Cymru

Taith bywyd gwyllt Stad Southwood

Dwy ferch yn cerdded ar lwybr trwy'r goedwig yn Stad Southwood, Sir Benfro yng Nghymru — Ymwelwyr yn cerdded trwy'r goedwig yn Stad Southwood, Sir Benfro | © National Trust Images/Chris Lacey

Dewch am dro drwy ffermydd Folkeston a Trefrane, yng nghanol Stad Southwood, lle mae’r caeau’n cael eu rheoli’n ofalus i gefnogi bioamrywiaeth bywyd gwyllt.

Eiddo ger

Southwood Estate

Man cychwyn

Maes parcio Maidenhall, cyfeirnod grid SM857202

Gwybodaeth am y Llwybr

Gweld y llwybr

Argraffu'r llwybr

Pa Mor Heriol*

Hygyrchedd**

Llwybr llawn

PellterMilltiroedd: 1.3 (km: 2.08)

Hyd 40 munud to 50 munud

Addas i gŵn***

*Mae’r llwybr yn cynnwys rhannau serth, stepiau, gatiau a dŵr. Am ragor o fanylion, darllenwch yr adran Tirwedd.
**Nid yw hwn yn llwybr hygyrch ac mae’n anaddas i gadeiriau olwyn a bygis. Am ragor o fanylion, darllenwch yr adran Mynediad.
***Rhaid i gŵn gael eu cadw ar dennyn ac o dan reolaeth agos. Am ragor o fanylion, darllenwch yr adran Cyfleusterau.

