Llwybr arfordir a thwyni Freshwater West
Mwynhewch daith gylch hardd o gwmpas y twyni a’r tir amaethyddol sydd y tu cefn i draeth Freshwater West. Wrth fynd, sylwch sut mae ein gwaith adfer yn cefnogi byd natur ac edmygwch y golygfeydd o’r môr o ongl wahanol.
Nodwch nad oes hawl mynd a chŵn ar y llwybrau caniataol hyn er mwyn osgoi tarfu ar y bywyd gwyllt a’r planhigion.
Map
Dechrau:
Maes parcio Freshwater West, SA71 5AH
1
Parciwch yn y prif faes parcio yn Freshwater West. Gyda’ch cefn at y traeth, trowch i’r chwith, anelwch am y toiledau ac fe welwch chi fap o’r ddwy daith o gwmpas Gupton. Dyma’r man lle byddwch yn gweld eich mynegbost cyntaf (sylwch bod y ddwy daith yn dilyn yr un llwybr i ddechrau).
2
Dilynwch y llwybr drwy’r twyni, gwyrwch tua’r dde a dilynwch y llwybr ceffyl drwy’r giât, yna bron yn syth trowch i’r chwith gan adael y llwybr ceffyl ac ewch mewn i ardal adfer gweirdir y twyni.
3
Dilynwch linell y ffens ar y chwith nes dod at saeth yn pwyntio i’r dde. Trowch i’r dde a cherddwch ar hyd ochr y twyni gyda’r ardal o dir gwlyb tymhorol ar y chwith i chi.
4
Yn y pellter fe welwch Starman’s Hall, anelwch yn syth am yr giât (y tâp trydan) yng nghornel chwith bellaf y cae. Mae mynegbost wedi ei osod ar hen ffin y cae i’ch helpu ar eich ffordd.
5
Datodwch dâp y ffens drydan gan ddefnyddio’r handlen blastig wedi ei hinsiwleiddio a cherddwch drwodd i drac Starman’s Hall.
6
Trowch i’r dde ac anelwch lan y trac nes cyrraedd y gyffordd ar y trac uchaf.
7
Dilynwch y saethau a throwch i’r dde. Cariwch ymlaen nes cyrraedd y gyffordd nesaf, trowch i’r dde unwaith eto a cherddwch lawr y llwybr ceffyl nôl i ddechrau’r daith.
Diwedd:
Maes parcio Freshwater West, SA71 5AH
