Cerdded yng Nghymru

Ym mynyddoedd ysgythrog Eryri y mae rhai o olygfeydd gorau’r byd. Gallwch heicio i Ddinas Emrys, bryngaer o’r oes haearn a man geni’r ddraig goch, yn ôl y chwedl. Crwydrwch ar hyd glannau’r afon Glaslyn neu ewch am dro o gwmpas llyn Cwm Idwal a adawyd ar ôl yr oes iâ ddiwethaf.

Gyda’i chrib eiconig sy’n cwmpasu copaon Pen y Fan, Corn Du a Chribyn, mae tirwedd godidog Bannau Brycheiniog yn gyfoeth o harddwch naturiol. Mae’r gorau o bob dim yn yr ardal hon – boed yn deithiau cerdded heriol, cefn gwlad agored neu sgwd (gair yr ardal am raeadr) gudd.

Cewch grwydro’r Ardal o Harddwch Naturiol Eithriadol gyntaf yng ngwledydd Prydain, gyda’i thraethau tywodlyd, baeau cudd, coetiroedd hynafol a’i theithiau cerdded hyfryd ar hyd clogwyni’r môr. Gallwch groesi’r sarn greigiog at ynys lanw Pen-y-pyrod, rhyfeddu at weddillion yr Helvetia, llong a ddrylliwyd ym Mae Rhosili ym 1887 neu gael hwyl ar rai o draethau gorau’r byd. Mae yma rywbeth i bawb.

Ewch am dro ar hyd arfordir wyth milltir Ystagbwll, gyda’i draethau tywodlyd, dyffrynnoedd coediog a llynnoedd lili dŵr. Mae’n lle gwych i fynd ar gylchdaith arfordirol a mwynhau golygfeydd arbennig o’r môr. Neu gallwch archwilio tirwedd ddramatig Penrhyn Dewi, gweundir grugog yn llawn o hanes Celtaidd.

Eleni rydyn ni'n dathlu'r môr yng Nghymru a dydyn ni ddim yn brin o draethau a glannau ar hyd ein llwybrau arfordirol. Dyma restr o'n hoff droeon ger y môr yng Nghymru.

Ewch am dro drwy dirwedd a hanes epig Cymru ar un o’n teithiau cerdded chwedlonol y gaeaf hwn.

Ewch allan i’r awyr agored ac i ganol byd natur gyda’n taflenni llwybrau cerdded, sydd wedi cael eu creu gan ein ceidwaid. Gallwch eu lawrlwytho am ddim a’u defnyddio i fynd i weld y mannau hyfryd sydd hefyd yn swyddfeydd awyr agored i rai o’n staff lwcus!

Cefn gwlad neu’r arfordir? Mae gennym ddigonedd o deithiau cerdded byr ar eich cyfer chi yma yng Nghymru.

Os hoffech chi ddilyn llwybrau tair milltir neu hwy, mae gennym ddigonedd o deithiau cerdded i chi eu mwynhau yng nghanol harddwch Cymru.