Llwybr coetir yn Dolaucothi
Cymru
Mae’r gylchdaith gymedrol hon sy’n dilyn arwyddion glas yn dringo drwy goetiroedd hyfryd Sir Gâr, lle gallech fod yn ddigon lwcus i weld bywyd gwyllt fel moch daear a chnocellod y coed. O’r mwyngloddiau aur Rhufeinig yn Nolaucothi i gardd furiog yr hen blas, mae’r llwybr yn gyfoeth o hanes hefyd.
Eiddo ger
DolaucothiMan cychwyn
Maes parcio Coetir Dolaucothi yr Ymddiriedolaeth Genedlaethol, cyfeirnod grid: SN662403Gwybodaeth am y Llwybr
*Cymysgedd o lwybrau, lonydd a thraciau gyda dringfa gymharol serth. Am ragor o fanylion, darllenwch yr adran Tirwedd.
**Mae rhan gyntaf y llwybr yn addas i gadeiriau olwyn, hyd at Gam 4 ar y map. Am ragor o fanylion, darllenwch yr adran Mynediad.
***Mae croeso i gŵn ar dennyn. Am ragor o fanylion, darllenwch yr adran Cyfleusterau.
Cyfanswm y rhannau: 9
Cyfanswm y rhannau: 9
Man cychwyn
Maes parcio Coetir Dolaucothi yr Ymddiriedolaeth Genedlaethol, cyfeirnod grid: SN662403
Rhan 1
Dechreuwch ym maes parcio’r Coetir (gyferbyn â maes parcio’r Mwyngloddiau Aur). Ym mhen pellaf y maes parcio, dilynwch y llwybr troed.
Rhan 2
Dilynwch y llwybr ar hyd Afon Cothi. Ewch drwy’r giât i’r trac a throi i’r chwith, i lawr at y bont. Ewch drwy giât fetel y Parcdir wrth i chi groesi’r bont a throi i’r dde, gan gadw Afon Cothi ar eich llaw dde.
Rhan 3
Trowch i’r chwith oddi ar y llwybr a mynd trwy giât bren gydag chyfeirbwynt. Mae Ffawydden tor-ddail addurnedig yn sefyll ar ochr fewnol y giât ar eich llaw chwith. Dilynwch y llwybr sy’n mynd heibio wal yr hen Ardd Furiog ar eich llaw dde.
Palalwyf yn y parc ar ystâd Dolaucothi | © National Trust Images/Chris Lacey Rhan 4
Ewch drwy’r giât i mewn i’r cae. Gellir gweld giât wreiddiol ystâd Dolaucothi ar eich llaw dde. Croeswch y llwybr pren a dringo’r grisiau trwy’r coed. Trowch i’r chwith ac yna cadw i’r dde wrth i’r llwybr fforchio, gan ddilyn y cyfeirbwyntiau glas.
Rhan 5
Croeswch ffordd y goedwig trwy’r giât bren i’r cae, ac yna anelwch yn groeslinol i fyny’r allt tuag at y coetir, gan fynd drwy ddwy giât. Wrth i’r llwybrau fforchio, cymerwch y llwybr chwith sy’n anelu i fyny allt tuag at ymyl y coetir, gan ddilyn y cyfeirbwyntiau glas.
Rhan 6
Cadwch i’r dde ar y fforch nesaf a pharhau i fyny’r allt, edmygwch y golygfeydd dros Ddyffryn Cothi a fferm Cefn Coed Mawr ar eich llaw dde. Wrth i’r llwybr ddod yn fwy gwastad, trowch i’r chwith a pharhau ar hyd y llwybr hyd nes i chi gyrraedd llecyn agored eang.
Rhan 7
Anelwch i’r dde o’r llecyn agored a chroesi pont droed. Parhewch i ddilyn y cyfeirbwyntiau glas wrth iddyn nhw droelli i lawr trwy’r coetir. Edrychwch a chlustfeiniwch am fywyd gwyllt toreithiog y coed.
Rhan 8
Ewch allan o’r coed ac i lawr y grisiau at heol y goedwig. Ewch i lawr y grisiau nesaf drwy’r giât ac i’r cae. Parhewch i lawr y cae tuag at bentref Pumsaint. Gall y darn hwn fod yn fwdlyd iawn yn y gaeaf. (Fel opsiwn arall, i osgoi’r pentref a’r brif ffordd, trowch i’r chwith am heol y goedwig a pharhau i fyny’r allt. Dilynwch y cyfeirbwyntiau glas ar hyd llinell y ffens ar eich llaw dde. Trowch i’r dde ac anelu i lawr yr allt i gyrraedd Cam 6 y daith, ble gallwch ddilyn eich camau yn ôl i’r maes parcio.)
Rhan 9
Gadewch y caeau ac ewch i faes parcio’r pentref. Yma, byddwch yn gweld yr Old Coach House, y Dolaucothi Arms a’r Coronation Hall. Ar ôl cyrraedd yr heol, trowch i’r chwith ac ymunwch yn ofalus â’r palmant ar ymyl yr heol, lle mae’n croesi’r afon Cothi. Trowch i’r chwith wrth yr arwydd ffordd ar gyfer Mwyngloddiau Aur Dolaucothi, mae tua 350m o’r ffordd hon heb balmant yma. Wrth y fforch, trowch i’r chwith i ddychwelyd i’r maes parcio.
Y ganolfan ymwelwyr ger Mwyngloddiau Aur Dolaucothi, Sir Gâr | © National Trust Images/Andrew Butler Man gorffen
Maes parcio Coetir Dolaucothi yr Ymddiriedolaeth Genedlaethol, cyfeirnod grid: SN662403
Map llwybr
Map o lwybr Coetir Dolaucothi, Sir Gâr | © Crown Copyright and database right 2024 Ordnance Survey
Mwy yn agos i’r man hwn
Llwybr Ffordd y Mwynwyr yn Dolaucothi
Profwch hanes ar y llwybr cymedrol hwn yn Nolaucothi, lle byddwch yn cerdded yn ôl traed cloddwyr aur drwy’r oesoedd.
Llwybr y parcdir yn Dolaucothi
Crwydrwch y parcdir o gwmpas Dolaucothi ar y daith gerdded rwydd hon, gan fwynhau tiroedd y plasty a llwybrau glan afon, gyda chlychau’r gog yn y gwanwyn a ffyngau yn yr hydref.
Llwybr yr Ystâd yn Dolaucothi
Dilynwch ôl traed hynafol y Rhufeiniaid ar hyd glannau Afon Cothi a dringwch i bwynt uchaf Ystâd Dolaucothi am olygfeydd trawiadol dros Bumsaint a’r dyffryn ehangach.
Cysylltwch
Ein partneriaid
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
Dolaucothi
Ewch i wisgo eich bŵts a darganfod unig Fwynglawdd Aur Rhufeinig hysbys y DU.
Ymweld â'r ystâd yn Nolaucothi
Gyda dros 2,500 erw o ystâd, coetir, ffermydd a pharcdir i’w darganfod, mae cymaint mwy i Ddolaucothi yn Sir Gâr na’r mwyngloddiau Rhufeinig.
Ymweld â Dolaucothi gyda’ch ci
Mae gan Ddolaucothi sgôr dwy bawen. Mae ymweliad â Dolaucothi yn gyfeillgar i gŵn gyda milltiroedd o lwybrau cerdded i’w mwynhau ar draws yr ystâd, mae ‘na leoliadau arbennig i chi a’ch ci eu darganfod.
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
