Cymru

Llwybr Cefnen Rhosili, Hillend a’r traeth

Cerddwch i bwynt uchaf Penrhyn Gŵyr, mwynhewch y golygfeydd ac ymlwybrwch drwy dirweddau hynafol cyn disgyn i draeth euraidd tair milltir o hyd.

Eiddo ger

Rhosili and South Gower Coast

Man cychwyn

Siop yr Ymddiriedolaeth Genedlaethol, Rhosili, cyfeirnod grid: SS414881

Gwybodaeth am y Llwybr

Gweld y llwybr

Argraffu'r llwybr

Pa Mor Heriol*

Hygyrchedd**

Llwybr llawn

PellterMilltiroedd: 5 (km: 8)

Hyd2 awr 30 munud

Addas i gŵn***

*Taith gerdded heriol gyda llwybrau serth, tir anwastad a grisiau serth i’r man gorffen. Am ragor o fanylion, darllenwch yr adran Tirwedd.
**Mae’r llwybr yn cynnwys tirwedd amrywiol, gan gynnwys llwybrau serth, traciau anwastad, traeth tywodlyd a grisiau serth i’r man gorffen. Am ragor o fanylion, darllenwch yr adran Mynediad.
***Mae croeso i gŵn, ar yr amod eu bod yn cael eu cadw dan reolaeth gan fod anifeiliaid yn bresennol drwy gydol y flwyddyn. Am ragor o fanylion, darllenwch yr adran Cyfleusterau.

Fflora a ffawna

Mae Cefnen Rhosili yn ardal o rostir isel ac yn gartref i amrywiaeth o adar a phryfed gan gynnwys morgrugyn du y gors, sy’n greadur bach prin. Mae arfordir de Gŵyr yn gartref i lawer o blanhigion ac adar prin, gan gynnwys llysiau bystwn a brain coesgoch.

Cyfeiriad
Siop yr Ymddiriedolaeth Genedlaethol, Rhosili, cyfeirnod grid: SS414881
Cyfarwyddiadau trwy Google Maps
Ar y trên
Dewch oddi ar y trên yn Abertawe a daliwch fws i’r orsaf fysus.
Ar droed
Mae Rhosili ar drothwy Llwybr Arfordir Cymru, ac ar ddiwedd Llwybr Gŵyr.
Ar fws
Mae yna wasanaethau rheolaidd o Abertawe i Rosili. (Llun-Sadwrn, Sul (gwasanaeth haf yn unig). Gwasanaethau 118/119 (NAT) a 114 (Dyddiau Sul First Cymru). Mae gwasanaethau ychwanegol yn cysylltu ardaloedd tawelach o Benrhyn Gŵyr gyda’r 118 a’r 116 (gwasanaeth Abertawe-Gogledd Gŵyr).
Beicio
Dilynwch Lwybr Beicio Cenedlaethol 04 i Gila Uchaf o Abertawe neu Dre-gŵyr. O’r fan honno, dilynwch yr A4118 i Scurlage ac yna’r B4247 i Rosili. Cofiwch y gall ffyrdd y Gŵyr fod yn brysur ac nid ydynt yn addas ar gyfer beicio fel teulu.
Ar y ffordd
O Abertawe (C42) dilynwch yr A483 i Abertawe. Parhewch ar yr A4067. Yn Black Pill, trowch i’r B4436. Trowch i’r dde i aros ar y B4436 ym Mhennard cyn troi i’r chwith i’r A4118. Yn Scurlage, dilynwch y B4247 i Rosili.
O Abertawe (C47) dilynwch yr A483 ac yna’r A484. Trowch i’r chwith i Dre-gŵyr. Wrth y goleuadau, dilynwch y B4295 i Lanrhidian. Yna dilynwch y B4271 a dilynwch arwyddion ar gyfer Reynoldston. Ymunwch â’r A4118 a throwch i’r dde. Yn Scurlage, dilynwch y B4247 i Rosili.
Cyfanswm y rhannau: 9
Cyfanswm y rhannau: 9
Man cychwyn
Siop yr Ymddiriedolaeth Genedlaethol, Rhosili, cyfeirnod grid: SS414881
Rhan 1
Dechreuwch ym maes parcio’r Ymddiriedolaeth Genedlaethol. Cerddwch ar hyd y ffordd, heibio’r safle bws. Dilynwch y llwybr troed i’r chwith tua’r fynwent a heibio Eglwys y Santes Fair. Wrth y gyffordd â’r trac cerrig, ewch i’r chwith a dilynwch y trac hwn nes i chi gyrraedd gât ag arwydd yr Ymddiriedolaeth Genedlaethol ar gyfer Cefnen Rhosili.
Rhan 2
Ewch i fyny’r bryn drwy’r rhostir. Mae’n serth, felly cymerwch seibiant ar y ffordd, cyn dringo i frig y Gefnen.
Rhan 3
Dilynwch y prif lwybr ar hyd ymyl y Gefnen. Mae’r ffagl yn nodi pwynt uchaf Penrhyn Gŵyr, ac mae hefyd yn dynodi safle carnedd o’r Oes Efydd a adeiladwyd tua 4,000 o flynyddoedd yn ôl. Wrth i chi barhau ar hyd llwybr y grib, byddwch yn pasio gweddillion siambrau claddu o Oes y Cerrig, sef Sweynes Howes.
Rhan 4
Mae’r grib yn mynd â chi drwy ardal eang o rostir. Ymhellach i lawr y llethr, i’r dde, mae yna ardaloedd o rostir gwlyb.
Rhan 5
Wrth i chi gyrraedd hanner ffordd ar hyd y Gefnen, fe welwch weddillion gorsaf radar o’r Ail Ryfel Byd o’ch blaen. Ewch drwy’r ardal hon ac i fyny’r llethr yn y pen pellaf.
Rhan 6
O’r fan hon mae’r llwybr yn disgyn yn serth tuag at faes gwersylla Hillend. Ewch mewn i’r safle ac yn syth heibio i Gaffi Eddie a throi i’r chwith ar y traeth. Rydych chi tua hanner ffordd nawr.
Rhan 7
Trowch i’r chwith i’r traeth ac ewch yn ôl tua Rhosili.
Bae Rhosili
Mae’r clogwyn mwdlyd, sydd ar eich llaw chwith, yn olion rhewlifol a elwir yn deras priddlif. Bob tro y byddai’r iâ yn toddi rhywfaint, byddai pridd yn llithro oddi ar gefnen Rhosili ; dros amser tyfodd hwn yn bentwr uchel, sydd i’w weld yma heddiw. Wrth i chi gerdded, edrychwch a welwch chi weddillion llong yr Helvetia, a ddrylliwyd ar y traeth yn 1887, wrth gario llwyth o goed. Yn dair milltir o hyd, traeth Rhosili yw un o draethau hiraf Gŵyr. Mae’n hafan i bawb sydd am fynd allan i’r awyr agored a mwynhau’r arfordir.
Rhan 8
Ar ôl i chi basio’r Helvetia, cadwch olwg am y llethr yn ôl i frig Clogwyni Rhosili.
Rhan 9
Ar y brig, trowch i’r dde i ddychwelyd i’r maes parcio.
Man gorffen
Rhosili, cyfeirnod grid: SS414881
Map llwybr
Map o lwybr Cefnen Rhosili, Hillend a’r traeth | © Crown copyright and database rights 2013 Ordnance Survey
Dyna ni, da iawn chi
Rhannwch eich profiad

