Cymru

Llwybr arfordir i arfordir Stad Southwood

Mwynhewch olygfeydd arfordirol ysgubol, ffermdir sy’n fwrlwm o fywyd gwyllt a choedwigoedd hudolus ar y gylchdaith 2.5 filltir hon o gwmpas traeth Niwgwl.

Eiddo ger

Southwood Estate

Man cychwyn

Maes Parcio Maidenhall, cyfeirnod grid: SM 85800 20135

Cyfeiriad
Stad Southwood, Sir Benfro
Cyfarwyddiadau trwy Google Maps
Ar y trên
Gorsaf drenau Hwlffordd 9 milltir (14.5km).
Ar fws
411 Hwlffordd – Tyddewi, yn galw yn Niwgwl. Mae gwasanaeth bws y Pâl Gwibio o Dyddewi i Aberdaugleddau yn galw yn Niwgwl a maes parcio Maidenhall yn ystod tymor yr haf.
Beicio
Ar Lwybr 4 RhBC.
Ewch i wefan Sustrans am ragor o fanylion.
Ar y ffordd
Yr A487 i Niwgwl. Cymerwch y troad at Nolton Haven ac ewch i’r de, gan basio tri maes parcio’r traeth. Mae’r ffordd wedyn yn dringo bryn. Mae maes parcio bychan Maidenhall, sy’n eiddo i’r Ymddiriedolaeth Genedlaethol, ar ben y bryn.
Mae’r llwybr yn cynnwys rhai llethrau serth, stepiau, gatiau a man croesi nant. Mae’r daith gerdded yn cynnwys llwybr arfordirol sy’n cael ei gynnal yn dda ond sy’n naturiol anwastad, a all fynd yn fwdlyd ar ôl glaw trwm. Mae darn byr yn dilyn ffordd, neu ar hyd y traeth os yw’r llanw’n caniatáu. Mae ymylon clogwyn a thir creigiog ger pwynt 6 a rhwng pwyntiau 9 a 10, felly cadwch olwg ar blant a chŵn.
Cyfanswm y rhannau: 10
Cyfanswm y rhannau: 10
Man cychwyn
Maes Parcio Maidenhall, cyfeirnod grid: SM 85800 20135
Rhan 1
Gan ddechrau o faes parcio Maidenhall, croeswch y ffordd a throwch i’r chwith drwy gât y cae, gan ddilyn ymyl y cae. Mae’r ffermdir yma yn cael ei reoli er budd adar ffermdir a phlanhigion âr prin, yn ogystal â chael ei bori gan wartheg a merlod.
Rhan 2
Ewch drwy’r gât fetel ac ar hyd ymyl y cae nesaf, gan ddilyn yr arwyddion. Y fferm fawr yn y pellter, i’r dde, yw Fferm Southwood. Yng nghornel waelod y cae hwn mae gât law bren – ewch drwyddi a dilyn ymyl y cae isaf i’r chwith.
Rhan 3
Dilynwch yr arwyddion i gyrraedd gât law bren yn y ffens. Mae’r llwybr yn mynd i lawr y gefnen o redyn a chlychau’r gog at bont dros y nant ar y gwaelod. Rydych chi nawr yn cyrraedd Fferm Southwood. Gall gwartheg a merlod fod yn y cae hwn.
Rhan 4
Ewch i lawr cefnen fechan a thrwy’r gât ger nant fas, gan fynd i mewn i’r coetir a throi i’r chwith i anelu am y môr. Wrth y man lle byddwch yn croesi’r nant mae onnen drawiadol, wedi’i gorchuddio â mwsogl, rhedyn a chennau. Mae’n un o lawer o goed llawn cymeriad yn y goedwig hon.
Rhan 5
Dilynwch yr arwyddion ar draws y cae y tu hwnt i’r coetir, gan groesi dyffryn nant fechan cyn dringo i’r cae nesaf, gan basio drwy ardal gorsiog i gyrraedd gât fetel ar ffin y cae. Mae’r llwybr wedyn yn troi tua’r arfordir, ar hyd coridor wedi’i ffensio.
Rhan 6
Wrth i chi groesi i Pinch Hill, rydych chi’n gadael tir sydd o dan ofal yr Ymddiriedolaeth Genedlaethol. Ewch ar hyd ymyl safle chwarela bach a dilynwch y llwybr i’r gogledd, i’r dde, gan fynd i lawr llethr arfordirol i gyrraedd y maes parcio canol, reit y tu ôl i draeth Niwgwl.
Rhan 7
Ewch yn ôl ar hyd y ffordd neu, yn dibynnu ar y llanw, ar hyd y traeth neu’r gefnen garegog.
Rhan 8
Manteisiwch ar y caffi a’r tai bach cyhoeddus ym maes parcio Parc Cenedlaethol Arfordir Penfro ym mhen deheuol traeth Niwgwl cyn dringo’r bryn ar y ffordd.
Rhan 9
Dilynwch lwybr yr arfordir oddi ar y ffordd hon. Byddwch yn ailymuno â thir sydd o dan ofal yr Ymddiriedolaeth Genedlaethol ar ôl mynd drwy’r gât law nesaf. Mae’r clogwyni o gwmpas Trwyn Maidenhall yn cael eu pori gan ein merlod a’n gwartheg yn achlysurol i gadw’r llystyfiant arfordirol mewn cyflwr da.
Rhan 10
Ewch ar hyd llwybr yr arfordir, gan deithio tua’r de, cyn troi i’r chwith tua’r tir mawr. Mae pantiau bach i’w gweld yma ac acw ar y llwybr arfordirol yma – gweddillion hen waith glo Fictoraidd. Ewch drwy’r gât law bren a chroeswch y ddôl blodau gwyllt i ddychwelyd i faes parcio Maidenhall.
Man gorffen
Maes Parcio Maidenhall, cyfeirnod grid: SM 85800 20135
Map llwybr
Map llwybr arfordir i arfordir Southwood, Sir Benfro | © Crown copyright and database rights 2013 Ordnance Survey
Dyna ni, da iawn chi
Rhannwch eich profiad

