Cymru

Taith Coed y Ffwrnes a’r Ddôl, Gardd Bodnant

Golygfa hydref o Coed y Ffwrnes, Gardd Bodnant, Conwy — Coed y Ffwrnes yng Ngardd Bodnant, Conwy | © National Trust Images/John Miller

Yng nghanol 80 erw Gardd Bodnant, bydd y daith ar ochr bryn trwy Goed y Ffwrnes a’r Ddôl yn eich arwain i fannau uchel ac yn cynnig golygfeydd panoramig.

Eiddo ger

Bodnant Garden

Man cychwyn

Yr Hen Felin yn y Glyn. Cyfeirnod grid: SH800723

Gwybodaeth am y Llwybr

Gweld y llwybr

Argraffu'r llwybr

Pa Mor Heriol

Hygyrchedd*

Llwybr llawn

PellterMilltiroedd: 2 (km: 3.2)

Hyd1 awr to 2 awr

Addas i gŵn**

*Mae Gardd Bodnant ar ochr bryn yn Nyffryn Conwy ac mae’r tir yn amrywio ar draws yr 80 erw a’r hygyrchedd yn amrywio. Am ragor o fanylion, darllenwch yr adran Mynediad.
**Croeso i gŵn trwy’r dydd bob dydd o fis Hydref i ddiwedd Mawrth ac ar ddyddiau croesawu cŵn arbennig o 1 Ebrill. Am ragor o fanylion, darllenwch yr adran Cyfleusterau.

