Cymru

Taith bywyd gwyllt a choetir Glan Faenol

Taith gymedrol lle byddwch yn gweld coetir cynhenid amrywiol a pharcdir hynafol. Mwynhewch olygfeydd o’r tŷ a’r gerddi ym Mhlas Newydd a mynyddoedd Eryri. Os byddwch yn lwcus efallai y byddwch yn cael cip ar forlo yn Afon Menai.

Eiddo ger

Plas Newydd House and Garden

Man cychwyn

Ardal bicnic yng Nghlan Faenol, cyfeirnod grid: SH532698

Gwybodaeth am y Llwybr

Gweld y llwybr

Argraffu'r llwybr

Pa Mor Heriol*

Hygyrchedd**

Llwybr llawn

PellterMilltiroedd: 1.5 (km: 2.4)

Hyd1 awr to 1 awr 30 munud

Addas i gŵn***

*Llwybrau coetir troellog a all fynd yn fwdlyd pan fydd hi’n wlyb. Am ragor o fanylion, darllenwch yr adran Tirwedd.
**Mae’r daith yn cynnwys grisiau a thir anwastad. Am ragor o fanylion, darllenwch yr adran Mynediad.
***Dylid cadw cŵn ar dennyn pan yn agos at anifeiliaid. Am ragor o fanylion, darllenwch yr adran Cyfleusterau.

Cyfeiriad
Glan Faenol, ger Bangor, Gwynedd, Wales
Cyfarwyddiadau trwy Google Maps
Ar fws
Cymrwch fws 6 neu 43 o ganol dinas Bangor i Barc Menai. Dewch i ffwrdd ar yr arosfan ar ôl y Premier Inn a cherdded i lawr y ffordd nes y gwelwch chi Ffordd y Plas ar y chwith. Dilynwch y troad hwn a dilyn arwyddion Glan Faenol i’r ardal bicnic. Am ragor o wybodaeth ewch i Traveline-Cymru.
Traveline-Cymru
Ar y trên
Gorsaf Bangor 3.3 milltir (5.3 km).
Llanfairpwll 4.6 milltir (7.4km).
Ar y ffordd
Gadewch yr A55 ar gyffordd 9. Cymrwch droad Parc Menai ar y cylchdro. Ewch yn syth trwy’r cylchdro bach a chymryd y troad cyntaf i’r chwith (Ffordd y Plas) a dilyn arwyddion Glan Faenol i’r ardal bicnic.
Cyfanswm y rhannau: 11
Cyfanswm y rhannau: 11
Man cychwyn
Ardal bicnic yng Nghlan Faenol, cyfeirnod grid: SH532698
Rhan 1
Anelwch at waelod yr ardal bicnic a thrwy’r giât mochyn, ewch yn syth ymlaen i lawr y cae (gyda chŵn ar dennyn) tuag at Afon Menai.
Rhan 2
Wrth nesu at gyrion y cae fe welwch Wal y Faenol. Ewch trwy’r giât i’r coetir.
Rhan 3
Dilynwch y llwybr trwy’r coed a mwynhau lliwiau coetir Glan Faenol. Gadewch y coetir trwy giât fechan arall.
Rhan 4
Trowch eich cefn ar yr Afon a cherdded i fyny’r cae am 50 llath (45m) neu at bont a giât mochyn ar y dde i chi. Ewch trwy’r giât a mynd i mewn i Goed y Tŷ Cwch.
Rhan 5
Dilynwch y llwybr trwy’r coed. Yn y pen draw byddwch yn croesi pont arall ac yna byddwch yn cyrraedd trac. Gallwch dorri’r daith yn fyr yma trwy droi i’ch chwith a dilyn y trac nes cyrhaeddwch chi giatiau gwyrdd. Ewch trwy’r giatiau (sy’n dyddio’n ôl i’r amser pan oedd gan yr ystâd gasgliad o anifeiliaid egsotig a cheirw i’w hela). Dilynwch y rhodfa rhwng y coed at giât arall, yma gallwch droi i’r chwith a dychwelyd i’r maes parcio.
Rhan 6
Croeswch y trac a dal i fynd i ardal arall wahanol o goetir. Ar ôl dringo grisiau ewch trwy’r giât mochyn i gae.
Rhan 7
Gan gadw cŵn ar dennyn, cerddwch i fyny’r cae, gan ddilyn y ffens ar y chwith i chi.
Rhan 8
Ym mhen uchaf y cae ewch i mewn i Goetir Cefn Gwyn trwy giât mochyn arall. Dilynwch y llwybr heibio’r coed derw, ynn a masarn aeddfed nes y cyrhaeddwch chi giât mochyn arall.
Rhan 9
Trwy’r giât hon dilynwch y ffens ar draws pen uchaf y cae at giât mochyn arall. Ewch trwy’r giât yma a throi i’r chwith a cherdded groesgornel ar draws y cae at y giât dan y coed.
Rhan 10
Fe welwch chi giât dairongl: giât yw hon sydd wedi ei dylunio i adael defaid i mewn ond i rwystro gwartheg rhag dod i’r llwybr. Ewch trwy’r giât hon a dilyn y llwybr nes cyrhaeddwch chi giât mochyn.
Rhan 11
Ewch trwy’r giât olaf yma a throi i’r chwith i gael gorffwys yn haeddiannol yn yr ardal bicnic.
Man gorffen
Ardal bicnic yng Nghlan Faenol, cyfeirnod grid: SH532698
Map llwybr
Taith bywyd gwyllt a choetir Glan Faenol | © Crown copyright and database rights 2013 Ordnance Survey
Dyna ni, da iawn chi
Rhannwch eich profiad

Y terasau y tu allan i'r Tŷ yn yr haf ym Mhlas Newydd, Ynys Môn

Lle

Plas Newydd a’r Ardd

Ar Ynys Môn, mae Plas Newydd yn dŷ a gardd restredig Gradd 1 wedi'i leoli ar lannau’r Fenai.

Cwpl yn cerdded yn yr ardd ym Mhlas Newydd gyda mynyddoedd yn y cefndir

Llwybr

Taith cilfachau cudd Plas Newydd

Darganfyddwch gilfachau cudd Plas Newydd ar daith gerdded lawn o olygfeydd trawiadol dros Afon Menai, y Faenol ac Eryri.

Ymwelwyr yn cerdded ym Mhlas Newydd, Gogledd Cymru.

Llwybr

Taith hawdd ym Mhlas Newydd

Mae’r llwybr hawdd hwn o gwmpas tiroedd Plas Newydd yn cynnig hwyl i’r teulu cyfan, gan gynnwys tŷ yn y coed a maes chwarae antur, gyda chefnlen o Eryri ac Afon Menai.

Gate from Walled Garden in winter at Penrhyn Castle

Llwybr

Taith darganfod natur Castell Penrhyn

Mwynhewch daith gylchol o gwmpas rhannau llai cyfarwydd o dir y castell wrth i chi ddarganfod amrywiaeth eang o fywyd gwyllt a natur sy’n cartrefu yma.