Taith Dôl Ffrengig Erddig trwy barc pleser Emes
Taith gylchol 3.5 milltir yw taith Dôl Ffrengig Erddig yn Wrecsam ar lwybr wedi ei nodi ag arwyddion coch trwy gymysgedd o lwybrau glan afon, dôl a choetir.
Eiddo ger
Erddig Hall and GardenMan cychwyn
Maes parcio Erddig, cyfeirnod grid: SJ326481Gwybodaeth am y Llwybr
*Tir eithaf hawdd gydag un ddringfa serth fer ac arwynebau anwastad. Am ragor o fanylion, darllenwch yr adran Tirwedd.
**Nid yw’r llwybr yn hollol hygyrch i gadeiriau olwyn. Am ragor o fanylion, darllenwch yr adran Mynediad.
***Cadwch eich ci ar dennyn trwy’r amser. Am ragor o fanylion, darllenwch yr adran Cyfleusterau.
Cyfle i ddarganfod y llyn naturiol a bywyd gwyllt y gwlyptir
Gyda dros 30 o byllau ar yr ystâd, ffurfiwyd y llyn yn y Ddôl Ffrengig yn yr 1980au wrth i’r tir ymsuddo ar ôl y gwaith glo. Heddiw mae’n werddon ar gyfer amrywiaeth eang o adar, mamaliaid ac infertebratau.
Cyfanswm y rhannau: 17
Cyfanswm y rhannau: 17
Man cychwyn
Maes parcio Erddig, cyfeirnod grid: SJ326481
Rhan 1
Cychwynnwch ger y colomendy a cherdded i’r dwyrain trwy’r parc bysiau gan ddal i fynd yn syth i’r trac caregog. Ar y dde fe welwch dderwen farw (Quercus robur) sy’n gartref i dylluan wen ac infertebratau dirifedi.
Rhan 2
Dilynwch y llwybr i’r chwith a heibio’r ha-ha.
Rhan 3
Ewch ymlaen ar hyd y llwybr i’r Coed Mawr.
Rhan 4
Dilynwch y llwybr i’r chwith a chymryd y llwybr ar y dde, gan ddilyn yr arwyddion.
Rhan 5
Wrth y set nesaf o arwyddion trowch i’r dde a mynd ymlaen ar hyd y Llwybr Pisgwydd, gan fwynhau golygfeydd ar draws y ddôl Ffrengig, gan ddilyn cwrs Afon Clywedog oddi tanoch.
Mae ymwelwyr wedi cael crwydro parcdir Erddig ers 300 mlynedd a mwy | © National Trust Images/Annapurna Mellor Rhan 6
Ar ben draw'r Llwybr Pisgwydd ewch trwy’r giât mochyn i’r ffordd. Byddwch yn ofalus wrth fynd i’r ffordd gan fod tro yma na all gyrwyr weld yr ochr draw iddo. Trowch i’r chwith a mynd i lawr y ffordd serth dros y bont a thua maes parcio Ffordd Sontley.
Rhan 7
Yn y maes parcio trowch i’r chwith a mynd trwy’r giât mochyn i’r Ddôl Ffrengig a dal i fynd yn syth ar draws y caeau, heibio giât fferm bren hanner ffordd. Yn y gaeaf mae’r llwybr hwn yn eithaf gwlyb, felly dewis arall yw cerdded trwy Goed-y-Glyn tu hwnt i’r maes parcio a dilyn y llwybr i’r chwith.
Rhan 8
Daliwch i fynd trwy’r Ddôl Ffrengig nes cyrhaeddwch chi lwybr carreg Ffordd Erddig, gan droi i’r chwith dros y bont garreg.
Rhan 9
Ewch ymlaen yn syth ar hyd y llwybr, gan ddilyn Nant Ddu a dros ail bont garreg.
Rhan 10
Ychydig yn nes ymlaen, ewch dros y bompren ar y dde a thua’r nodwedd dŵr Cwpan a Soser.
Ymwelwyr wrth nodwedd ddŵr y Gwpan a Soser yn Erddig | © Natalie Overthrow Rhan 11
Gan gadw ar ochr chwith y Gwpan a’r Soser, anelwch trwy’r giât mochyn bren, gan ddilyn yr arwydd coch. Byddwch yn dilyn cwrs Nant Ddu trwy’r caeau sy’n cael eu defnyddio i geffylau gwedd yr ymddiriedolaeth bori, yn enwedig ym misoedd yr haf.