Cyfeiriad
Gardd Bodnant, Tal-y-Cafn, Bae Colwyn, Conwy, LL28 5RE
Cyfarwyddiadau trwy Google Maps
Ar y trên
Trên i Gyffordd Llandudno, 4.5 milltir o Ardd Bodnant, ac mae gwasanaeth bws cyson oddi yno.
Ar fws
Mae bws rhif 25 o Landudno yn stopio tu allan i’r giât. Edrychwch ar wefan Arriva Cymru am amseroedd bws.
https://www.arrivabus.co.uk/wales
Ar y ffordd
O Fetws y Coed dilynwch yr A470 i’r gogledd, gan fynd trwy Lanrwst, gan ddilyn y cyfarwyddiadau ar gyfer pentref Eglwysbach a Gardd Bodnant yr Ymddiriedolaeth Genedlaethol. Neu o’r A55, cyffordd 19, cymrwch yr A470 i’r de, gan fynd trwy Glan Conwy, a dilyn y cyfarwyddiadau i Eglwysbach a Gardd Bodnant yr Ymddiriedolaeth Genedlaethol.
Cŵn
Mae croeso i gŵn trwy’r dydd bob dydd o fis Hydref i fis Mawrth ac ar nosweithiau Mercher o fis Ebrill i fis Medi. Gweler hafan Gardd Bodnant am y manylion llawn. Croesewir cŵn cymorth bob amser.
Maes parcio
Mae maes parcio mawr gyferbyn â’r fynedfa i ardd Bodnant.
Toiled
Mae toiledau yn y maes parcio a’r ganolfan arddio yn yr ardd uchaf ac yn agos i’r Hen Felin yn y Glyn.
Caffi
Fe gewch seddi tu mewn a phrydau poeth ac oer yn ystafelloedd te’r Pafiliwn a Magnolia, byrbrydau a seddi tu allan yng nghiosg y Glyn a’r Pen Pellaf ar amseroedd penodol.
Ardal bicnic
Mae llawer o ardaloedd picnic o gwmpas yr ardd anffurfiol.
Siop
Ewch i siop yr Ymddiriedolaeth Genedlaethol yn agos at yr allanfa o’r ardd.
Toiled hygyrch
A disabled access toilet is available in the Pavilion tea-room
Grisiau/tirwedd anwastad
Longer walks to outlying areas, such as the Furnace Wood and Meadow Walk, include sections of steeper woodland paths not suitable for those with limited mobility.
Llwybr hygyrch a/neu fap
Mae rhannau o’r ardd uchaf ffurfiol agosaf at y fynedfa i’r ardd yn wastad gyda llwybrau graean a glaswellt ac maent yn hygyrch i bawb gan gynnwys defnyddwyr cadeiriau olwyn a chadeiriau gwthio.
Cyfanswm y rhannau: 6
Cyfanswm y rhannau: 6
Man cychwyn
Yr Hen Felin yn y Glyn. Cyfeirnod grid: SH800723
Rhan 1
Gan gychwyn o’r Hen Felin, dilynwch y llwybr sy’n arwain heibio’r ciosg bwyd tuag at ardd y Glyn. Dilynwch y llwybr cyntaf ar y dde i fyny’r bryn dros bompren fach sy’n eich arwain i fyny Llwybr Douglas hir, sydd â choed Ffynidwydd Douglas ar ei hyd. Ewch ymlaen i lannerch ar y copa.
Rhan 2
Bydd y llwybr yn dod â chi i lannerch lle gwelwch chi Ddôl y Ffwrnes. Wrth edrych ar draws yr afon fe welwch chi hefyd y beddadail ‘The Poem’ ar ben darn o graig. Oddi yma dilynwch y llwybr sy’n dilyn terfyn y ddôl yn serth i fyny’r bryn trwy lawer o’r coed conwydd tal. Wrth i chi ddal i fynd i fyny’r bryn, mae golygfeydd ar draws yr ardd yn dechrau dod i’r golwg trwy’r coed.
Rhan 3
Wrth gyrraedd y copa, mae’r llwybr yn gwastatau a byddwch yn nesu at Lwybr Penjerrick. Ar y naill ochr a’r llall fe welwch rododendron Penjerrick ifanc a rhododendron eraill sydd newydd eu plannu – dewch yn ôl i’w gweld yn aeddfedu yn y blynyddoedd i ddod. Mae llwybr cyfochrog uwch ben y fan hyn yn rhedeg ar hyd copa Bryn y Ffwrnes, ac oddi yno, os gwnewch chi wyro ychydig oddi ar y llwybr, fe welwch Afon Conwy yn llifo trwy’r dyffryn tua’r môr.
Rhan 4
Ar y gyffordd nesaf mae’r llwybr yn dolennu yn ôl i lawr y bryn at ochr Sedd y Fonesig. Mae croeso i chi aros ac eistedd yma i fwynhau’r olygfa fendigedig ar draws yr ardd. Oddi yma cewch olygfa o uchder o’r Terasau Eidalaidd enwog ar ochr y dyffryn sydd gyferbyn â chi, a adeiladwyd rhwng 1904 a 1914.
Golygfa o’r tŷ o Fryn y Ffwrnes yng Ngardd Bodnant, Conwy | © National Trust Images/John Miller
Rhan 5
Daliwch i fynd ar y llwybr heibio Sedd y Fonesig.
Rododendron prin
Wrth i chi barhau i lawr ar hyd Sedd y Fonesig gallwch fwynhau’r rhododendron Asiaidd hardd, y magnolia a’r ceirios yn y gwanwyn. Mae rhai o’r rhain yn hen ac yn brin, wedi eu tyfu o hadau a gasglwyd yn Tsieina gan gasglwyr planhigion ar ddechrau’r 1900au. Chwiliwch am blanhigion gyda labeli gwyrdd – mae’r rhain yn blanhigion hybrid arbennig wedi eu bridio yma yng Ngardd Bodnant yn y ganrif ddiwet
Rhan 6
Yn ôl wrth gyffordd Llwybr y Ddôl gallwch benderfynu mynd ymlaen tua’r de ar hyd y ddôl ac i lawr i ardal pwll sglefrio’r Pen Pellaf, gan fynd yn ôl trwy’r Glyn Yw a’r Llennyrch (gweler y map). Neu gallwch ddychwelyd y ffordd daethoch chi, i lawr Llwybr Douglas at yr Hen Felin.
Man gorffen
Yr Hen Felin yn y Glyn. Cyfeirnod grid: SH800723
Map llwybr
Map taith Coed y Ffwrnes a’r Ddôl, Gardd Bodnant | © National Trust Images
Dyna ni, da iawn chi
Rhannwch eich profiad

Y Teras Rhosod is yng Ngardd Bodnant, Conwy, Cymru, yn yr haf

Lle

Bodnant Garden

Gardd fyd enwog, yn gartref i Gasgliadau Cenedlaethol a Choed Campus.

Gardd y Gaeaf a golygfa o’r Carneddau yng Ngardd Bodnant, Cymru

Llwybr

Taith Gardd y Gaeaf Bodnant

Crwydrwch trwy fyd rhyfeddol o liw, gwead ac aroglau ar daith trwy Ardd y Gaeaf. Taith gylchol hawdd addas i’r teulu cyfan ei mwynhau.

Gate from Walled Garden in winter at Penrhyn Castle

Llwybr

Taith darganfod natur Castell Penrhyn

Mwynhewch daith gylchol o gwmpas rhannau llai cyfarwydd o dir y castell wrth i chi ddarganfod amrywiaeth eang o fywyd gwyllt a natur sy’n cartrefu yma.