (cyf. grid SO033180). Cerddwch ar hyd ochr chwith y gronfa, drwy gât, a dilynwch ddisgynfa serth i grib Graig Fan Ddu.
Rhan 2
Ar ôl i chi ddal eich gwynt, trowch i’r dde a dilynwch y grib tuag at Gorn Du. Wrth i chi gerdded tua’r gogledd ar hyd y grib, mae Cribyn, Pen y Fan a Chorn Du i gyd yn dod i’r golwg.
Rhan 3
Wrth i chi nesáu at Gorn Du ym Mwlch Duwynt, mae’r llwybr yn arwain i’r dde am Ben y Fan (tra bod y llwybr i’r chwith yn mynd am y Storey Arms. Bydd y llwybr sy’n mynd syth ‘mlaen yn mynd â chi dros ail gopa uchaf y Bannau (873m)). Cerddwch at y garnedd gladdu o’r Oes Efydd.
Rhan 4
Gan barhau ar grib Corn Du, disgynnwch i gyfrwy’r mynydd ac yna i fyny i Ben y Fan. Ar y chwith mae Cwm Llwch a Llyn Cwm Llwch.
Rhan 5
Ar gopa Pen y Fan, rydych chi’n sefyll ar y pwynt uchaf yn ne gwledydd Prydain. Mae’n hawdd gweld pam mae’r lle hwn mor boblogaidd gyda cherddwyr.
Pen y Fan o’r A40, Parc Cenedlaethol Bannau Brycheiniog | © National Trust Images/Chris Lacey Rhan 6
O Ben y Fan, mae ‘na ddisgynfa serth o’r copa tan i chi gyrraedd llwybr pygfaen sy’n mynd â chi i lawr Craig Cwm Sere ac i fyny’r ddringfa serth i gopa Cribyn.
Rhan 7
Wrth y garnedd ar fynydd Cribyn, trowch i’r dde a dilynwch y grib ar hyd cefn Cribyn. Mae rhai darnau o’r llwybr hwn braidd yn gorsiog, lle mae’r mawn wedi’i amlygu a dechrau erydu. Mae hyn yn amlwg mewn nifer o lefydd o gwmpas y Bannau.
Rhan 8
Ewch i lawr y rhiw tan i chi gyrraedd Ffordd y Bwlch. Hwn oedd y llwybr cyntaf a alluogodd gerbydau a dynnwyd gan geffyl i groesi’r mynyddoedd. Ffordd Rufeinig ydyw, yn ôl y sôn, er nad oes unrhyw dystiolaeth archeolegol wedi’i darganfod eto.
Rhan 9
Trowch i’r dde i Ffordd y Bwlch a dilynwch y llwybr hwn yr holl ffordd yn ôl i fyny i’r maes parcio, a’ch man cychwyn.
Man gorffen
Maes parcio Taf Fechan, cyfeirnod grid: SO038169
Map llwybr
Map ar gyfer y llwybr crib bedol, Bannau Brycheiniog | © Crown copyright and database rights 2013 Ordnance Survey
Mwy yn agos i’r man hwn
Taith gerdded gylchol Pen y Fan a Chorn Du
Dilynwch y llwybr mynyddig cylchol, heriol hwn ar hyd llwybrau cadarn i gopa Pen y Fan a Chorn Du ym Mannau Brycheiniog.
Taith gerdded Rhaeadr Henrhyd a Nant Llech
Darganfyddwch Geunant Graig Llech a chwm heddychlon Nant Llech ar y daith anturus hon ym Mannau Brycheiniog i weld y rhaeadr uchaf yn Ne Cymru.
Taith Glyn Tarell Uchaf
Mae’r daith gerdded 5 milltir hon ar hyd trac o’r 18fed ganrif yn drysorfa o hanes. Mwynhewch fywyd gwyllt a golygfeydd o Warchodfa Natur Genedlaethol Craig Cerrig-Gleisiad ym Mannau Brycheiniog.
Cysylltwch
Pont ar Daf car park (access to Pen y Fan), Near Storey Arms, Libanus, Powys, LD3 8NL
Ein partneriaid
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
Crwydro Pen y Fan a Chorn Du
Anelwch am yr entrychion wrth i chi ddringo Pen y Fan a Chorn Du, y ddau gopa uchaf yn ne Prydain. Mae ffurf y grib yn un o’r golygfeydd mwyaf adnabyddus yn y DU. Darganfyddwch lwybrau cerdded a golygfeydd gwyllt godidog yng nghrombil anghysbell Bannau Brycheiniog.
Ymweld â Rhaeadr Henrhyd a Choedwig Graig Llech
Darganfyddwch Raeadr Henrhyd a gwyliwch y dŵr yn plymio i geunant coediog Nant Llech. Mae Coedwig Graig Llech yn hafan i fwsogl a chen. Mae’r llecyn gwyrdd naturiol hwn yn boblogaidd gyda gwylwyr adar hefyd oherwydd ei amrywiaeth eang o adar y coed.
Cotswold Outdoor: Ein partner cerdded
Dysgwch am bartneriaeth barhaus yr Ymddiriedolaeth Genedlaethol â Cotswold Outdoor. Dewch i ganfod sut maent yn ein helpu ni i ofalu am leoedd gwerthfawr a'r gostyngiadau arbennig sydd ar gael i gefnogwyr yr Ymddiriedolaeth Genedlaethol.
Cadw’n ddiogel yn lleoliadau’r Ymddiriedolaeth Genedlaethol
Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.
Dilynwch y cod cefn gwlad
Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.
Cerdded
Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch. (Saesneg yn unig)
