Nadolig yng Nghastell Penrhyn

Rhwng dydd Iau a dydd Sul o 26 Tachwedd tan 20 Rhagfyr ac ar dydd Llun, Mawrth a Mercher 21 i 23 Rhagfyr ac yna bob dydd o 27 Rhagfyr tan 1 Ionawr 2027, bydd yr ystafelloedd ar y llawr gwaelod a’r Gegin Fictoraidd ar agor ac wedi’u haddurno ar gyfer tymor yr ŵyl.

Ynghyd â’r stablau, y siop, y caffi a’r ardd, bydd Castell Penrhyn ar agor ar gyfer Nadolig Bytholwyrdd a theithiau cerdded gaeafol.

Mae digonedd i wneud dros y cyfnod, o edrych ar yr ystafelloedd crand i lawr grisiau wedi eu haddurno i fwynhau gweithdy creu torch, gwylio perfformiad am hanes lleol, gwrando ar sesiwn stori hudolus neu fynd ar daith tywys.

Nadolig Bytholwyrdd yng Nghastell Penrhyn

Mwynhewch addurniadau bytholwyrdd a wnaed o blanhigion gwyrdd sydd ar gael yn lleol wrth i chi gyrraedd y castell, gan gynnwys torch enfawr sydd wedi’i haddurno’n fendigedig. Ewch i gyfeiriad y Neuadd Fawr i weld y goeden Nadolig ysblennydd, yn disgleirio gyda goleuadau ac addurniadau Nadolig wrth iddi ymestyn tuag at yr oriel uchel uwchben.

Cerddwch drwy ystafelloedd y llawr gwaelod, sydd wedi’u haddurno a’u bywiogi gan ryfeddod a hudoliaeth y Nadolig. Mae cardiau Nadolig enfawr yn dod yn fyw gyda golygfeydd o’r Nadolig yn y gymuned leol, gan gynnwys paratoadau traddodiadol ar gyfer y diwrnod mawr, cyffro Noswyl Nadolig a chyd-ddathlu ar fore Nadolig.  

Amser fyfyrio a dathlu

Cymerwch funud i ystyried beth rydych chi’n ddiolchgar amdano wrth ysgrifennu eich neges eich hun o ddiolch i’w hychwanegu at ein coeden Nadolig yn y Llyfrgell hanesyddol. Camwch i mewn i’r Ystafell Frecwast, lle byddwch yn dod o hyd i amrywiaeth o deganau pren traddodiadol i roi rhwydd hynt i ddychmyg plant gael mwynhau ychydig o amser i chwarae cyn bod yn greadigol yn Mhantri’r Bwtler, lle gallant greu tagiau anrhegion neu gerdyn diolch i fynd adref gyda nhw.

Cofiwch ymweld â’r Gegin Fictoraidd, a fu unwaith yn ganolbwynt y paratoadau ar gyfer y tymor i ddod. Efallai y gwelwch rai gwesteion bach annisgwyl hyd yn oed - allwch chi weld y llygod Nadolig? 

Gweithdai Creu Torch a Trefnu Blodau

11 a 17 Rhagfyr

Wedi’ch ysbrydoli gan y golygfeydd Nadoligaidd? Ymunwch â Floverly mewn sesiynau trefnu blodau  yng Nghastell Penrhyn. Paratowch eich tŷ ar gyfer y Nadolig, mae dewis o ddau sesiwn. Ar Ragfyr 11, crëwch dorch Nadoligaidd ar gyfer eich drws, neu ymunwch â'r sesiwn ar Ragfyr 17 i greu canolbwynt blodeuog ar gyfer eich bwrdd bwyta.

Mae tocynnau'n £35 y pen, ac mae archebu'n hanfodol.

Archebwch eich lle ar y gweithdy creu torchau yma. 

Archebwch eich lle ar y sesiwn canolbwynt blodeuog yma. 

Nadolig y Forwyn - profiad hanesyddol ymdrochol

5 a 12 Rhagfyr

Mae hi’n fis Rhagfyr 1902 ac mae’r castell yn ferw o weithgarwch wrth i staff y gegin baratoi ar gyfer dathliadau’r Nadolig. Mae Gwen y forwyn yn brysur wrth ei gwaith ond yn methu peidio a meddwl am ei theulu nôl adref ym Methesda gyfagos. Mae ei chwaer, sy’n wraig i chwarelwr, ar drothwy trydydd blwyddyn Streic Fawr y Penrhyn, a bydd Nadolig ei theulu hithau'n wahanol iawn i’r arfer…

Ymunwch â ni am y profiad ymdrochol yma gyda’n actor preswyl i ddysgu am draddodiadau’r Nadolig yng Nghastell Penrhyn a’r gymhariaeth gyda chaledi bywyd yn ystod Streic Fawr y Penrhyn 1900-1903, y gweithredu diwydiannol hiraf yn hanes Prydain.

Bydd perfformiadau dwy ieithog yn dechrau am 10.30yb, 11.30yp, 1.30yp ac am 2.30yp. Bydd pob perfformiad yn para tua 30-45 munud, ond nid oes rhaid bod yn y geginau fel mae nhw’n dechrau nac aros tan y diwedd.

Mae hwn yn brosiect cydweithredol rhwng yr Ymddiriedolaeth Genedlaethol ac Amgueddfa Lechi Cymru, wedi ei ariannu gan Gronfa Treftadaeth y Loteri.

Sesiwn Straeon hefo Siwan Llynor

18 a 21 Rhagfyr; 10.45am, 11.45am & 1.30pm

Rydym yn gyffrous i rannu y bydd Siwan Llynor yn dychwelyd i'r Neuadd Fawr eleni ar gyfer sesiynau adrodd straeon hudolus yn dilyn llwyddiant y ddwy flynedd ddiweddar.

Ar 18 a 21 Rhagfyr, byddwch yn cael eich cludo i fyd tylwyth teg y gaeaf a hud trwy gân a drama. Mae gan Siwan Llynor flynyddoedd o brofiad mewn ymgysylltu cymunedol creadigol a pherfformio i fabanod a phlant ifanc.

Nid oes angen archebu, a bydd y sesiwn wedi'i chynnwys yn y pris mynediad safonol.

Teithiau Nadolig

Ar ddydd Iau a dydd Sul, mwynhewch daith o amgylch chwarteri'r gweision yng Nghastell Penrhyn a darganfyddwch fwy am y cogyddion, y morwynion, y bwtleriaid a'r staff eraill yr oedd eu gwaith dyddiol yn cadw bywyd y castell i fynd yn esmwyth.

Cynhelir pedair taith bob dydd. Mae'r teithiau hyn yn dibynnu ar argaeledd gwirfoddolwyr.

Corau yn y Castell

28 Tachwedd, 5, 6 a 12 Rhagfyr

Mwynhewch gerddoriaeth a llawenydd y tymor yn y Neuadd Fawr gyda phedwar côr a bandiau lleol.

• 28 Tachwedd - Band Pres Porthaethwy, 11.30yb a 1yp
• 5 Rhagfyr - Isle of Anglesey Choral Society, 11.30yb a 1yp
• 6 Rhagfyr - Côr Cymuned Bangor, 11yb a 12.30yp
• 12 Rhagfyr - Côr Sacsoffon Gogledd Cymru, 11yb a 12.15yp