Dwy ferch yn cerdded ar lwybr trwy'r goedwig yn Stad Southwood, Sir Benfro yng Nghymru

Llwybr

Taith bywyd gwyllt Stad Southwood

Dewch am dro drwy ffermydd Folkeston a Trefrane, yng nghanol y stad, lle mae’r caeau’n cael eu rheoli’n ofalus i gefnogi bioamrywiaeth bywyd gwyllt.

Yr olygfa o Garn Llidi dros Fae Porth Mawr, Sir Benfro, Cymru, gydag Ynys Dewi yn y pellter.

Llwybr

Taith gerdded arfordirol Penmaen Dewi

Dilynwch lwybr ar hyd pentir arfordirol mwyaf dramatig Sir Benfro, dafliad carreg o Dyddewi, i ddarganfod henebion cynhanesyddol ac adar amrywiol.

Newgale, Roch, Sir Benfro, SA62 6AR

01646623110

southwoodestate@nationaltrust.org.uk

Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.

Ymweld â'r wefan

Cerdded yng Nghymru

Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.

The Gribin, a steep sided ridge overlooking Solva Harbour, Pembrokeshire

Erthygl

Sir Benfro

Mae tirwedd Sir Benfro yn gyfuniad lliwgar o arfordir a chefn gwlad, gyda thraethau eang, gwlyptiroedd toreithiog ac ynysoedd creigiog i chi eu darganfod.

Prepare for a walk with these Roka bags and umbrella from our SS 2025 range

Erthygl

Siopa yn Nhyddewi

Mae’r siop dan ei sang ag eitemau Cymreig, lleol a chynhyrchion gan yr Ymddiriedolaeth Genedlaethol. Galwch draw i bori drwy’r casgliad neu brynu rhywbeth i gofio’ch ymweliad.

Two female visitors standing on the rocks at Giant's Causeway, County Antrim

Erthygl

Cadw’n ddiogel yn lleoliadau’r Ymddiriedolaeth Genedlaethol

Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.

Visitors walking in the parkland at Lyme Park, Cheshire

Cerdded

Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch. (Saesneg yn unig)

Cerddwr yn sefyll ar arfordir Sir Benfro, yn edrych allan ar y môr

Erthygl

Teithiau cerdded arfordirol yng Nghymru

Darganfyddwch lwybrau cerdded gorau arfordir Cymru, gan fwynhau penrhynoedd prydferth, pentrefi cain, henebion cynhanesyddol a bywyd gwyllt godidog.  