Llwybr bywyd gwyllt Parc Dinefwr
Mae’r gylchdaith hon, sy’n 3 milltir o hyd, yn ymweld â rhai o’r llefydd gorau ym mharc hanesyddol Dinefwr i wylio bywyd gwyllt. Mae’r lleoliad yn enwog am ei fywyd gwyllt toreithiog a’i olygfeydd godidog o’r dyffryn, yn ogystal â chastell canoloesol a phlas o’r 17eg ganrif. Mae rhai o’r coed hynafol yn fwy na 700 oed, yn ôl y tebyg, ac yn cefnogi amrywiaeth mor eang o gennau a chreaduriaid di-asgwrn-cefn nes bod y parc wedi’i ddynodi’n Safle o Ddiddordeb Gwyddonol Arbennig a Gwarchodfa Natur Leol.
Eiddo ger
DinefwrMan cychwyn
Maes parcio ym Mharc Dinefwr, cyfeirnod grid: SN615224Gwybodaeth am y Llwybr
Nid yw’r llwybr ar gael yn y gaeaf
Mae’r Parc Ceirw ar gau rhwng Tachwedd a Mawrth felly ni allwch ddilyn y llwybr yn ystod y cyfnod hwn.
Cyfanswm y rhannau: 8
Cyfanswm y rhannau: 8
Man cychwyn
Maes parcio ym Mharc Dinefwr, cyfeirnod grid: SN615224
Rhan 1
Trowch i’r dde wrth adael y maes parcio a cherdded tuag at y castell. Ewch dros y grid gwartheg ac i lawr y trac cerrig nes i chi gyrraedd y tŷ ceirw. Yna dilynwch yr arwyddion crëyr glas (Llwybr yr Afon). Ewch i lawr y rhiw a chyn bo hir byddwch yn pasio Mynachdy, hen fwthyn brics coch y ciper, i’r chwith ohonoch.
Rhan 2
Y tu hwnt i’r tŷ ceirw (sydd nawr yn fwthyn gwyliau), trowch i’r dde drwy gât i mewn i Goed y Gors a dilyn llwybr pren i bwll y felin.
Rhan 3
Ar ôl gadael y parc ceirw, croeswch wal pwll y felin gyda’r tŷ pwmpio i’r chwith ohonoch. Dilynwch y darn o dir sydd â rhes o goed arno i’r dde, tua’r gorlifdir.
Rhan 4
Mae Afon Tywi wedi ffurfio llynnoedd pedol sy’n nodi ffin ddeheuol Dinefwr. Dilynwch y rhes o goed ar hyd y llwybr, gydag adfeilion Castell Dinefwr, sy’n dyddio o’r 12fed ganrif, yn codi’n uchel i’r chwith ohonoch.
Rhan 5
Gyda’r afon i’r dde ohonoch, cerddwch drwy Ddyffryn Tywi.
Rhan 6
Trowch i’r chwith yma i lwybr at eglwys Llandyfeisant.
Rhan 7
Ewch yn eich blaenau nes i chi gyrraedd yr eglwys yn Llandyfeisant. A hithau’n nodwedd bwysig yn y tirlun, ailadeiladwyd yr eglwys yn helaeth yn y 19eg ganrif, ond mae ei gwreiddiau yn yr oesoedd canol.
Rhan 8
Ar y llwybr yn ôl i’r maes parcio, byddwch yn pasio safle caer Rufeinig fawr dros y bryn i’r dde ohonoch. Mae arolygon archeolegol yn dangos ei bod wedi bodoli, ond does dim byd i’w weld ar yr wyneb. Y cyfan sydd yma i chi ei edmygu yw’r gwartheg Parc Gwyn â’u cyrn hir wrth i chi groesi’r parcdir a dychwelyd i’ch man cychwyn.
Man gorffen
Maes parcio ym Mharc Dinefwr, cyfeirnod grid: SN615224
Map llwybr
Map llwybr bywyd gwyllt Dinefwr | © Crown copyright and database rights 2013 Ordnance Survey
Mwy yn agos i’r man hwn
Dinefwr
Mae Tŷ hanesyddol Newton wedi'i amgylchynu gan Warchodfa Natur Genedlaethol a Pharc Ceirw tirweddol o'r 18fed ganrif.
Llwybr ‘Capability’ Brown yn Ninefwr
Cerddwch wrth ymyl coed hynafol hanesyddol ar gylchdaith drwy dirwedd a ddyluniwyd gan Lancelot ‘Capability’ Brown, gyda chyfle i weld yr hyddod brith sy’n byw yma.
Llwybr Trwyn Ragwen
Mae llwybr Trwyn Ragwen yn daith gerdded ar hyd y clogwyni at fae anghysbell gyda golygfeydd godidog ar hyd y ffordd.
Cysylltwch
Parc Dinefwr, Tŷ Newton, Llandeilo, Sir Gaerfyrddin, SA19 6RT
Ein partneriaid
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
Ymweld â Thŷ Newton yn Ninefwr
Yn swatio ym mharc Dinefwr ger Llandeilo, mae Tŷ Newton yn blasty Cymreig anffurfiol sy’n cynnig cyfuniad o’r hanesyddol a’r cyfoes.
Crwydrwch y parc yn Ninefwr
Dewch am dro drwy Barc Dinefwr ger Llandeilo, ystâd 800-erw drawiadol lle gwelwch amrywiaeth o fywyd gwyllt a rhai o’r coed hynaf yng ngwledydd Prydain.
Bwyta a siopa yn Ninefwr
Dewch i eistedd yng nghaffi dan do Tŷ Newton a mwynhewch amrywiaeth eang o fwydydd poeth ac oer, cacennau a hufen iâ. Yn y maes parcio, mae’r caffi awyr agored yn lle cyfleus i gael diodydd a byrbrydau tecawê, cyn mynd am dro neu wylio Gwartheg Gwyn y Parc.
Llwybrau'r coed hynafol
Darganfyddwch 10 o'n hoff lefydd i weld coed hynafol, 'cadeirlannau byd natur'. (Saesneg yn unig)
Dilynwch y cod cefn gwlad
Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.
Cadw’n ddiogel yn lleoliadau’r Ymddiriedolaeth Genedlaethol
Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.
Cotswold Outdoor: Ein partner cerdded
Dysgwch am bartneriaeth barhaus yr Ymddiriedolaeth Genedlaethol â Cotswold Outdoor. Dewch i ganfod sut maent yn ein helpu ni i ofalu am leoedd gwerthfawr a'r gostyngiadau arbennig sydd ar gael i gefnogwyr yr Ymddiriedolaeth Genedlaethol.