Llwybr Cleidda a Choed y Bwnydd
Cymru
Crwydrwch drwy ystâd o’r 18fed ganrif gan fwynhau bywyd gwyllt toreithiog Afon Wysg a Choed y Bwnydd – un o fryngaerau mwyaf a gorau Sir Fynwy. Mae golygfeydd godidog o fynydd Pen-y-fâl, eangderau Dyffryn Wysg a Chastell Cleidda, un o ffoleddau gorau Cymru o’r 18fed ganrif.
Eiddo ger
Sugar Loaf, Skirrid and Usk ValleyMan cychwyn
Maes parcio glan afon Cleidda. Cyfeirnod grid: SO361085.Gwybodaeth am y Llwybr
At eich sylw
Mae rhannau o’r daith gerdded hon yn croesi tir nad yw o dan ofal yr Ymddiriedolaeth Genedlaethol.
Cyfanswm y rhannau: 8
Cyfanswm y rhannau: 8
Man cychwyn
Maes parcio glan afon Cleidda. Cyfeirnod grid: SO361085.
Rhan 1
O’r maes parcio, ewch drwy’r gât i’r dde o’r panel dehongli a cherddwch nes i chi gyrraedd gât mochyn ar y chwith wrth i’r llwybr droi i’r dde. Ewch drwy’r gât mochyn ar y chwith a dilynwch farcwyr Llwybr Dyffryn Wysg. Mae’r llwybr yn rhedeg ar lan yr afon am tua 1.8 milltir (3km) nes i chi gyrraedd heol wrth y bont grog.
Rhan 2
Trowch i’r chwith i fyny’r heol a cherdded am 0.6 milltir (1km). Ar ben y bryn, dilynwch yr heol i Fetws Newydd a throwch i’r dde wrth y gyffordd, gan gadw tafarn y Black Bear i’r dde ohonoch. Cerddwch am 300m, yna trowch i’r chwith i’r lôn sy’n arwain at yr eglwys.
Rhan 3
Ewch drwy gatiau’r eglwys ac ym mhen pellaf y fynwent, ewch dros y gamfa. Trowch i’r dde ac yna i’r chwith ar unwaith, a cherddwch nes i chi gyrraedd camfa ar eich chwith. Ewch i fyny’r llethr, croeswch y gamfa, ac ewch i lawr yr heol ar ochr arall y bryn. Dilynwch y lôn gul i fyny’r bryn rhwng dau adeilad nes i chi gyrraedd bryngaer Coed y Bwnydd ar eich chwith. Dilynwch y llwybr cylchol i’r chwith o gwmpas y fryngaer a dychwelwch at gât cae wrth fynedfa wreiddiol y gaer, gyferbyn â sgubor gerrig.
Rhan 4
Ewch drwy’r gât mochyn a dilynwch y llwybr caniataol ar draws y cae, gan gadw’r sgubor gerrig i’r dde ohonoch. Ym mhen draw’r cae, croeswch y gamfa i Lôn Bryn Cleidda. Trowch i’r chwith i’r lôn a daliwch i gerdded, gan fynd i’r chwith lle mae’r lôn yn gwahanu nes i chi gyrraedd gât mochyn ar y chwith yn y clawdd. Ewch drwy’r gât mochyn a dilynwch y llwybr i lawr y bryn glaswelltog, drwy’r bwlch yn y rhes o goed a thros ddwy gamfa nes i chi gyrraedd y coed y tu ôl i Gastell Cleidda. Dilynwch yr arwyddion pren ar gyfer Cleidda nes i chi ddod at drac yn y coed sy’n arwain at fynedfa Castell Cleidda. Byddwch yn ystyrlon o unrhyw un sy’n aros yn y castell, os gwelwch yn dda.
Rhan 5
Ar ddiwrnod clir, mwynhewch y golygfeydd o Ben-y-fâl ac Ysgyryd Fawr ym mhen dwyreiniol y Mynyddoedd Duon. Ar ôl edmygu’r olygfa, dilynwch y trac y tu ôl i’r castell drwy’r coed at gât bren, ac i barc Stad Cleidda. Cerddwch ar hyd y trac glaswelltog uwchben y coed at rodfa. Croeswch y rhodfa, gan gadw’r coed a’r ffens i’r dde ohonoch, a dilynwch y llinell o goed yn lletraws i fyny bryn at gât yng nghornel y cae. Dilynwch arwyddion y llwybr drwy dair gât ac i lawr grisiau serth i’r heol.