Yr olygfa tuag Ynys Weryn, Rhosili ac Arfordir De Gŵyr, Cymru

Llwybr

Taith gerdded pentir Rhosili

Ewch am dro ar hyd un o glogwyni enwocaf Cymru, gyda golygfeydd ysgubol o dywod euraidd Rhosili a chreigiau calchfaen geirwon Arfordir De Gŵyr.

Gŵyr Golygfa o ben clogwyn o draeth euraidd wedi’i amgylchynu gan fryniau gwyrdd, gyda dau fwthyn gwyn ar ei ymyl

Llwybr

Taith gerdded Dyffryn Llandeilo Ferwallt

Darganfyddwch ogofâu, afonydd tanddaearol a choetir hynafol ar y llwybr heriol hwn drwy ddyffryn cudd ym Mhenrhyn Gŵyr, Cymru.

Rhosili, Swansea, SA3 1PR

01792390707

visit.rhosili@nationaltrust.org.uk

Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.

Ymweld â'r wefan

Cerdded yng Nghymru

Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.

Ymwelydd yn eistedd gyda’i chefn at y camera yn edrych allan ar yr olygfa o’r bae yn Rhosili ac Arfordir De Gŵyr, Cymru, i lawr y clogwyn at draeth tywodlyd gyda moroedd glas clir y tu hwnt ac awyr las heulog yn y pellter.

Erthygl

Ymweld â Rhosili ac Arfordir De Gŵyr

Ardal arbennig ar gyfer cerdded yr arfordir, gwneud campau dŵr a gwylio bywyd gwyllt. Gyda 3 milltir o dywod, mae digon o le i’r teulu cyfan chwarae yn y tywod neu hedfan barcud.

Adeilad gwyn siop a chanolfan ymwelwyr Rhosili, yn y pellter gellir gweld ymyl y clogwyn gyda’r môr a’r awyr las yn cwrdd ar y gorwel.

Erthygl

Siopa yn Rhosili ac Arfordir De Gŵyr

Bae Rhosili, Penrhyn Gŵyr, yw lleoliad un o’n siopau mwyaf arbennig. Gyda golygfeydd godidog o 3 milltir o dywod euraid, mae’n wirioneddol unigryw. Ac mae digonedd o ddanteithion lleol i’w mwynhau. Mae gennym hefyd lond y lle o eitemau defnyddiol i’ch helpu i wneud y gorau o’ch dydd.