Taith gerdded Bryn-y-Cabanau a Choed Lewis Erddig
Taith gylchol 3 milltir yw taith coetir Brryn-y-Cabanau yn Erddig ar hyd llwybr wedi ei nodi ag arwyddion porffor trwy gymysgedd o lwybrau glan afon a choetir.
Crwydrwch trwy goetir 300 mlwydd oed
Mae Coed Lewis 300 mlwydd oed heddychlon yn cynnig cyfoeth o fywyd gwyllt a chlychau’r gog yn y gwanwyn. Credir bod Coed Bryn-y-Cabanau wedi cael ei ddefnyddio fel maes saethu yn y 19eg ganrif, wedi ei ddewis oherwydd ei fod yn anghysbell a’r ochrau coediog serth.
Cyfanswm y camau: 14
Cyfanswm y camau: 14
Man cychwyn
Maes parcio Erddig, cyfeirnod grid: SJ326481
Cam 1
Cychwynnwch ger y colomendy a cherdded i’r dwyrain trwy’r parc bysiau gan ddal i fynd yn syth i’r trac caregog. Ar y dde fe welwch dderwen farw (Quercus robur) sy’n gartref i dylluan wen ac infertebratau dirifedi.
Cam 2
Dilynwch y llwybr i’r chwith a heibio’r ha-ha.
Cam 3
Ewch ymlaen ar hyd y llwybr i’r Coed Mawr.
Cam 4
Dilynwch y llwybr i’r chwith a chymryd y llwybr ar y dde, gan ddilyn yr arwyddion.
Cam 5
Wrth y set nesaf o arwyddion trowch i’r dde a mynd ymlaen ar hyd y Llwybr Pisgwydd, gan fwynhau golygfeydd ar draws y ddôl Ffrengig, gan ddilyn cwrs Afon Clywedog oddi tanoch.
Cam 6
Ar ben draw'r Llwybr Pisgwydd ewch trwy’r giât mochyn i’r ffordd. Byddwch yn ofalus wrth fynd i’r ffordd gan fod tro yma na all gyrwyr weld yr ochr draw iddo. Trowch i’r chwith a mynd i lawr y ffordd serth dros y bont a thua maes parcio Ffordd Sontley.
Cam 7
Ewch ymlaen heibio maes parcio Ffordd Sontley ac ewch trwy’r giât mochyn ar ochr arall y ffordd, gan ddilyn yr arwydd porffor.
Cam 8
Dilynwch y llwybr trwy Goed Lewis am tua hanner cilomedr, gan ddilyn y saethau porffor wrth fynd.
Cam 9
Ar gyrion y coetir anelwch dros gamfa sy’n arwain allan i gae agored. Gan gadw ychydig i’r chwith, ewch ar draws y cae a byddwch yn cyrraedd pont droed haearn ar draws Afon Clywedog.
Cam 10
Ewch ymlaen ar hyd y llwybr i’r dde, gan fynd i mewn i Goed Bryn-y-Cabanau.
Cam 11
Arhoswch ar y llwybr sy’n mynd trwy’r coetir gyda nifer o setiau o risiau a llethrau ar hyd y ffordd.
Cam 12
Cerddwch dros bompren fach a chamfa, yna anelwch allan o’r coetir ac i gae agored.
Cam 13
Ewch i fyny’r cae a dros y gamfa yn y pen uchaf, yna byddwch yn ôl ar Ffordd Sontley.
Cam 14
Croeswch y ffordd ac ail ddilyn Camau 1 i 6 yn ôl trwy’r giât mochyn ar ben y Llwybr Pisgwydd, trwy’r Coed Mawr ac o gwmpas ochr ddwyreiniol y tŷ gan fynd heibio’r ha-ha a dychwelyd eto at y colomendy.
Man gorffen
Maes parcio Erddig, cyfeirnod grid: SJ326481
Map llwybr
Mwy yn agos i’r man hwn
Erddig
Explore a much-loved home, garden and estate filled with the stories of a family and their servants | Archwiliwch gartref, gardd ac ystâd sy'n llawn straeon am deulu a'u gweision
Taith Coed Mawr Erddig
Mwynhewch daith hamddenol o gwmpas parcdir Erddig ar y daith gylchol hon. Crwydrwch trwy goetir ac archwilio adfeilion hynafol castell tomen a beili Normanaidd wrth i chi ymuno â llwybr hanesyddol a llawn cyfrinachau Clawdd Wat.
Taith glan yr afon Erddig
Taith gylchol wedi ei marcio o gwmpas ystâd Erddig, ar hyd Afon Clywedog, heibio’r nodwedd ddŵr o’r 18fed ganrif, adfeilion castell a chloddiau amddiffynnol hanesyddol.
Taith Dôl Ffrengig Erddig trwy barc pleser Emes
Mwynhewch daith gydag arwyddion trwy ystâd 1,200 erw Erddig yn Wrecsam, sy’n eich arwain heibio’r nodwedd dŵr Cwpan a Soser enwog.
Cysylltwch
Ein partneriaid
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
Crwydro parcdir Erddig
Dysgwch beth yw’r prif bethau i’w gweld a’u gwneud wrth ymweld â’r parcdir. O afonydd troellog a nodwedd ddŵr o’r 18fed ganrif i’r llethr dramatig yn arwain at Glawdd Wat.
Gweithgareddau yn yr awyr agored yn Erddig
Gweithgareddau awyr agored am ddim i’ch helpu i wneud y mwyaf o’r ardd a’r parcdir, o gerdded Nordig i parkrun wythnosol.
Bwyta a siopa yn Erddig
Edrychwch ar y mannau i fwyta a siopa yn Erddig. Mae’r rhan fwyaf yn ein hadeiladau hanesyddol ac mae pob pryniant yn ein helpu i ofalu am Erddig i genedlaethau’r dyfodol ei fwynhau.
Cotswold Outdoor: Ein partner cerdded
Dysgwch fwy am bartneriaeth barhaus yr Ymddiriedolaeth Genedlaethol gyda Cotswold Outdoor fel ein partner cerdded.
Dilynwch y cod cefn gwlad
Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.
Cadw’n ddiogel yn lleoliadau’r Ymddiriedolaeth Genedlaethol
Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.
Cerdded
Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch. (Saesneg yn unig)