Cymru

Taith glan yr afon Erddig

Mwynhewch daith gerdded gylchol fer sy’n eich arwain o gwmpas y llwybr wedi ei farcio’n wyrdd ar yr ystâd 1,200 erw gyda chasgliad o nodweddion naturiol ac archeolegol. Edmygwch nodwedd ddŵr Cwpan a Soser enwog Erddig o’r 18fed ganrif, a ddyluniwyd gan William Emes, a dilynwch Afon Clywedog ar hyd troed Clawdd Wat a Choed y Llys i bentref hanesyddol Felin Puleston.

Eiddo ger

Erddig Hall and Garden

Man cychwyn

Maes parcio Erddig, cyfeirnod grid: SJ326481

Gwybodaeth am y Llwybr

Gweld y llwybr

Argraffu'r llwybr

Pa Mor Heriol*

Hygyrchedd**

Llwybr llawn

PellterMilltiroedd: 1.5 (km: 2.4)

Hyd 30 munud to 1 awr 30 munud

Addas i gŵn***

*Rhai llethrau serth. Am ragor o fanylion, darllenwch yr adran Tirwedd.
**Tir eithaf hawdd gydag un ddringfa serth fer. Llwybrau troed a graean. Am ragor o fanylion, darllenwch yr adran Mynediad. 
***Cadwch gŵn ar dennyn os gwelwch yn dda gan fod anifeiliaid yn pori ar yr ystâd yn barhaus. Am ragor o fanylion, darllenwch yr adran Cyfleusterau.

Cŵn
Cadwch gŵn ar dennyn os gwelwch yn dda gan fod anifeiliaid yn pori ar yr ystâd yn barhaus. Ni chaniateir cŵn yn y tŷ a’r ardd sydd wedi eu rhestru’n Radd I, ond mae croeso iddynt trwy’r ardd de ac i Iard y Domen.
Maes parcio
Maes parcio am ddim.
Pwynt gwefru cerbydau trydan
Toiled
Toiledau ar gael yn yr Iard y Domen ac ardal chwarae Ffau’r Blaidd. 
Caffi
Gardd de ar y safle.
Siop
Siop anrhegion a siop lyfrau ail law ar y safle.
Bwyty
Bwyty ar y safle, cofiwch wirio’r amseroedd agor.
Cyfanswm y rhannau: 11
Cyfanswm y rhannau: 11
Man cychwyn
Maes parcio Erddig, cyfeirnod grid: SJ326481
Rhan 1
Cychwynnwch wrth y colomendy ac anelu i lawr prif ffordd Erddig, heibio’r ardal ‘Dim Parcio’ a thorri trwy’r coetir bach heibio ystafell de’r Coetsmon.
Ewch heibio’r colomendy o’r 18fed ganrif | © National Trust/Vicki Coombe
Rhan 2
Ewch heibio’r giatiau gwyn ar y dde i chi ac anelu i lawr y bryn tarmac serth o gwmpas wyneb gorllewinol y tŷ.
Rhan 3
Ewch trwy’r giât mochyn bren ac, os hoffech chi weld y nodwedd ddŵr unigryw o’r 18fed ganrif, a elwir yn Gwpan a Soser, cerddwch dros y bont bren ar y chwith i chi.
Ymwelwch â’r Gwpan a’r Soser
Dyluniwyd y nodwedd ddŵr gron hon gan William Emes yn yr 1770au, ynghyd â nifer o nodweddion eraill ar yr ystâd. Mae’r pistyll yn disgyn tua 10 troedfedd ac fe’i dyluniwyd i ostwng y Nant Ddu’n gyflym i atal erydiad. Mae hefyd bwmp gwasgu hydrolig o ddiwedd y 18fed ganrif, oedd yn arfer pwmpio 10,000 galwyn o ddŵr 90 troedfedd ar i fyny i gyflenwi’r gerddi a’r rhaeadrau. Gelwid sŵn curo’r pwmp gwasgu yn ‘galon Erddig’. Rhoddwyd ei henw i’r Nant Ddu am ei bod yn llifo o byllau glo Bersham, ychydig filltiroedd i ffwrdd.
Rhan 4
Dilynwch eich camau yn ôl i’r llwybr carreg, gan ddal i fynd dros bont garreg ac ymlaen trwy’r parcdir.
Rhan 5
Dilynwch y llwybr, sy’n crymanu tua’r dde a dros ail bont garreg sydd wedyn yn gwyro tua’r chwith ar draws yr ardal o laswellt at giât mochyn arall i Goed y Llys. Dyma’r fan lle mae Nant Ddu yn cyrraedd Afon Clywedog.
Rhan 6
Ewch ymlaen trwy’r coetir, sy’n rhedeg yn gyfochrog ag Afon Clywedog.
Clawdd Wat
Ar y dde i chi yng Nghoed y Llys, mae clawdd serth sy’n rhedeg trwy’r coetir. Ar ben y clawdd hwn mae rhan fawr o Glawdd Wat. Wedi ei adeiladu yn yr 8fed ganrif, mae’n hŷn na’i gefnder mwy, Clawdd Offa, ac mae’n waith pridd amddiffynnol llinellol 40 milltir o hyd ar ffurf clawdd gyda ffos ar yr ochr orllewinol, yn ymestyn o arfordir Sir y Fflint i fan i’r de o Groesoswallt. Mae 2 filltir o Glawdd Wat ar ystâd Erddig.
Rhan 7
Yn ystod y gwanwyn, mae gan Goed y Llys ar y dde i chi gasgliad rhyfeddol o glychau’r gog (Hyacinthoides non-scripta), yn ogystal â bod yn gynefin da i adar a mamaliaid bach.
Rhan 8
Daliwch i fynd ar hyd y llwybr cul trwy’r coetir nes y byddwch yn cyrraedd Ystâd Ddiwydiannol Felin a dilyn y llwybr o amgylch i’r chwith.
Rhan 9
Ewch trwy’r giât mochyn a dros y bont ar y chwith i faes parcio Felin Puleston.
Rhan 10
Wrth y bwthyn trowch i’r chwith a thrwy’r giât mochyn, gan fynd ymlaen ar hyd y llwybr carreg i ddilyn cwrs Afon Clywedog.
Rhan 11
Ewch ymlaen trwy ddwy giât mochyn arall ac ail-ymuno â’r llwybr gwreiddiol ger y bont garreg.
Man gorffen
Maes parcio Erddig, cyfeirnod grid: SJ326481
Map llwybr
Map taith glan yr afon Erddig | © National Trust
Dyna ni, da iawn chi
Rhannwch eich profiad

Lle

Neuadd a Gardd Erddig

Archwiliwch gartref, gardd ac ystâd sy'n llawn straeon am deulu a'u gweision

Teulu yn mynd â’u cŵn am dro yn y parc yn Erddig, Wrecsam, Cymru

Llwybr

Taith Coed Mawr Erddig

Mwynhewch daith hamddenol o gwmpas parcdir Erddig ar y daith gylchol hon. Crwydrwch trwy goetir ac archwilio adfeilion hynafol castell tomen a beili Normanaidd wrth i chi ymuno â llwybr hanesyddol a llawn cyfrinachau Clawdd Wat.