Rhan 6
Croeswch y ffordd yn ofalus i’r heol sy’n troi tuag at y Clytha Arms yr ochr draw. Ewch drwy’r gât fetel o’ch blaen a thros y gamfa ar y dde. Dilynwch arwyddion y llwybr ar draws sawl cae, gan groesi dwy gamfa a mynd drwy gât, nes i chi gyrraedd hen dderwen hynafol fawr yng nghornel y cae, gyda Chapel Farm i’r chwith ohonoch. Y ffermdy gwych hwn, sy’n dyddio o ddiwedd yr oesoedd canol, yw un o’r adeiladau hynaf sydd dan ofal yr Ymddiriedolaeth Genedlaethol.
Rhan 7
Ewch drwy’r gât mochyn a chroesi’r trac i mewn i’r coed. Dilynwch y llwybr y tu ôl i’r clawdd i’r chwith ohonoch, gan igam-ogamu drwy’r coetir nes i chi ddod at drac arall. Trowch i’r chwith ac yna i’r dde ar unwaith. Dilynwch y llwybr ar hyd ymyl y coetir am 400m. Cyn i’r llwybr arwain yn ôl i lawr i mewn i’r coed, mwynhewch yr olygfa o Gastell Cleidda i’r chwith.
Rhan 8
Dilynwch y llwybr i lawr i’r coed, gan ddilyn yr arwyddion gyda Nant Clawdd i’r dde ohonoch. Ewch drwy gât mochyn i mewn i gae, trowch i’r dde a phasiwch gefn Rose Cottage, gan gadw’r coetir i’r dde ohonoch, a throwch i’r dde wrth i chi fynd drwy’r gât fechan, gan basio hen ddoc corddi llaeth sy’n arwain at y brif ffordd. Byddwch yn ofalus wrth groesi’r ffordd, ac ewch drwy’r gât fetel fechan. Trowch i’r dde a dilynwch y llwybr ar hyd y rheiliau, gan droi i’r chwith i ddilyn ffens a mynd drwy gât i’r afon. Rydych chi nawr yn ôl ar Lwybr Dyffryn Wysg. Dilynwch y llwybr gyda’r afon i’r dde ohonoch. Ar ôl troad siarp i’r chwith, dilynwch y trac yn ôl i’r maes parcio.
Man gorffen
Maes parcio glan afon Cleidda. Cyfeirnod grid: SO361085.
Map llwybr
Map o lwybr Cleidda a Choed y Bwnydd , Sir Fynwy | © Crown copyright and database rights 2013 Ordnance Survey
Mwy yn agos i’r man hwn
Llwybr Ysgyryd Fawr ym Mynydd Pen-y-fâl a Dyffryn Wysg
Heriwch fynydd o chwedlau ar y llwybr heriol hwn a fydd yn eich tywys i gopa Ysgyryd Fawr.
Cylchdaith fer Cleidda yn Nyffryn Wysg
Darganfyddwch yr ystâd oesol hon yn Sir Fynwy ar gylchdaith fer hawdd. Mwynhewch olygfeydd godidog o Ben-y-fâl a Dyffryn Wysg. Mae’n lle llawn hanes ac yn fwrlwm o fywyd gwyllt.
Llwybr Darganfod y Cymin
Mwynhewch olygfeydd godidog dros Gymru a Lloegr, yn ogystal â dau adeilad Sioraidd, wrth i chi gerdded yn ôl traed yr Arglwydd Nelson a’r Fonesig Hamilton ar y daith gerdded hawdd hon.
Cysylltwch
Ein partneriaid
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
Ymwelwch â Stad Cleidda
Mae llwybrau cerdded yn cris-croesi’r ystâd ac yn ymestyn ar hyd glannau Afon Wysg, ac mae yma berffeithrwydd pensaernïol i’ch rhyfeddu hefyd yn Nhŷ Cleidda a Chastell Cleidda.
Ymweld â Mynydd Pen-y-fâl a Dyffryn Wysg gyda'ch ci
Dewch i fwynhau golygfeydd panoramig de Cymru o fynydd Pen-y-fâl, Ysgyryd Fawr a’r Cymin gyda’ch cyfaill pedair coes.
Dilynwch y cod cefn gwlad
Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.
Cerdded
Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch. (Saesneg yn unig)
Cotswold Outdoor: Ein partner cerdded
Dysgwch am bartneriaeth barhaus yr Ymddiriedolaeth Genedlaethol â Cotswold Outdoor. Dewch i ganfod sut maent yn ein helpu ni i ofalu am leoedd gwerthfawr a'r gostyngiadau arbennig sydd ar gael i gefnogwyr yr Ymddiriedolaeth Genedlaethol.
Cadw’n ddiogel yn lleoliadau’r Ymddiriedolaeth Genedlaethol
Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.
