Llwybr yr Ystâd yn Dolaucothi
Cymru
Dilynwch y gylchdaith hon i bwynt uchaf Ystâd Dolaucothi yn Sir Gâr. Mwynhewch y golygfeydd o Afon Cothi, Mwyngloddiau Aur Dolaucothi a phentref Pumsaint, cyn dychwelyd ar hyd hen reilffordd. Fe allech weld gwiwer goch neu fele’r coed yn y coetir.
Eiddo ger
DolaucothiMan cychwyn
Maes parcio Coetir Dolaucothi yr Ymddiriedolaeth Genedlaethol, cyfeirnod grid: SN662403Gwybodaeth am y Llwybr
*Cymysgedd o lwybrau, traciau a lonydd gyda dringfa a disgyniad serth. Am ragor o fanylion, darllenwch yr adran Tirwedd.
**Mae rhan gyntaf y llwybr yn addas i gadeiriau olwyn, hyd at Gam 3 ar y map. Am ragor o fanylion, darllenwch yr adran Mynediad.
***Mae croeso i gŵn ar dennyn. Am ragor o fanylion, darllenwch yr adran Cyfleusterau.
Cyfanswm y rhannau: 11
Cyfanswm y rhannau: 11
Man cychwyn
Maes parcio Coetir Dolaucothi yr Ymddiriedolaeth Genedlaethol, cyfeirnod grid: SN662403
Rhan 1
Dechreuwch ym maes parcio’r Coetir (gyferbyn â maes parcio’r Mwyngloddiau Aur). Ym mhen pellaf y maes parcio, dilynwch y llwybr troed. I’r dde fe welwch Barc Carafannau tawel Ystâd Dolaucothi.
Rhan 2
. Dilynwch y llwybr ar hyd Afon Cothi. Ewch drwy’r giât i’r trac a throi i’r chwith, i lawr at y bont. Croeswch y bont drwy giât fetel y parcdir a throi i’r dde. Trowch i’r chwith i ffwrdd o’r llwybr, ac yna dilynwch y llwybr cerdded trwy’r coetir, a mynd heibio wal yr hen Ardd Furiog.
Rhan 3
Croeswch y cae, ac ar eich llaw dde mae giât ystâd wreiddiol a lawnt wastad ble arferai plasty Dolaucothi sefyll. Cerddwch y llwybr pren a’r grisiau trwy’r coed. Ymunwch â’r llwybr fferm sy’n troi i’r chwith.
Rhan 4
Dilynwch y llwybr wrth iddo droelli i’r dde. Croeswch heol y goedwig ac ewch drwy’r giât bren i’r cae, ac yna dilynwch y llwybr ar draws y cae gan fynd i fyny’r allt tuag at y coetir.
Rhan 5
Ewch ar y llwybr sydd ar y dde a dilyn y llwybr wrth iddo droelli i fyny’r coetir. Gadewch y coetir drwy giât i’r tir fferm, gan ddilyn y cyfeirbwyntiau coch wrth i’r llwybr droi i’r dde tuag at giatiau fferm metel.
Rhan 6
Ewch drwy’r giât fferm gyntaf a throi’n syth i’r chwith drwy’r ail giât. Trowch i’r dde a pharau i ddilyn y cyfeirbwyntiau coch wrth i’r llwybr fynd i fyny allt, gan fynd trwy ddwy giât arall i gyrraedd y piler triongli ar y dde.
Rhan 7
Y piler triongli yw’r man uchaf ar yr ystâd ar 925 troedfedd (282m), sy’n golygu bod dringfa i gyrraedd y top, ond cewch eich gwobrwyo gyda golygfa odidog dros Ddyffryn Cothi. O’r piler triongli, cadwch y llinell ffens ar eich llaw chwith a dilyn y cyfeirbwyntiau coch trwy giât sy’n syth o’ch blaen. Parhewch i ddilyn y llwybr i lawr at heol y goedwig.
