Pethau i'w gwneud yn Nhŷ Mawr Wybrnant

Teulu yn archwilio y tu fewn i Dŷ Mawr Wybrnant, Conwy, Cymru — Ymwelwyr yn Nhŷ Mawr Wybrnant | © Paul Harris

Bydd Tŷ Mawr Wybrnant yn ail-agor ar gyfer y tymor newydd ar 20 Ebrill. Rydym yn edrych ymlaen at groesawu pawb i’r lle arbennig hwn ac i arddangos yr ychwanegiadau newydd cyffrous a fydd yn ehangu profiad ymwelwyr ar y safle.

Amseroedd agor 2025

Diwrnod	Dyddiad	Amser
Dydd Sul, dydd Llun a dydd Mercher	20 Ebrill - 1 Hydref	10am tan 4pm

Mae'r gardd a'r tir ar agor drwy gydol y flwyddyn.

Nodwch: bydd y toiledau dim ond ar agor pan fydd y ffermdy ar agor.

I gyrraedd Tŷ Mawr ewch i Benmachno a dilyn yr arwyddion brown oddi yno, peidiwch â dilyn sat nav na dod ar hyd yr A470.

Beiblau yn cael eu harddangos yn Nhŷ Mawr Wybrnant, Conwy, Cymru — Beiblau yn cael eu harddangos yn Nhŷ Mawr Wybrnant | © Paul Harris

Ffermdy

Dewch i gael golwg o gwmpas y ffermdy bychan ond arwyddocol yma o’r 16eg ganrif a oedd yn fan geni’r Esgob William Morgan, a fu wrthi am 10 mlynedd yn cyfieithu’r Beibl i’r Gymraeg ac sydd wedi helpu i sicrhau parhad yr iaith.

Bydd aelod o staff wrth law i adrodd ychydig am ei hanes ac i ateb unrhyw gwestiynau sydd gennych.

Gweler yr amseroedd agor ar gyfer 2024 yn y tabl uchod.

Ystafell Arddangosfa

Bydd yr ystafell arddangos yn ail-agor ychydig yn hwyrach nag arfer yn 2025 oherwydd gwaith atgyweirio cyffrous sydd yn cael ei wneud fel rhan o’r prosiect gwelliannau ar y safle. Bydd yr ystafell arddangos yn ail-agor ym mis Mehefin.

Yr ardd Tuduraidd yn Nhŷ Mawr Wybrnant | © Paul Harris

Gardd

Mae’r ardd Duduraidd fechan yn Tŷ Mawr, sydd yn y broses o gael ei hadnewyddu, wedi’i dylunio i roi’r apêl synhwyraidd fwyaf drwy gydol y flwyddyn tra hefyd yn cynnwys planhigion a gyfeirir atynt gan Shakespeare a’r Beibl – sy’n ffurfio cysylltiad ychwanegol gyda hanes Tŷ Mawr a'i ddeiliaid. Mae ymdrechion yn cael eu gwneud i dyfu planhigion anarferol yn ogystal â rhai mwy cyfarwydd i ennyn diddordeb ymwelwyr, gyda chynaliadwyedd ac egwyddorion amgylcheddol wrth galon y prosiect.

Cliciwch yma am fwy o wybodaeth am yr ardd.

Tirlun ar hyd hen lwybr y porthmyn yn Nhŷ Mawr Wybrnant, Conwy, Cymru — Tirlun ar hyd hen lwybr y porthmyn yn Nhŷ Mawr Wybrnant | © Paul Harris

Llwybrau cerdded cyfagos

Taith Tŷ Mawr Wybrnant a Chwm Wybrnant

Mae’r daith hon yn eich arwain trwy hanes cymdeithasol a byd natur y cwm hwn yn ucheldir Cymru. Yn ganolog iddo mae Tŷ Mawr Wybrnant, man geni’r Esgob William Morgan, cyfieithydd y Beibl i’r Gymraeg. Byddwch yn cerdded trwy dir amaethyddol traddodiadol yr ucheldir, ar hyd ffyrdd coedwig a hen ffordd y porthmyn.

Cliciwch ar y ddolen am fwy o wybodaeth: Taith Tŷ Mawr Wybrnant a Chwm Wybrnant

Taith Ty’n y Coed Uchaf a Chwm Eidda

Taith gerdded 5 milltir trwy hanes ucheldir Cymru, heibio afonydd, trwy dir amaethyddol a gweddillion coetir hynafol. Fe welwch olygfeydd gwych tua’r Wyddfa a Moel Siabod ar hyd y ffordd, yn ogystal ag amrywiaeth anferth o blanhigion a bywyd gwyllt.

Cliciwch ar y ddolen am fwy o wybodaeth: Taith Ty’n y Coed Uchaf a Chwm Eidda