Llwybr bywyd gwyllt Freshwater West

Cymru

Llwybr troed yn edrych dros Freshwater West — Cewch weld y môr o ongl wahanol ar y llwybr bywyd gwyllt hwn | © National Trust/Drew Buckley

Mwynhewch gylchdaith brydferth drwy’r twyni a’r ffermdir y tu ôl i draeth Freshwater West. Ar y ffordd, cewch weld fflora a ffawna lleol, a sut mae ein gwaith adfer yn rhoi hwb i fyd natur, tra’n rhyfeddu at olygfeydd godidog o’r môr o ongl wahanol.

Eiddo ger

Freshwater West and Gupton Farm

Man cychwyn

Maes parcio Freshwater West, SA71 5AH.

Dogs

Ni chaiff gŵn fynd ar y llwybrau caniataol hyn er mwyn gwarchod y bywyd gwyllt a llystyfiant.

Cyfanswm y rhannau: 9
Cyfanswm y rhannau: 9
Man cychwyn
Maes parcio Freshwater West, SA71 5AH.
Rhan 1
Gyda’ch cefn at y traeth, trowch i’r chwith, anelwch am y tai bach, ac fe welwch fap o’r ddau lwybr o gwmpas Gupton. Dyma’r man lle gwelwch eich arwyddbost cyntaf.
Rhan 2
Dilynwch y llwybr drwy’r twyni, gan gadw i’r dde a dilyn y llwybr ceffylau drwy’r gât. Yna, bron yn syth, trowch i’r chwith gan adael y llwybr ceffylau, ac ewch i’r ardal adfer glaswelltir yn y twyni.
Rhan 3
Dilynwch linell y ffens ar y chwith nes dod at saeth yn pwyntio i’r dde. Trowch i’r dde a cherddwch ar hyd ochr y twyni gyda’r ardal o dir gwlyb tymhorol ar y chwith i chi.
Rhan 4
Yn y pellter fe welwch Starman’s Hall - anelwch yn syth am y gât yng nghornel chwith bellaf y cae. Mae arwyddbost wedi ei osod yn y bwlch yn y ffens i’ch helpu ar eich ffordd.
Rhan 5
Ewch drwy’r gât i drac Starman’s Hall. Os byddai’n well gennych wneud fersiwn fyrrach o’r llwybr hwn, trowch i’r dde yma a dilynwch y trac i fyny’r bryn i ymuno â llwybr arall ar gam 9. Ar y chwith i chi fe welwch gât - cerddwch drwy’r gât cerddwyr a throwch i’r dde, gan ddilyn llinell y ffens drwy’r weirglodd.
Rhan 6
Trowch i’r dde ac ewch i fyny’r trac nes i chi gyrraedd y gyffordd yn y pen pellaf.
Rhan 7
Wedi’r drydedd gât, fe welwch drac ar y dde i chi. Ewch drwy’r gât ac i fyny’r bryn nes cyrraedd gât lydan (gât cae gyda gât fach i gerddwyr yn rhan ohoni). I wneud gwyriad byr i’r guddfan adar, anwybyddwch y trac i’r dde ar ôl y drydedd gât ac ewch yn syth drwy gât arall a throi i’r chwith, gan groesi pont gul dros ffos. Dilynwch y clawdd i’r chwith ohonoch nes i chi gyrraedd pont fechan arall drwy fwlch yn y clawdd i gyrraedd y guddfan.
Rhan 8
Cariwch ymlaen drwy’r gât a throwch i’r dde ar dop y trac. Dilynwch y trac gan basio’r ffermdy ar eich chwith a chariwch ymlaen heibio i’r trac cyntaf ar y dde (trac Starman’s Hall).
Rhan 9
Cariwch ymlaen nes cyrraedd cyffordd a throwch i’r dde i lawr y llwybr ceffylau. Cerddwch i lawr y rhiw nes cyrraedd eich man cychwyn.
Man gorffen
Maes parcio Freshwater West, SA71 5AH.
Map llwybr
Map llwybr bywyd gwyllt Freshwater West | © Crown copyright and database rights 2013 Ordnance Survey
Dyna ni, da iawn chi
Rhannwch eich profiad

Stad Stagbwll

Dewch i ddarganfod y darn hyfryd o arfordir yn Ystagbwll. Gyda thraethau euraidd arobryn, dyffrynnoedd coediog tawel, pyllau lili llawn bywyd gwyllt, llwybrau cerdded a chwaraeon dŵr, mae digonedd i weld ac i wneud.

Golygfa o’r Bont Wyth Bwa dros y Llyn Pysgod yn Stagbwll

Llwybr beicio mynydd â Stad Stagbwll

Darganfyddwch lwybr beicio mynydd 4 milltir o hyd drwy Stad Stagbwll yn Sir Benfro sy’n cynnig golygfeydd epig o’r coetir ar hyd cyfres o ddringfeydd, neidiau a throeon.

Dyn ar feic mynydd yn reidio drwy goetiroedd godidog gwyrdd

Llwybr bywyd gwyllt Stad Stagbwll

Cadwch olwg am adar môr a dyfrgwn wrth i chi ddarganfod rhai o gynefinoedd bywyd gwyllt gorau Sir Benfro ar lwybr bywyd gwyllt ar hyd yr arfordir yn Stagbwll.

Ymwelydd ar Lwybr Arfordir Sir Benfro yn Stagbwll

Llwybr Pyllau Lili Bosherston â Stad Stagbwll

Os hoffech daith gerdded sy’n fwrlwm o fywyd gwyllt drwy gydol y flwyddyn, ewch ar hyd llwybr Pyllau Lili Bosherston â Stad Stagbwll, lle gallwch hefyd grwydro twyni a phyllau Cwm Mere Pool y tu ôl i draeth Aber Llydan.