Maes chwarae naturiol Colby

Mae Gardd Goedwig Colby yn lle da i wneud y mwyaf o’r awyr agored, yn un maes chwarae naturiol mawr.

Maes chwarae naturiol

Stryffaglwch dros gerrig camu yma ac acw yn y nentydd, casglwch eich offer chwarae am ddim ac ewch i gael hwyl wrth chwilota mewn pyllau, rasio hwyaid, codi argae a gwylio bywyd gwyllt. Peidiwch anghofio’ch cot law a’ch welingtons!

Siglwch yn braf ar siglenni rhaff sydd wedi eu clymu i’r coed talaf, a rhowch gynnig ar adeiladu ffau yn y goedwig. Ar ôl creu eich gwâl fach, beth am baratoi rhywbeth blasus i fwyta a choginio ar dân bach agored...mae pastai mwd yn eitha’ ffein medden nhw.

Dilynwch bontydd troed, dringwch foncyffion ac ewch ar helfa drysor gyda’r offer geogelcio.

Whiw – ar ôl hwnna i gyd, mae’n amser cael picnic ar y ddôl neu snac bach yn Nhŷ Te y Bothy.

10 gweithgaredd i bob chwilotwr da yn Colby

• Dringo coed
• Adeiladu ffau
• Cael hwyl ar siglen raff
• Hela chwilod
• Geogelcio
• Chwilota mewn pyllau
• Gwylio bywyd gwyllt
• Coginio rownd y tân
• Gwneud utgorn gwellt
• Rasio hwyaid

Mae cyflawni 50 peth gwych i’w gwneud cyn cyrraedd 11 ¾ yn chwarae plant go iawn.