Llwybr Ffordd y Mwynwyr yn Dolaucothi
Cymru
Ar y llwybr cymedrol hwn byddwch yn cerdded yn ôl traed cloddwyr aur drwy’r oesoedd, o fynedfeydd y gloddfa a ddefnyddiwyd gan y Rhufeiniaid i adfeilion y felin brosesu a ddefnyddiwyd yn y 1930au. Mae golygfeydd gwych a pheiriannau anarferol i’w mwynhau ar hyd y daith.
Eiddo ger
DolaucothiMan cychwyn
Maes parcio Coetir Mwyngloddiau Aur Dolaucothi, cyfeirnod grid: SN662403Gwybodaeth am y Llwybr
Cyfanswm y rhannau: 9
Cyfanswm y rhannau: 9
Man cychwyn
Maes parcio Coetir Mwyngloddiau Aur Dolaucothi, cyfeirnod grid: SN662403
Rhan 1
Cerddwch allan drwy brif fynedfa maes parcio’r coetir a throwch i’r dde i’r ffordd un trac. Wrth y gyffordd, trowch i’r chwith, gan ddilyn yr arwydd ar gyfer Caio. Cerddwch i fyny’r rhiw nes i chi ddod at set o risiau’n arwain i lawr i’r chwith, gyda gât pum bar i’r dde ohonoch.
Rhan 2
Ewch drwy’r gât pum bar a dilynwch y trac drwy’r goedwig. Byddwch yn pasio rhai o gloddfeydd hynaf Dolaucothi, a ddefnyddiwyd gan y Rhufeiniaid i echdynnu aur.
Rhan 3
Dilynwch y llwybr i’r Fynedfa Rufeinig Uchaf (mynedfa sgwâr i’r gloddfa, i’r dde ohonoch). Ewch heibio i fynedfa’r gloddfa, i fyny rhai grisiau, a fydd yn mynd â chi dros ben y gloddfa. Dilynwch y llwybr nes i chi gyrraedd gât fach at ddôl.
Rhan 4
Ewch drwy’r gât a cherddwch ar draws y ddôl.
Rhan 5
Ar ôl cyrraedd lôn wedi’i tharmacio, croeswch hi i mewn i’r cae o’ch blaenau. Yma fe welwch sylfeini’r felin brosesu o’r 1930au. Dyma lle roedd y mwyn yn cael ei gludo i’w brosesu i echdynnu’r aur.
Rhan 6
Ar waelod y cae, ewch drwy gât fechan yn ôl i’r lôn wedi’i tharmacio. Dilynwch y lôn i lawr i’r grid gwartheg ar y gwaelod. Ewch drwy’r gât wrth ochr y grid gwartheg a cherddwch i’r gyffordd lle mae ffordd un trac. Trowch i’r dde wrth y gyffordd.
Rhan 7
Dilynwch y ffordd am ychydig fetrau a chroeswch y bont bren fechan dros ffos i’r chwith. Mae’n eich arwain drwy weddillion y barics, a adeiladwyd i gartrefu’r cloddwyr yn y 1930au.
Rhan 8
Dilynwch y llwybr drwy’r barics tan i chi gyrraedd y gyffordd â llwybr creigiog. Trowch i’r chwith i’r llwybr, sy’n hen ffordd porthmyn. Dilynwch y llwybr i lawr, heibio i fynedfa cloddfa i’r dde ohonoch. Dilynwch y trac nes i chi gyrraedd y gyffordd rhwng y trac a ffordd un trac.
Rhan 9
Trowch i’r chwith i’r ffordd un trac a’i dilyn nes eich bod yn ôl ym Maes Parcio’r Coetir (bydd y fynedfa i’r dde ohonoch, ychydig wedi mynedfa’r safle Carafannau).
Man gorffen
Mwyngloddiau Aur Dolaucothi, cyfeirnod grid: SN662403
Map llwybr
Iard Gloddio a Llwybr y Mwynwyr | © Crown Copyright and database right 2024 Ordnance Survey
Mwy yn agos i’r man hwn
Llwybr y parcdir yn Dolaucothi
Crwydrwch y parcdir o gwmpas Dolaucothi ar y daith gerdded rwydd hon, gan fwynhau tiroedd y plasty a llwybrau glan afon, gyda chlychau’r gog yn y gwanwyn a ffyngau yn yr hydref.
Llwybr coetir yn Dolaucothi
Cerddwch drwy goetiroedd hyfryd, gan ddilyn llwybrau a ddefnyddiwyd ‘slawer dydd gan geffylau’n llusgo pren. Darganfyddwch hanes Mwyngloddiau Aur Dolaucothi, pentref Pumsaint a’r hen blas wrth fynd.
Llwybr yr Ystâd yn Dolaucothi
Dilynwch ôl traed hynafol y Rhufeiniaid ar hyd glannau Afon Cothi a dringwch i bwynt uchaf Ystâd Dolaucothi am olygfeydd trawiadol dros Bumsaint a’r dyffryn ehangach.
Cysylltwch
Ein partneriaid
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
Dolaucothi
Ewch i wisgo eich bŵts a darganfod unig Fwynglawdd Aur Rhufeinig hysbys y DU.
Ymweld â'r ystâd yn Nolaucothi
Gyda dros 2,500 erw o ystâd, coetir, ffermydd a pharcdir i’w darganfod, mae cymaint mwy i Ddolaucothi yn Sir Gâr na’r mwyngloddiau Rhufeinig.
Ymweld â Dolaucothi gyda’ch ci
Mae gan Ddolaucothi sgôr dwy bawen. Mae ymweliad â Dolaucothi yn gyfeillgar i gŵn gyda milltiroedd o lwybrau cerdded i’w mwynhau ar draws yr ystâd, mae ‘na leoliadau arbennig i chi a’ch ci eu darganfod.
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
