Cymru

Taith forol Porthdinllaen ar Benrhyn Llŷn

Traeth gyda boncyn glaswelltog i’r dde a’r môr i’r chwith ac awyr lwyd gymylog uwch eu pennau — Y traeth ym Mhorthdinllaen, Gwynedd | © National Trust Images/James Dobson

Bydd y daith hon yn eich gwobrwyo gyda golygfeydd trawiadol ym mhob cyfeiriad wrth i chi ddilyn ewin o dir sy’n hafan eithriadol i fywyd gwyllt.

Eiddo ger

Porthdinllaen

Man cychwyn

Maes parcio ym Morfa Nefyn, cyfeirnod grid: SH281406

Cyfeiriad
Maes parcio’r Ymddiriedolaeth Genedlaethol, Morfa Nefyn, Pwllheli, LL53 6DA
Cyfarwyddiadau trwy Google Maps
Ar y trên
Gorsaf agosaf, Pwllheli, 15.5 milltir (25 km).
Gweler gwefan Traveline-Cymru
Ar fws
Llwybr Pwllheli i Dudweiliog yn mynd i Forfa Nefyn.
Gweler gwefan Traveline-Cymru
Beicio
Llwybr 41 NCN yn teithio’n agos.
Gweler gwefan Sustrans am fanylion
Ar y ffordd
A497 Pwllheli – Nefyn yna B4412 ag arwydd Morfa Nefyn. Dilynwch yr arwyddion i’r cwrs golff; maes parcio ar y dde. Cod post i sat nav: LL53 6DA.
Cyfanswm y rhannau: 8
Cyfanswm y rhannau: 8
Man cychwyn
Maes parcio ym Morfa Nefyn, cyfeirnod grid: SH281406
Rhan 1
Anelwch i ben pellaf y maes parcio, oddi yno cewch olygfeydd gwych ar draws y bae tua Phistyll a Threfor. Ewch yn eich blaen i lawr i’r traeth.
Rhan 2
Trowch i’r chwith i’r tywod a dilyn y traeth am tua hanner milltir (0.8km) nes cyrhaeddwch chi amddiffynfeydd môr heb eu gorffen.
Pentref arfordirol Porthdinllaen, Gwynedd | © National Trust Images
Rhan 3
Daliwch i fynd ar hyd y tywod nes cyrhaeddwch chi ddarn o dir sy’n ymwthio i’r traeth. Defnyddid y safle hwn i adeiladu llongau yn yr 1830au a’r 40au, pan oedd y diwydiant llechi yng Nghaernarfon yn ei fri.
Y tŷ cwch ym Mhorthdinllaen | © National Trust Images / National Trust
Rhan 4
Ewch ymlaen o gwmpas y trwyn tua phentref Porthdinllaen a thafarn drawiadol Tŷ Coch.
Tafarn Tŷ Coch
Y bwriad gwreiddiol oedd i Borthdinllaen fod yn borthladd pwysig, gyda Whitehall, yr adeilad mawr cyn Tŷ Coch i fod yn westy. Mae Tŷ Coch ei hun wedi bod yn dafarn boblogaidd ers bron i ddwy ganrif. Yn ystod diwedd y 19eg ganrif a dechrau’r 20fed roedd yn cael ei redeg gan dafarnwraig o’r enw Mrs Jones, oedd yn ei ddefnyddio fel ysgol breifat fechan i ferched. Roedd yn gweithio fel harbwrfeistr ym Mhorthdinllaen hefyd ac fe lwyddodd i fagu chwech o blant ei hun.
Rhan 5
Wrth i chi gerdded o flaen Tŷ Coch edrychwch ar hyd llinell y llanw am forwellt wedi ei olchi ar y traeth.
Rhan 6
Ewch ymlaen heibio Caban Griff (pwynt gwybodaeth bychan) ar hyd y llwybr sy’n mynd ar draws y creigiau.
Rhan 7
Ewch i fyny’r llethr serth heibio’r orsaf bad achub ac i’r cwrs golff. Cewch olygfa wych ar draws y bae o’r fan hon.
Rhan 8
Dilynwch y trac yn ôl dros y cwrs golff tua’r tir mawr. Pan gyrhaeddwch chi adeilad y clwb golff, ewch ymlaen trwy faes parcio’r clwb golff yn ôl tuag at Forfa Nefyn. Trowch i’r chwith i faes parcio’r Ymddiriedolaeth Genedlaethol lle gwnaethoch gychwyn eich taith.
Porthdinllaen o’r awyr, Gwynedd | © National Trust Images / National Trust
Man gorffen
Maes parcio ym Morfa Nefyn, cyfeirnod grid: SH281406
Map llwybr
Map o daith forol Porthdinllaen ar Benrhyn Llŷn | © Crown copyright and database rights 2013 Ordnance Survey
Dyna ni, da iawn chi
Rhannwch eich profiad

Traeth Llanbedrog ar drai ar Benrhyn Llŷn, Gogledd Cymru

Llwybr

Taith gerdded Llanbedrog

Bydd y daith hon trwy goetir i fyny i Fynydd Tir-y-Cwmwd yn cynnig golygfeydd rhyfeddol o’r penrhyn a Bae Ceredigion.

Dwy ynys fechan gron, sef Dinas Fawr a Dinas Bach.

Llwybr

Taith Porthor

Mae’r golygfeydd yn rhyfeddol ar hyd yr arfordir garw hwn ar ochr ogleddol Penrhyn Llŷn. Mae hon yn daith wych i amgyffred peth o hanes a threftadaeth yr ardal.

Golygfa o Nant Gwynant o Ddinas Emrys, Beddgelert, Gogledd Cymru

Llwybr

Taith chwedlonol Dinas Emrys

Mwynhewch daith gerdded ddymunol heibio rhaeadrau a thrwy goetir derw hardd i gyrraedd copa’r bryn chwedlonol yma, lle bu Myrddin unwaith a lle mae draig yn dal i gysgu.

Porthdinllaen, Morfa Nefyn, Gwynedd, LL53 6DA

01758703810

llyn@nationaltrust.org.uk

Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.

Ymweld â'r wefan

Cerdded yng Nghymru

Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.

Cerddwr yn sefyll ar arfordir Sir Benfro, yn edrych allan ar y môr

Erthygl

Teithiau cerdded arfordirol yng Nghymru

Darganfyddwch lwybrau cerdded gorau arfordir Cymru, gan fwynhau penrhynoedd prydferth, pentrefi cain, henebion cynhanesyddol a bywyd gwyllt godidog.  

Seal lying on a shingle beach with head turned to one side, with sea in background

Erthygl

Ymwelwch â’n gwarchodfeydd natur

Mae’r Ymddiriedolaeth Genedlaethol yn gofalu am rai o warchodfeydd natur pwysicaf y DU, ac wrth wneud hynny’n gofalu am gyfoeth ac amrywiaeth eang o fywyd gwyllt a phlanhigion. Dysgwch fwy am y llefydd arbennig hyn a sut i ymweld â nhw. (Saesneg yn unig)

Two female visitors standing on the rocks at Giant's Causeway, County Antrim

Erthygl

Cadw’n ddiogel yn lleoliadau’r Ymddiriedolaeth Genedlaethol

Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.