Cyfeiriad
Maes parcio Maidenhall, Hwlffordd, SA62 6BD
Cyfarwyddiadau trwy Google Maps
Ar y trên
Mae gorsaf drenau Hwlffordd 9 milltir (14.5km) i ffwrdd.
National Rail
Ar droed
Mae maes parcio Maidenhall yr Ymddiriedolaeth Genedlaethol wrth ymyl Llwybr Arfordir Sir Benfro, sy’n 186 milltir o hyd.
Ar fws
Mae bws 411 Cyngor Sir Penfro o orsaf drenau Hwlffordd i Dyddewi yn galw yn Niwgwl. Mae gwasanaeth bws y Pâl Gwibio o Dyddewi i Aberdaugleddau yn galw yn Niwgwl a maes parcio Maidenhall yr Ymddiriedolaeth Genedlaethol yn ystod tymor yr haf.
Beicio
Mae Llwybr 4 y Rhwydwaith Beicio Cenedlaethol, y Llwybr Celtaidd, yn pasio maes parcio Maidenhall yr Ymddiriedolaeth Genedlaethol.
Sustrans
Ar y ffordd
Ar yr A487 i Niwgwl, cymerwch y troad at Nolton Haven ac ewch i’r de, gan basio tri maes parcio’r traeth. Mae’r ffordd wedyn yn dringo. Mae maes parcio bychan Maidenhall ar ben y bryn - mae’n eiddo i’r Ymddiriedolaeth Genedlaethol.
Cŵn
Mae croeso i gŵn ond rhaid iddynt gael eu cadw ar dennyn ac o dan reolaeth agos gan fod y daith yn mynd trwy gaeau llawn adar sy’n nythu ar y ddaear ac ardaloedd pori ar gyfer gwartheg, defaid a merlod.
Maes parcio
Mae’r llwybr yn dechrau ym maes parcio Maidenhall yr Ymddiriedolaeth Genedlaethol. Mae yna faes parcio hefyd yn Fferm Southwood, tua hanner ffordd ar hyd y llwybr.
Ardal bicnic
Mae ardaloedd picnic ar hyd llwybr yr arfordir ac ym maes parcio Maidenhall.
Nid yw hwn yn llwybr hygyrch ac mae’n anaddas i gadeiriau olwyn a bygis. Mae’n cynnwys tir anwastad, ardaloedd mwdlyd, rhannau serth, stepiau, gatiau a man croesi nant fechan.
Parcio dynodedig
Mae yna nifer fach o lefydd parcio dynodedig ym maes parcio Maidenhall ar ddechrau’r llwybr, ac ym maes parcio Fferm Southwood, tua hanner ffordd. Fodd bynnag, cofiwch nad yw’r llwybr yn addas i bobl â gofynion mynediad arbennig.
Grisiau/tirwedd anwastad
Cyfanswm y rhannau: 8
Cyfanswm y rhannau: 8
Man cychwyn
Maes parcio Maidenhall, cyfeirnod grid SM857202
Rhan 1
Gan ddechrau eich taith ym maes parcio Maidenhall, croeswch yr heol a throi i’r chwith drwy gât y cae. Cerddwch ar hyd ymyl y can nes i chi ddod at bostyn marcio. O’r fan honno, dilynwch y saethau gwyrdd i ffwrdd o’r arfordir a thrwy sawl cae, sy’n fwrlwm o fywyd gwyllt.
Rhan 2
Dilynwch y llwybr sydd wedi’i farcio ag arwyddion gwyrdd. Byddwch yn mynd drwy fferm Trefrane, lle gallech weld gwartheg neu ferlod yn pori. Edmygwch y golygfeydd yn ôl tua fferm Southwood a dros draeth Niwgwl. Ewch yn eich blaenau drwy’r caeau glaswellt, sy’n cael eu rheoli’n ofalus er budd bywyd gwyllt.
Rhan 3
Ar ôl cerdded drwy’r clawdd draenen ddu trwchus, lle mae golygfa wych o fferm Southwood yn y pellter, trowch i’r dde ac ewch drwy gât y cae i’r heol. Croeswch yr heol ac ewch i fferm Folkeston.
Rhan 4
Dilynwch yr arwyddion i ymyl y dyffryn coediog, lle bydd gât bren arall yn mynd â chi i mewn i’r cae nesaf. Tua 350m ar draws y cae, dilynwch yr arwyddion gwyrdd i lawr y rhiw i fan croesi nant fas.
Rhan 5
Ar ôl croesi’r nant, ewch i fyny’r llethr graddol a thrwy ardal lle mae brwyn yn tyfu. Fe welwch wartheg a defaid yn pori yma i gadw’r cynefin mewn cyflwr gwych. Ewch drwy’r gât ac ymlaen i gât bren yn y clawdd pellaf.
Rhan 6
Ewch drwy’r gât ac i’r dde. Rydych chi nawr yn cerdded mewn ardal sydd wedi’i ffensio i rwystro anifeiliaid er mwyn i ni allu diogelu a lledaenu ein cloddiau ffiniol, gan alluogi bywyd gwyllt i ffynnu. Ariannwyd llawer o’r seilwaith yma gan Loteri Cod Post y Bobl, ac fe’i cwblhawyd gan Geidwaid yr Ymddiriedolaeth Genedlaethol yn 2021.
Rhan 7
Wrth i chi adael y coridor sydd wedi’i ffensio, ewch yn syth ymlaen, drwy gât ac ar hyd y lôn, lle byddwch yn gadael tir yr Ymddiriedolaeth Genedlaethol.
Rhan 8
Wrth y gyffordd â’r heol, gallwch fynd i’r chwith neu’r dde. Trowch i’r chwith, ac ar ôl tua 30m fe welwch hawl tramwy cyhoeddus ar y chwith a fydd yn eich tywys yn ôl i bentref y Garn. Trowch i’r dde a dilyn yr heol, ac fe ddewch at bentref arfordirol Nolton Haven.
Man gorffen
Folkeston Road, cyfeirnod grid SM 87368 19960
Map llwybr
Taith bywyd gwyllt Stad Southwood | © Crown copyright and database rights 2013 Ordnance Survey
Dyna ni, da iawn chi
Rhannwch eich profiad

Llwybr

Taith gerdded arfordirol Penrhyn Marloes

Llwybr cylchol gyda golygfeydd hyfryd o arfordir Sir Benfro sy’n berffaith ar gyfer gwylio bywyd gwyllt ar y tir a’r môr. A pheidiwch â cholli gweddillion caerau o Oes yr Haearn ar eich taith.

Yr olygfa o Garn Llidi dros Fae Porth Mawr, Sir Benfro, Cymru, gydag Ynys Dewi yn y pellter.

Llwybr

Taith gerdded arfordirol Penmaen Dewi

Dilynwch lwybr ar hyd pentir arfordirol mwyaf dramatig Sir Benfro, dafliad carreg o Dyddewi, i ddarganfod henebion cynhanesyddol ac adar amrywiol.

Cerddwyr ar lwybr yr arfordir yn Nhreginnis yn Sir Benfro, Cymru

Llwybr

Taith Treginnis o Borthclais

Taith gerdded 6 milltir o amgylch pentir Treginnis yn Sir Benfro sy’n cynnwys rhai o ffurfiannau craig hynaf Cymru, caer o’r oes haearn, mwynglawdd copr o’r 19eg ganrif a harbwr hanesyddol Porthclais.