Taith gylchol Craflwyn, Hafod y Llan a Llyn Dinas
Mae’r daith yma’n cychwyn a gorffen yng Nghraflwyn, ond mae’n rhoi cyfle i chi weld dyffryn Nant Gwynant yn ehangach. Mwynhewch y gweundir a’r ffridd wyllt ac unig dan yr Aran, llethrau isaf copa uchaf Cymru, yr Wyddfa, rhaeadrau rhyfeddol Afon Cwm Llan a’r Llyn Dinas trawiadol. Ar hyd y ffordd byddwch yn dysgu am y dirwedd ddiddorol yma a sut yr ydym yn ei diogelu.
Eiddo ger
Craflwyn and BeddgelertMan cychwyn
Maes parcio’r Ymddiriedolaeth Genedlaethol, Craflwyn, cyfeirnod grid: SH600489Gwybodaeth am y Llwybr
Byddwch yn barod am ddiwrnod yn y mynyddoedd
Dim ond rhan o’r llwybr hwn sydd ag arwyddion, felly gofalwch bod gennych fap a chwmpawd hefo chi, edrychwch ar y tywydd cyn cychwyn a byddwch yn barod am ddiwrnod allan yn y mynyddoedd. Mae’r llwybr hefyd yn eich arwain trwy nifer o ffermydd, felly rydych yn debygol o ddod ar draws anifeiliaid fferm.
Cyfanswm y rhannau: 7
Cyfanswm y rhannau: 7
Man cychwyn
Maes parcio’r Ymddiriedolaeth Genedlaethol, Craflwyn, cyfeirnod grid: SH600489
Rhan 1
O faes parcio’r Ymddiriedolaeth Genedlaethol yng Nghraflwyn dilynwch y llwybr sy’n arwain i fyny trwy’r coetir. Lle mae’r llwybr yn fforchio, dilynwch y marciwr saeth du i’r dde. Ewch ymlaen heibio mainc y ddraig ac yna i fyny grisiau gyda rhaeadr fach ar y chwith i chi.
Rhan 2
Ar ben y grisiau dilynwch y llwybr i’r dde, trwy goed bedw ac i lannerch. Daliwch i fynd ymlaen gan ddilyn y saethau du ac anwybyddu dau lwybr sy’n mynd i’r dde. Arhoswch i edmygu’r olygfa o Gadair y Cawr ar y dde cyn mynd ymlaen i’r chwith a dringo i fyny grisiau (anwybyddwch y gamfa ar y dde i chi) a dilyn y llwybr wrth iddo ddolennu i fyny, croeswch gamfa fach dros ffens ac anelu i fyny am y ffridd.
Cadair y Cawr, Eryri | © National Trust Images/Gwenno Parry Rhan 3
Dilynwch y llwybr tua’r dwyrain tuag at Fylchau Terfyn. Fel arfer bydd carped o glychau’r gog yn y ffridd ar y chwith i chi ar ddechrau’r haf. Croeswch gamfa ar y wal a dal i fynd gan ddilyn y marcwyr du. Pan fyddwch yn cyrraedd y bont yn agos i hen adfail, trowch i’r chwith ar lwybr a pharhau ar i fyny.
Rhan 4
Trowch i’r chwith eto wrth yr adfail nesaf. Daliwch i fynd hyd y llwybr nes y byddwch yn cyrraedd camfa arall dros wal. Dilynwch y marcwyr i lawr tuag at Lwybr Watkin, ar ddiwrnod clir gallwch weld Llyn Gwynant a Moel Siabod yn y pellter.
Rhan 5
Pan fyddwch yn cyrraedd llwybr (llwybr Watkin) trowch i’r dde a mynd i lawr llethrau isaf copa uchaf Cymru, yr Wyddfa. (Cofiwch bod y marcwyr ffordd du yn dod i ben yma.) Bydd rhaeadrau trawiadol Afon Cwm Llan ar y chwith i chi ac mae darn olaf Llwybr Watkin yn eich arwain trwy goed derw hynafol hardd Parc Hafod y Llan.
