Darganfod cennin Pedr Cymru

Golygfa o ddim ond rhai o’r cennin Pedr melyn llachar a’r Gorthwr yng Nghastell Penrhyn

Mae cennin Pedr yn symbol o falchder Cymru, ond hefyd yn arwydd bod gwanwyn yn y tir. Beth am ddweud hwyl fawr wrth y glaw a’r cymylau llwyd a chroesawu’r blodyn disglair hwn i’n gerddi a’n parcdiroedd ar draws Cymru.

Fel arfer, fe welwch gennin Pedr yn blodeuo yn ein gerddi a’n parcdiroedd o fis Chwefror hyd ddechrau Mai, ond ym mis Mawrth y daw’r goreuon yn eu plith. Heb os nac oni bai, fe welwch chi ddigonedd o gennin Pedr yn ein gerddi a’n parcdiroedd ar hyd a lled Cymru, ond er mwyn sicrhau eich bod yn mwynhau’r arddangosfeydd mwyaf godidog, dyma i chi dri lleoliad o blith ein safleoedd mwyaf arbennig.

Ein sioeau orau o gennin Pedr

Old park at Bodnant

Gardd Bodnant 

Mae cenedlaethau o arddwyr wedi bod yn plannu cennin Pedr ym Modnant ers 1920 ac mae nhw’n dal i wella’r sioe flwyddyn ar ôl blwyddyn. Mae’r arddangosfa orau i’w gweld ym misoedd Mawrth ac Ebrill pan fydd dôl yr Hen Barc a’r Llennyrch o borfa yn troi’n garped melyn. Eleni, cadwch lygad ar agor am fwy o sioe fyth ar Ddôl y Ffwrnes.

A carpet of daffodils lighting up Powis Castle

Castell Powis 

Mae harddwch gerddi teras Baróc Powis yn hafal i’w safle bendigedig ar ben bryn, lle gallwch fwynhau golygfeydd hyfryd o’r wlad o gwmpas yn nechrau’r gwanwyn. Mae’r daffodil Cymreig enwog, y Narcissus Pseudonarcissus yn ffynnu yn y cae o flaen y castell.

Daffodils at Dyffryn Gardens

Gerddi Dyffryn 

Mae gan Erddi Dyffryn fwy na 50 math o gennin Pedr sydd i’w gweld ym mhobman, yn arllwys allan o botiau o gwmpas y plasty o’r 19eg ganrif ac yn fflach o oleuni ar y lawntiau. Ond mae yna un sy’n haeddu sylw penodol: Narcissus ‘Dyffryn’ neu ddaffodil y Dyffryn – eu math arbennig o gennin Pedr sy’n cael ei gydnabod yn rhyngwladol.

Daffodils in the sun outside the Ice Tower at Penrhyn Castle

Castell Penrhyn 

Mae tîm yr ardd ym Mhenrhyn yn disgwyl gweld yr arddangosfa fwyaf o flodau rhwng tua chanol Mawrth a diwedd Ebrill, ac mae'n werth cofio bod gwahanol fathau yn blodeuo ar wahanol adegau. Ger y castell, mae'r rhan fwyaf o'r blodau i'w gweld yn yr ardaloedd coediog, ac o flaen ac ar hyd ochr y castell o flaen y Tŵr.

Close-up of daffodils at Colby

Gardd Goedwig Colby 

Colby Woodland Garden are expecting a jaw dropping display from their 6000 daffodils planted in 2011 and 2015. Look out for them in large drifts throughout the meadow and meadow bank from late February onwards.

Daffodils at Llanerchaeron

Llanerchaeron 

Mae cennin Pedr hyfryd a hwyliog i'w gweld yn blodeuo yn yr Ardd Furiog ac yn garped drwy'r coed wrth lan yr afon. Mae'r cennin Pedr hyn yn tueddu i flodeuo ychydig yn hwyrach yn y tymor, tua chanol Mawrth.

Symbol Cenedlaethol

Mae nifer o straeon yn adrodd sut daeth y genhinen Pedr yn symbol o Gymru, ond yn ôl y sôn fe ddechreuodd y cyfan gyda’r hen genhinen fach gyffredin pan awgrymodd Dewi Sant wrth ryfelwyr Cymru y dylen nhw wisgo cenhinen wrth frwydro’r Sacsoniaid er mwyn gallu dangos y gwahaniaeth rhwng gelynion a chyfeillion.

Yn ôl yr hanes, bu farw Dewi Sant ar Fawrth 1af tua AD580, ac fe’i gwnaed yn nawddsant Cymru yn y 12ed ganrif. Felly, ar Fawrth 1af, mae Cymru’n dathlu Dydd Gŵyl Dewi trwy wisgo cenhinen neu gennin Pedr. Mae’r ddolen gyswllt yn y stori i’w glywed yn enw’r ddau blanhigyn, sef ‘cennin’ – er bod llawer yn defnyddio’r gair daffodil hefyd am y blodyn euraid.