Dewch i ddarganfod Cymru
Gwlad Geltaidd gyda gorffennol diwydiannol, yn llawn mythau, chwedlau, barddoniaeth a chân. Croeso i Gymru.
Gerddi a pharciau yng Nghymru
Rydym yn gofalu am gasgliad arbennig o erddi a pharciau sy’n cwmpasu mwy na 500 mlynedd o hanes Cymru. O derasau Eidalaidd a gerddi muriog i erddi coed ac ystadau cefn gwlad, mae digon i’w ddarganfod drwy gydol y tymhorau.
Uchafbwyntiau diwedd yr haf: Y gerddi gorau am liw
Ar hyd a lled Cymru, mae diwedd yr haf yn dod â rhai o liwiau cyfoethocaf y flwyddyn i’r ardd. Wrth i’r tymor ddechrau paratoi’r ffordd ar gyfer yr hydref, dyma rai o’r gerddi gorau i’w mwynhau, gydag arwyddion cyntaf yr hydref yn dechrau ymddangos hefyd.
Gerddi Dyffryn
Ddiwedd yr haf, mae Gardd Egsotig Dyffryn ar ei gorau, gyda chanopïau uchel a phlanhigion trofannol yn llenwi’r borderi. Bydd y dahlias a’r lilis sinsir yn parhau i flodeuo hyd at y barrug cyntaf, a hefyd yr Hedychium siccum, gan wneud hwn yn un o adegau mwyaf lliwgar y flwyddyn yn yr ardd.
Castell a Gardd Powis
Daw diwedd yr haf â llewyrch olaf o liw i derasau Eidalaidd yr 17eg ganrif. Cadwch lygad am egroes rhosod, bywlysiau a dahlias ar Deras yr Orendy, tra bod cosmos pinc yn llenwi borderi’r Teras Isaf wrth i’r ardd ddechrau ei thrawsnewidiad i’r hydref.
Castell Y Waun a’r Ardd
Daw diwedd yr haf ag arwyddion cyntaf yr hydref i Gastell y Waun, wrth i Winwydden Virginia droi waliau’r castell o wyrdd i goch ac aur cyfoethog. Mae’r colchicum, y cwyros lliwgar a’r coed masarn tanllyd yn ychwanegu at yr arddangosfa liwgar, tra bod gwinwydd dringo yn fframio’r castell a Thŷ’r Hebog.
Gardd Bodnant
Mae’r Ardd ffurfiol Uchaf yn rhoi sioe wefreiddiol ym Modnant ar ddiwedd yr haf, gyda llwyni sy’n hwyr yn blodeuo a phlanhigion parhaol yn llenwi’r borderi. Mae’r terasau rhosod hefyd yn dal gafael ar eu blodau olaf o’r tymor, gan ddod â gwledd i’r llygaid cyn i liwiau’r hydref gymryd drosodd.
Gerddi yng Ngogledd Cymru
O derasau Gardd Bodnant i docwaith trawiadol Castell y Waun, mwynhewch wledd i’r synhwyrau yng ngerddi gorau’r gogledd.
Plas Newydd a’r Ardd
Ar lannau Afon Menai gyda golygfeydd dramatig o Eryri, mae’r ardd hon yn llawn rhyfeddodau. Ymgollwch eich hun mewn 40 erw o derasau Eidalaidd, dolydd a Gardd Goed gysgodol.
Gardd Bodnant
Ymwelwch â’r ardd fyd-enwog hon mewn lleoliad dramatig ar ochr bryn a mwynhau 80 erw o erddi ffurfiol, coetir a dolydd, a chasgliadau botanegol o bedwar ban byd.
Castell y Waun
Rhowch wledd i’ch synhwyrau a thanio’ch dychymyg wrth grwydro ymysg arogleuon a lliwiau llachar y borderi blodau toreithiog yn yr ardd 5.5-erw hyfryd hon.
Neuadd a Gardd Erddig
Bu bron i’r ardd hon gael ei cholli am byth, ond a hithau bellach wedi’i hadfer yn llawn dyma’r lle perffaith i fwynhau prynhawn braf, gyda lawntiau eang a rhodfeydd o balalwyf wedi’u plethu.
Castell Penrhyn a'r Ardd
Fel y castell ei hun, mae’r tiroedd a’r ardd yn eang ac yn wledd i’r synhwyrau. Mwynhewch y llonyddwch yn yr Ardd Furiog, neu crwydrwch Ardd y Gors, sy’n debyg i jyngl.
Gerddi yng Nghanolbarth Cymru
Mwynhewch ryfeddodau un o erddi gorau’r DU yng Nghastell Powis, gyda’i thocwaith trawiadol, neu darganfyddwch yr ardd furiog fendigedig yn Llanerchaeron.
Castell a Gardd Powis
Yn dyddio’n ôl dros 300 mlynedd, mae tipyn o bopeth yn yr ardd fyd-enwog hon. Darganfyddwch Derasau Eidalaidd gyda golygfeydd gwych a thocwaith dramatig, a gardd ffurfiol heddychlon.
Llanerchaeron
Mae’r Ardd Furiog heddychlon hon yn wledd i’r synhwyrau. Ewch am dro ymysg y coed ffrwythau hynafol, a gardd lysieuol bersawrus sydd dan ei sang â llysiau coginio llesol.
Gerddi yn Ne Cymru
O ffynhonnau Gerddi Dyffryn i wylltir Gardd Goedwig Colby, darganfyddwch drysorau garddwriaethol y de.