Llwybr Watkin, Cymru | © National Trust Images/Joe Cornish Rhan 6
Ar waelod y llwybr, trowch i’r dde i lôn ac yna i’r dde eto wrth gyrraedd y briffordd. Ar ôl pasio Caffi Gwynant, cymrwch y troad nesaf i’r chwith, gan groesi Afon Glaslyn. Ac yna’r cyntaf i’r dde, tuag at Fferm Llyndy Isaf. Dilynwch y llwybr heibio’r fferm a cherdded ar hyd glannau Llyn Dinas, byddwch yn mynd trwy sawl giât ar y ffordd.
Rhan 7
Ar ben y llyn, daliwch i fynd yn syth ymlaen a thrwy’r giât, gan ddilyn Afon Glaslyn ar i lawr tuag at Feddgelert. Dilynwch y llwybr nes byddwch yn cyrraedd hen Waith Copr Sygun, ac oddi yma trowch i’r dde tuag at y briffordd. Ar y ffordd trowch i’r chwith a dal i fynd ar hyd y ffordd nes byddwch yn cyrraedd Craflwyn ar y dde i chi.
Man gorffen
Maes parcio’r Ymddiriedolaeth Genedlaethol, Craflwyn, cyfeirnod grid: SH600489
Map llwybr
Map taith Craflwyn, Hafod y Llan a Llyn Dinas | © Crown copyright and database rights Ordnance Survey
Mwy yn agos i’r man hwn
Taith chwedlonol Dinas Emrys
Mwynhewch daith gerdded ddymunol heibio rhaeadrau a thrwy goetir derw hardd i gyrraedd copa’r bryn chwedlonol yma, lle bu Myrddin unwaith a lle mae draig yn dal i gysgu.
Taith bedd Gelert
Bydd y daith yn eich arwain o ganol y pentref, ar hyd glan Afon Glaslyn at safle bedd Gelert. Byddwch hefyd yn dod i ddeall chwedl Gelert a’r Tywysog Llywelyn a roddodd enw i’r pentref.
Taith Aberglaslyn, Llyn Dinas a Chwm Bychan
Archwiliwch fwlch Aberglaslyn, dyfroedd Llyn Dinas, pentref hardd Beddgelert a gwaith copr Cwm Bychan ar y llwybr heriol hwn yn Eryri.
Llwybr Rhedeg Craflwyn
Dewch i weld tirwedd yn llawn chwedlau a hanes wrth i chi redeg y llwybr a dysgu am y gwaith a wneir yn yr ardal i’w chadw yn arbennig ac yn llawn bywyd gwyllt.
Cysylltwch
Ein partneriaid
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
Cotswold Outdoor: Ein partner cerdded
Dysgwch am bartneriaeth barhaus yr Ymddiriedolaeth Genedlaethol â Cotswold Outdoor. Dewch i ganfod sut maent yn ein helpu ni i ofalu am leoedd gwerthfawr a'r gostyngiadau arbennig sydd ar gael i gefnogwyr yr Ymddiriedolaeth Genedlaethol.
Cadw’n ddiogel yn lleoliadau’r Ymddiriedolaeth Genedlaethol
Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.
Dilynwch y cod cefn gwlad
Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.
Pethau i’w gweld a’u gwneud yn Hafod y Llan
Darganfyddwch bethau i’w gwneud yn fferm Hafod y Llan, Eryri, Cymru ar lethrau’r Wyddfa, gan gynnwys llwybrau cerdded a’r bywyd gwyllt y gallwch ei weld.
Hanes Hafod y Llan
Dysgwch am hanes cyfoethog fferm Hafod y Llan yn Eryri, Cymru, gan ddechrau yn y 12fed ganrif.
Cerdded
Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch. (Saesneg yn unig)
Bythynnod gwyliau yn Eryri
Gyda’i fynyddoedd anferth, ceunentydd dwfn a llynnoedd hardd, mae Parc Cenedlaethol Eryri yn gyrchfan wyliau delfrydol i’r rhai sy’n mwynhau’r awyr agored a’r rhai sy’n caru natur. Arhoswch yn un o'n bythynnod gwyliau yn Eryri ac archwiliwch ardal arbennig hon o Gymru.