Skip to content

Taith Aberglaslyn, Bryn Du a Beddgelert

Cymru

A river fast-flowing over rocks, flanked by a wooden walkway on the left and autumnal trees on the right
Taith Aberglaslyn i Feddgelert | © National Trust Images/Gwenno Parry

Mae’r daith gylchol hon yn mynd â chi trwy goetir hynafol a thrwy olygfeydd mynyddig gwych o Eryri yn ogystal ag ymweld â bedd Gelert ym Meddgelert ac i’r Bwlch Aberglaslyn rhyfeddol.

Man cychwyn

Maes parcio’r Ymddiriedolaeth Genedlaethol, Nantmor, cyfeirnod grid: SH597462

Pa Mor Heriol*

Llwybr llawn

PellterMilltiroedd: 3.5 (km: 5.6)
Hyd1 awr 30 munud to 2 awr 30 munud
Addas i gŵn**
  1. *Mae’r llwybr yn serth ar gychwyn y daith. Am ragor o fanylion, darllenwch yr adran Tirwedd.

  2. **Cadwch gŵn ar dennyn, yn arbennig o gwmpas anifeiliaid. Am ragor o fanylion, darllenwch yr adran Cyfleusterau. 

Parcio

Mae maes parcio'r Ymddiriedolaeth Genedlaethol yn Nantmor yn llenwi'n gyflym iawn yn ystod cyfnodau prysur, un enwedig ar benwythnosau ac yn ystod misoedd y gwanwyn a'r haf. Os yw'r maes parcio yn llawn pan yr ydych yn cyrraedd, ystyriwch barcio ym Meddgelert yn lle a dechrau'r daith o fanno. Diolch yn fawr.

  • Cyfanswm y rhannau: 8

    Cyfanswm y rhannau: 8

    Man cychwyn

    Maes parcio’r Ymddiriedolaeth Genedlaethol, Nantmor, cyfeirnod grid: SH597462

    Rhan 1

    O'r maes parcio, ewch tuag at y bwlch yn y ffens bren ger y bloc toiledau. Ar ôl mynd drwyddo, trowch i'r chwith am Aberglaslyn a daliwch ati ar y llwybr nes i chi gyrraedd yr afon.

    Rhan 2

    Wrth gyrraedd yr afon, ewch i'r chwith i lawr y stepiau, trwy'r giât mochyn a dros y bont. Cymerwch ofal a byddwch yn ymwybodol o draffig ar y ffordd wrth groesi'r bont. Ar ddiwedd y bont, trowch i'r chwith ar y ffordd.

    Taith Aberglaslyn, Bryn Du a Beddgelert
    Y gât mochyn sy'n arwain i ran nesaf o'r daith | © National Trust Images

    Rhan 3

    Parhewch i gerdded ychydig ar hyd ochr y ffordd ac ar ôl y tro i'ch dde fe welwch arwydd yr Ymddiriedolaeth Genedlaethol ar gyfer Coed Aberglaslyn a llwybr troed sy'n arwain i'r coed. Byddwch yn ymwybodol o draffig ar y ffordd a chroeswch yn ddiogel. Unwaith y byddwch ar y llwybr troed sy'n mynd i'r coed, daliwch i'w ddilyn nes i chi gyrraedd nant bach. Trowch i'r dde pan mae'n fforchio, ac ewch i fyny'r stepiau. Dilynwch y marciau ffordd i fyny trwy'r coed.

    Taith Aberglaslyn, Bryn Du a Beddgelert - Rhan 3
    Trowch i'r dde yn y fan lle mae'r llwybr yn fforchio ac ewch i fyny'r grisiau drwy'r coetir | © National Trust Images

    Rhan 4

    Wrth i chi ddod i ddiwedd y rhan coediog yma o'r llwybr, fe welwch wal gerrig gyda giât. Ewch drwy'r giât ac ymlaen i Fryn Du. Dilynwch y llwybr sy'n mynd â chi ger y tŵr bach ar ben y bryn. Yma gallwch barhau i lawr ar y prif lwybr, neu gallwch stopio am ychydig i edrych ar y tŵr bach.