Gerddi Dyffryn
Darganfyddwch erddi 55-erw Dyffryn, gan gynnwys rhwydwaith hyfryd o ardd-ystafelloedd, gardd goed, gerddi’r gegin a thŷ gwydr enfawr sydd dan ei sang â rhyfeddodau arallfydol.
Tŷ Tredegar
Ymgollwch eich hun mewn tair gardd ffurfiol berffaith. Gyda thai gwydr, Orendy, borderi blodau a pherllan, mae digon o ryfeddodau i’w darganfod ar hyd eu llwybrau dirgel.
Gardd Goedwig Colby
Mae’r ardd ddiarffordd hon, a oedd unwaith yn faes glo gweithredol, yn dal i gofio’i gwreiddiau diwydiannol, ond heddiw, gyda’i nentydd, dolydd, coetir a gardd furiog, mae’n hafan go iawn i fyd natur.
Gerddi cymunedol yng Nghymru
Gerddi cymunedol yng Nghymru
Yn llawer o'r lleoedd arbennig y gofalwn amdanynt, rydym yn gweithio gyda chymunedau i greu gerddi lle gall pobl dreulio amser ym myd natur, a chyda'i gilydd.
Parcdir ac ystadau yng Ngogledd Cymru
Mwynhewch antur natur yn nhiroedd castell crand fel Castell y Waun neu fynd am dro drwy dirwedd fel Erddig.
Castell Y Waun a’r Ardd
Ewch am dro o gwmpas yr ystâd 480-erw ddiddorol hon a darganfod coed hynafol, bywyd gwyllt bendigedig, a golygfeydd godidog o’r cefn gwlad cyfagos.
Neuadd a Gardd Erddig
O goetir heddychlon a gweddillion castell mwnt a beili i gaeau gwyrdd godidog a’r rhaeadr Cwpan a Soser, mae digon i’w ddarganfod yn yr ystâd hon, sy’n 300 mlwydd oed.
Castell a Gardd Penrhyn
Mwynhewch gerdded ling-di-long drwy ardaloedd llai adnabyddus o diroedd y castell i weld dolydd, cuddfan adar heddychlon, coetir, a golygfeydd gwych dros Fae Conwy ac Eryri.
Parcdir ac ystadau yng Nghanolbarth Cymru
O un o’r enghreifftiau gorau o dirwedd ddarluniadwy yn Ewrop yn Hafod i ystâd goediog heddychlon Llanerchaeron, mae digon i’w ddarganfod yn y canolbarth.
Ystad Hafod
Un o'r enghreifftiau gorau o dirwedd pictiwresg yn Ewrop
Llanerchaeron
Nid yw’r ystâd heddychlon hon yn nyffryn coediog Aeron wedi newid rhyw lawer ers dros 200 mlynedd. Mae amrywiaeth o fywyd gwyllt i’w weld drwy gydol y flwyddyn yn y parcdir, y coedwigoedd, y dolydd a’r llyn.
Parcdir ac ystadau yn Ne Cymru
Gyda’r parcdir yn Nhŷ Tredegar yn cynnig dihangfa ddedwydd rhag prysurdeb y ddinas ac ystâd eang sy’n llawn hanes yn Nolaucothi, mae digon o lefydd i fwynhau eiliad o lonyddwch.
Gardd Goedwig Colby
Gyda’r gweddillion diwydiannol yn eistedd ar lannau nentydd a phyllau heddychlon, blodau gwyllt a llwybrau drwy’r coetir, mae llawer o gyfrinachau i’w datgelu yn yr hen bwll glo hwn.
Tŷ Tredegar
Y parcdir 90-erw hwn yw’r lle perffaith i ddianc rhag prysurdeb y ddinas, ac mae digon i’w ddarganfod gyda lawntiau eang, llyn heddychlon, coetir a bywyd gwyllt bendigedig.
Dinefwr
Gyda hanes sy’n estyn yn ôl dros 2000 o flynyddoedd, mae Dinefwr yn lle eiconig yn hanes Cymru. Crwydrwch 800 erw a dod o hyd i amrywiaeth o fywyd gwyllt, yn ogystal â rhai o’r coed hynaf yng ngwledydd Prydain.
Dolaucothi
Mae tipyn o bopeth yn yr ystâd 2,500-erw hon, o afonydd, coetir a ffermydd i fryniau gyda golygfeydd trawiadol o Ddyffryn Cothi. Mae llawer mwy i Ddolaucothi na’r mwyngloddiau Rhufeinig.
Lleoedd eraill o ddiddordeb i chi
Cestyll a chaerau yng Nghymru
Camwch i mewn i gaer ganoloesol â dwnsiynau yn y Waun neu ymwelwch â chartref tywysogion Cymru yng Nghastell Powis. Darganfyddwch rai o gestyll gwychaf ac enwocaf Cymru.
Tai ac adeiladau yng Nghymru
Darganfyddwch blastai Cymreig mawreddog a’u casgliadau, o gartrefi teuluol i adeiladau a ddyluniwyd gan benseiri enwog. Darganfyddwch hanes a hanesion o’r oes a fu mewn lleoliadau trawiadol ledled Cymru.
Cefn gwlad a choetir yng Nghymru
Darganfyddwch ddyffrynnoedd dramatig a phrydferth, coetiroedd hynafol a llwybrau glan afon, neu anturiwch ar fynyddoedd gwyllt Cymru ac ymweld â rhai o gopaon mwyaf eiconig y wlad.