Rhan 12
Ar ôl mynd trwy’r ail giât mochyn, ewch yn syth ar draws y cae, at agoriad yn y coetir trwy giât mochyn arall ac i fyny llechwedd graddol.
Rhan 13
Trowch i’r dde a cherdded 100 metr ar hyd y brif ffordd ac yna troi i’r chwith, gan anelu trwy giât mochyn i lwybr Lôn Werdd.
Rhan 14
Daliwch i fynd ar hyd y llwybr, gan gadw i’r chwith wrth fynd trwy giât bren. Mae llawer o strwythurau pren ychydig oddi ar y llwybrau yn yr ardal hon. Roeddent yn cael eu defnyddio ar gyfer yr elfen draws gwlad yn Nhreialon Ceffylau Cart Cenedlaethol Cymru oedd yn arfer digwydd ar yr ystâd.
Rhan 15
Wrth fynd heibio Fferm Sontley Lodge ar y dde, daliwch i fynd ar hyd y ffordd garreg ac anelu trwy giât mochyn ar y chwith i Goed Fforest ac anelu yn syth i lawr y ffordd trwy’r canol.
Rhan 16
Trowch i’r chwith wrth gyrraedd Ffordd y Fforest a mynd trwy’r grid gwartheg yn y gwaelod.
Rhan 17
Trowch i’r dde a dilyn cyrion Coed Fforest yn ôl at y colomendy.
Man gorffen
Maes parcio Erddig, cyfeirnod grid: SJ326481
Map llwybr
Map taith Dôl Ffrengig Erddig trwy barc pleser Emes | © Crown copyright and database rights 2013 Ordnance Survey
Mwy yn agos i’r man hwn
Neuadd a Gardd Erddig
Archwiliwch gartref, gardd ac ystâd sy'n llawn straeon am deulu a'u gweision
Taith glan yr afon Erddig
Taith gylchol wedi ei marcio o gwmpas ystâd Erddig, ar hyd Afon Clywedog, heibio’r nodwedd ddŵr o’r 18fed ganrif, adfeilion castell a chloddiau amddiffynnol hanesyddol.
Taith Coed Mawr Erddig
Mwynhewch daith hamddenol o gwmpas parcdir Erddig ar y daith gylchol hon. Crwydrwch trwy goetir ac archwilio adfeilion hynafol castell tomen a beili Normanaidd wrth i chi ymuno â llwybr hanesyddol a llawn cyfrinachau Clawdd Wat.
Taith gerdded Bryn-y-Cabanau a Choed Lewis Erddig
Mwynhewch ben dwyreiniol ystâd 1,200 erw Erddig yn Wrecsam ar lwybr ag arwyddion trwy ddau goetir.
Cysylltwch
Ein partneriaid
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
Crwydro parcdir Erddig
Dysgwch beth yw’r prif bethau i’w gweld a’u gwneud wrth ymweld â’r parcdir. O afonydd troellog a nodwedd ddŵr o’r 18fed ganrif i’r llethr dramatig yn arwain at Glawdd Wat.
Gweithgareddau yn yr awyr agored yn Erddig
Gweithgareddau awyr agored am ddim i’ch helpu i wneud y mwyaf o’r ardd a’r parcdir, o gerdded Nordig i parkrun wythnosol.
Bwyta a siopa yn Erddig
Edrychwch ar y mannau i fwyta a siopa yn Erddig. Mae’r rhan fwyaf yn ein hadeiladau hanesyddol ac mae pob pryniant yn ein helpu i ofalu am Erddig i genedlaethau’r dyfodol ei fwynhau.
Cotswold Outdoor: Ein partner cerdded
Dysgwch fwy am bartneriaeth barhaus yr Ymddiriedolaeth Genedlaethol gyda Cotswold Outdoor fel ein partner cerdded.
Dilynwch y cod cefn gwlad
Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.
Cadw’n ddiogel yn lleoliadau’r Ymddiriedolaeth Genedlaethol
Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.
Cerdded
Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch. (Saesneg yn unig)