    Aberglaslyn, Bryn Du and Beddgelert walk - Rhan 4
    Y tŵr fechan ar Bryn Du | © National Trust Images

    Rhan 5

    Daliwch ati i ddilyn y llwybr am beth pellter nes i chi gyrraedd giât fach debyg i'r un y daethoch drwyddi yn gynharach. Ewch drwy'r giât a dilynwch y llwybr sy'n mynd heibio hen adfail. Ewch dros y gamfa, trowch i'r chwith ar hyd top y cae a dilynwch y llwybr i lawr tuag at groesfan y rheilffordd.

    Ewch trwy'r giât a dilynwch y llwybr heibio'r hen adfail
    Go through the gate and follow the path which passes a ruined building. | © National Trust Images

    Rhan 6

    Cymerwch ofal wrth groesi - mae gwasanaeth Rheilffordd Ucheldir Cymru yn teithio ar hyd y cledrau yma. Unwaith i chi groesi, bydd yn rhaid i chi groesi'r ffordd i gyrraedd y giât ar yr ochr arall. Edrychwch allan am draffig ar y ffordd a chroeswch yn ddiogel. Pan rydych wedi croesi, ewch drwy'r giât fach du a dilynwch y trac tuag at y giât bren fach o'ch blaen.

    Rhan 7

    Ewch trwy’r giât a dilyn y llwybr i’r chwith at fedd Gelert a’r cerflun. Cariwch ymlaen wedyn ar hyd y llwybr i Feddgelert.

    Tri ymwelydd yn sefyll dan goeden gyda’r haul yn tywynnu trwy’r canghennau ar lwybr yn Craflwyn a Beddgelert, Cymru.
    Ymwelwyr yn sefyll dan goeden ar lwybr yn Craflwyn a Beddgelert, Cymru | © National Trust Images/Chris Lacey

    Rhan 8

    Ar ôl croesi'r bont, trowch i'r dde i ddilyn llwybr y pysgotwyr i lawr yr afon a tuag at y groesfan rheilffordd arall. Ar ôl croesi'n ddiogel, bydd y llwybr yn mynd â chi ar hyd ochr ceunant Aberglaslyn. Cymerwch ofal wrth fynd ar hyd y rhan yma o'r llwybr, yn enwedig y graig uwchben yr afon. Parhewch nes i chi ddod tuag at y giât fach aethoch drwyddo yn y dechrau, ond cadwch i'r chwith ac ewch i fyny'r stepiau a dilyn y llwybr nes i chi gyrraedd yn ôl yn y maes parcio.

    Cerddwyr yn dilyn llwybr cul ar lan afon Glaslyn, Craflwyn a Beddgelert, Cymru.
    Cerddwch ar hyd llwybr y pysgotwyr ar hyd bwlch Aberglaslyn, Eryri | © National Trust Images/Chris Lacey

    Man gorffen

    Maes parcio’r Ymddiriedolaeth Genedlaethol, Nantmor, cyfeirnod grid: SH597462

    Map llwybr

    Aberglaslyn, Bryn Du and Beddgelert walk map
    Map Taith Aberglaslyn, Bryn Du a Beddgelert | © Crown copyright and database rights 2013 Ordnance Survey

    Dyna ni, da iawn chi

    Rhannwch eich profiad

Mwy yn agos i’r man hwn

Taith chwedlonol Dinas Emrys 

Mwynhewch daith gerdded ddymunol heibio rhaeadrau a thrwy goetir derw hardd i gyrraedd copa’r bryn chwedlonol yma, lle bu Myrddin unwaith a lle mae draig yn dal i gysgu.

Gweithgareddau
Cerdded
PellterMilltiroedd: 2.2 (km: 3.52)
Golygfa o Nant Gwynant o Ddinas Emrys, Beddgelert, Gogledd Cymru

Taith bedd Gelert 

Bydd y daith yn eich arwain o ganol y pentref, ar hyd glan Afon Glaslyn at safle bedd Gelert. Byddwch hefyd yn dod i ddeall chwedl Gelert a’r Tywysog Llywelyn a roddodd enw i’r pentref.