Y pwynt triongli yn edrych tua’r gogledd ym Mwyngloddiau Aur Dolaucothi, Sir Gâr | © National Trust Images/Andrew Butler Rhan 8
Trowch i’r chwith ar hyd heol y goedwig. Edrychwch a chlustfeiniwch am fywyd gwyllt toreithiog y coed. Trowch i’r dde i lawr rhan serth iawn o’r llwybr, dilynwch y llwybr sy’n troi i’r dde eto, i mewn i’r coetir, ac yna fe gyrhaeddwch afon.
Rhan 9
Dilynwch y llwybr ar hyd llawr y dyffryn gydag Afon Cothi yn ymdroelli i’r chwith ohonoch. Gall y rhan hon o’r llwybr fod yn fwdlyd yn y gaeaf.
Rhan 10
Wrth i’r afon lifo i ffwrdd ohonoch chi, dilynwch y llwybr o amgylch ffin y cae at giât sydd ar heol y goedwig. Trowch i’r chwith i heol y goedwigaeth a’i dilyn yn syth i bentref Pumsaint.
Rhan 11
Lle mae’r trac yn cwrdd â’r heol, gallwch droi i’r dde i grwydro pentref Pumsaint, neu droi i’r chwith ac ymuno’n ofalus â’r palmant ar ymyl y ffordd, lle mae’n croesi’r afon Cothi. Trowch i’r chwith wrth yr arwydd ffordd ar gyfer Mwyngloddiau Aur Dolaucothi, mae tua 350m o’r ffordd hon heb balmant yma. Wrth y fforch, trowch i’r chwith i ddychwelyd i’r maes parcio.
Man gorffen
Maes parcio Coetir Dolaucothi yr Ymddiriedolaeth Genedlaethol, cyfeirnod grid: SN662403
Map llwybr
Map o lwybr Ystâd Dolaucothi, Sir Gâr | © Crown Copyright and database right 2024 Ordnance Survey
Mwy yn agos i’r man hwn
Llwybr coetir yn Dolaucothi
Cerddwch drwy goetiroedd hyfryd, gan ddilyn llwybrau a ddefnyddiwyd ‘slawer dydd gan geffylau’n llusgo pren. Darganfyddwch hanes Mwyngloddiau Aur Dolaucothi, pentref Pumsaint a’r hen blas wrth fynd.
Llwybr Ffordd y Mwynwyr yn Dolaucothi
Profwch hanes ar y llwybr cymedrol hwn yn Nolaucothi, lle byddwch yn cerdded yn ôl traed cloddwyr aur drwy’r oesoedd.
Llwybr y parcdir yn Dolaucothi
Crwydrwch y parcdir o gwmpas Dolaucothi ar y daith gerdded rwydd hon, gan fwynhau tiroedd y plasty a llwybrau glan afon, gyda chlychau’r gog yn y gwanwyn a ffyngau yn yr hydref.
Cysylltwch
Ein partneriaid
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
Dolaucothi
Ewch i wisgo eich bŵts a darganfod unig Fwynglawdd Aur Rhufeinig hysbys y DU.
Ymweld â'r ystâd yn Nolaucothi
Gyda dros 2,500 erw o ystâd, coetir, ffermydd a pharcdir i’w darganfod, mae cymaint mwy i Ddolaucothi yn Sir Gâr na’r mwyngloddiau Rhufeinig.
Ymweld â Dolaucothi gyda’ch ci
Mae gan Ddolaucothi sgôr dwy bawen. Mae ymweliad â Dolaucothi yn gyfeillgar i gŵn gyda milltiroedd o lwybrau cerdded i’w mwynhau ar draws yr ystâd, mae ‘na leoliadau arbennig i chi a’ch ci eu darganfod.
Walking in Wales
Explore wide open landscapes, gentler coastal strolls or energetic hikes for something a little more challenging. We've rounded up some of the best places to walk in Wales.
