Martin’s Haven – llwybr y parc ceirw

Cymru

Parc Ceirw Penrhyn Marloes, Sir Benfro | © National Trust Images/Andy Davies

Mwynhewch olygfeydd arfordirol dramatig a bywyd gwyllt bendigedig ar y llwybr byr ond trawiadol hwn o gwmpas Penrhyn Marloes. Does dim ceirw i’w gweld, ond mae llawer o forloi (gan gynnwys rhai bach yn yr hydref), grug a blodau gwyllt, creigiau campus a golygfeydd o’r môr. Gallwch weld y rhan fwyaf o ynysoedd Sir Benfro o’r fan hon.

Eiddo ger

Marloes Sands and Mere

Man cychwyn

Maes parcio Martin's Haven, cyfeirnod grid: SM760090

Gwybodaeth am y Llwybr

Gweld y llwybr

Argraffu'r llwybr

Pa Mor Heriol*

Llwybr llawn

PellterMilltiroedd: 1 (km: 1.6)

Hyd 30 munud

Addas i gŵn**

*Llwybr anwastad ar hyd clogwyn. Am ragor o fanylion, darllenwch yr adran Tirwedd.
**Mae croeso i gŵn ond rhaid eu cadw o dan reolaeth agos i ddiogelu adar sy’n nythu a merlod yn yr ardal.

Cyfeiriad
Penrhyn Marloes, Hwlffordd, Sir Benfro, Cymru
Cyfarwyddiadau trwy Google Maps
Ar y trên
Gorsafoedd yn Hwlffordd (12 milltir/19km); Aberdaugleddau (9 milltir/14.5km); Doc Penfro (13 milltir/21km).
Ar fws
Gwasanaeth 400 y Pâl Gwibio o Dyddewi i Farloes, gweler Llwybrau Bws Sir Benfro neu Traveline Cymru.
Ar droed
Mae Marloes a’r Parc Ceirw ar Lwybr Arfordir Sir Benfro.
Ar y ffordd
Llwybr anwastad ar hyd clogwyn, tir poY B4327 o Hwlffordd i Dale. Ar ôl Pont Mullock (ger Dale) trowch i’r dde wrth yr arwydd ar gyfer Marloes a Man Hwylio Sgomer. Dilynwch y ffordd drwy Farloes i faes parcio Martin’s Haven. ri â glaswellt byr yn bennaf.
Cyfanswm y rhannau: 6
Cyfanswm y rhannau: 6
Man cychwyn
Maes parcio Martin's Haven, cyfeirnod grid: SM760090
Rhan 1
Ym mhen pellaf y maes parcio, ewch drwy’r gât i’r chwith a dilynwch y llwybr ar hyd ymyl y cae y tu ôl i Rath Cottage.
Rhan 2
Dilynwch y llwybr ar hyd yr arfordir yn y parc ceirw, gan fwynhau’r golygfeydd o’r ynysoedd. Mae Sgogwm i’w gweld i’r de (i’r chwith ohonoch), ac mae Gwales a’i mulfrain llwyd ar y gorwel. Mae dyfroedd peryglus Jack Sound yn byrlymu rhwng y parc ceirw ac Ynys Ganol. Os nad yw hi’n rhy wyntog, eisteddwch am eiliad a gwylio adar y môr.
Rhan 3
Mae’r baeau creigiog o dan y clogwyni’n cael eu defnyddio gan forloi.
Rhan 4
Trowch i’r dde a cherddwch tua’r tir mawr gan groesi’r parc gyda chaban gwylwyr y glannau i’r chwith ohonoch. Mae caban gwylwyr y glannau bellach yn wylfan weithredol sy’n cael ei gweithredu gan y National Coastwatch Institute. Mwynhewch y golygfeydd – mae hwn yn lle gwych am bicnic ar ddiwrnod braf.
Rhan 5
Dilynwch y llwybr ar hyd pen uchaf amddiffynfeydd y gaer arfordirol – mae hon yn gaer 3,000 oed o Oes yr Haearn.
Rhan 6
Aildroediwch y llwybr yn ôl tua’r maes parcio.
Man gorffen
Maes parcio Martin's Haven, cyfeirnod grid: SM760090
Map llwybr
Map llwybr y Parc Ceirw ym Mhenrhyn Marloes | © Crown copyright and database rights 2013 Ordnance Survey
Dyna ni, da iawn chi
Rhannwch eich profiad

Taith gerdded arfordirol Penrhyn Marloes

Llwybr cylchol gyda golygfeydd hyfryd o arfordir Sir Benfro sy’n berffaith ar gyfer gwylio bywyd gwyllt ar y tir a’r môr. A pheidiwch â cholli gweddillion caerau o Oes yr Haearn ar eich taith.

Ymwelydd yn cerdded ar hyd Llwybr Arfordir Sir Benfro yn Nhraeth Marloes, Sir Benfro

Taith gerdded arfordirol Penmaen Dewi

Dilynwch lwybr ar hyd pentir arfordirol mwyaf dramatig Sir Benfro, dafliad carreg o Dyddewi, i ddarganfod henebion cynhanesyddol ac adar amrywiol.

Yr olygfa o Garn Llidi dros Fae Porth Mawr, Sir Benfro, Cymru, gydag Ynys Dewi yn y pellter.

Taith Treginnis o Borthclais

Taith gerdded 6 milltir o amgylch pentir Treginnis yn Sir Benfro sy’n cynnwys rhai o ffurfiannau craig hynaf Cymru, caer o’r oes haearn, mwynglawdd copr o’r 19eg ganrif a harbwr hanesyddol Porthclais.

Cerddwyr ar lwybr yr arfordir yn Nhreginnis yn Sir Benfro, Cymru

Llwybr bywyd gwyllt Stad Stagbwll

Cadwch olwg am adar môr a dyfrgwn wrth i chi ddarganfod rhai o gynefinoedd bywyd gwyllt gorau Sir Benfro ar lwybr bywyd gwyllt ar hyd yr arfordir yn Stagbwll.