Gweithgareddau
Cerdded
PellterMilltiroedd: 1 (km: 1.6)
Llwybr cerdded wrth ochr afon ym Meddgelert, Eryri, Cymru

Taith Aberglaslyn, Llyn Dinas a Chwm Bychan 

Archwiliwch fwlch Aberglaslyn, dyfroedd Llyn Dinas, pentref hardd Beddgelert a gwaith copr Cwm Bychan ar y llwybr heriol hwn yn Eryri.

Gweithgareddau
Cerdded
PellterMilltiroedd: 5.7 (km: 9.12)
Cerddwyr yn dilyn llwybr cul ar lan afon Glaslyn, Craflwyn a Beddgelert, Cymru.

Taith gylchol Craflwyn, Hafod y Llan a Llyn Dinas 

Archwiliwch y gweundir a’r ffridd wyllt ac unig dan yr Aran, llethrau isaf copa uchaf Cymru, yr Wyddfa, rhaeadrau rhyfeddol Afon Cwm Llan a’r Llyn Dinas trawiadol ar y daith gylchol hon.

Gweithgareddau
Cerdded
PellterMilltiroedd: 6.5 (km: 10.4)
Golygfa o lyn yn ymestyn i’r pellter gyda bryn creigiog ar un ochr

Cysylltwch

near Beddgelert, Gwynedd, LL55 4NG

Ein partneriaid

Cotswold Outdoor

Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.

Ymweld â'r wefan 

Pethau eraill o ddiddordeb i chi

Cerdded 

Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch. (Saesneg yn unig)

People climbing on one of the steep sided valleys of Buckstones Moss in the north of the Marsden Moor Estate, West Yorkshire

Cerdded yng Nghymru 

Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.

Cerddwyr yn mwynhau’r golygfeydd o gopa Dinas Emrys, Eryri, Cymru

Pethau i’w gweld a’u gwneud yn Hafod y Llan 

Darganfyddwch bethau i’w gwneud yn fferm Hafod y Llan, Eryri, Cymru ar lethrau’r Wyddfa, gan gynnwys llwybrau cerdded a’r bywyd gwyllt y gallwch ei weld.

Grug a chreigiau ar fferm Hafod y Llan, gyda chopa’r Aran yn y pellter, Eryri, Cymru

Dysgwch am hanes Gelert 

Dysgwch am hanes trist Gelert, y ci ffyddlon a roddodd ei enw i bentref Beddgelert. Cerddwch at y bedd coffa ar gyrion y pentref.

Tri ymwelydd yn sefyll dan goeden gyda’r haul yn tywynnu trwy’r canghennau ar lwybr yn Craflwyn a Beddgelert, Cymru.

Cotswold Outdoor: Ein partner cerdded 

Dysgwch am bartneriaeth barhaus yr Ymddiriedolaeth Genedlaethol â Cotswold Outdoor. Dewch i ganfod sut maent yn ein helpu ni i ofalu am leoedd gwerthfawr a'r gostyngiadau arbennig sydd ar gael i gefnogwyr yr Ymddiriedolaeth Genedlaethol.

A couple are walking outdoors

Dilynwch y cod cefn gwlad 

Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.

Ymwelydd yn cario sach gefn ac yn cerdded ar hyd llwybr troed yn Divis a’r Mynydd Du gyda waliau carreg i’r naill ochr, y cefn gwlad i’w weld yn y cefndir.

Cadw’n ddiogel yn lleoliadau’r Ymddiriedolaeth Genedlaethol 

Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.

Two female visitors standing on the rocks at Giant's Causeway, County Antrim

Bythynnod gwyliau yn Eryri 

Gyda’i fynyddoedd anferth, ceunentydd dwfn a llynnoedd hardd, mae Parc Cenedlaethol Eryri yn gyrchfan wyliau delfrydol i’r rhai sy’n mwynhau’r awyr agored a’r rhai sy’n caru natur. Arhoswch yn un o'n bythynnod gwyliau yn Eryri ac archwiliwch ardal arbennig hon o Gymru.

The exterior of Hen Dy, Gwynedd, Gwynedd