Dewch i ymweld â Siôn Corn yn Nhŷ Tredegar

Ychwanegwch rywfaint o hud a lledrith i hwyl yr ŵyl a dewch i ymweld â Siôn Corn yn ei groto clud wrth iddo baratoi i ddosbarthu anrhegion i blant Casnewydd, Caerdydd a thu hwnt.

Bydd yn y stablau yn edrych yn ofalus ar ei restr o blant drwg a phlantos bach da, yn lapio’r anrhegion ac yn rhoi saib i Rwdolff a’r holl geirw eraill cyn eu taith fawr. Tra eu bod nhw’n mwynhau hedfan yn y nen, bydd Siôn Corn yn edrych ar ei fapiau i gynllunio’r llwybr gorau o amgylch yr ardal leol i baratoi ar gyfer y diwrnod mawr.

Y newyddion gorau yw ei fod wedi addo dod o hyd i ychydig o amser yn ei ddyddiadur prysur i gyfarch plant Casnewydd a Chaerdydd.

Y manylion 

• Dyddiadau: 24-25 Tachwedd, 1-2 Rhagfyr, 8-9 Rhagfyr, 16-17 Rhagfyr, 22 Rhagfyr.
• Amser ymweld:  10.30 - 4pm
• Prisiau: Bydd angen talu’r prisiau mynediad arferol. £4 y plentyn i ymweld â Siôn Corn.
• Tocynnau: Rhaid archebu tocynnau i weld Siôn Corn ymlaen llaw ar-lein eleni. Dewch â’ch cadarnhad archebu gyda chi i dderbynfa’r ymwelwyr er mwyn talu’r ffi fynediad a chael eich tocyn i weld Siôn Corn. Os ydych wedi archebu slot cynnar gyda Siôn Corn, cyrhaeddwch mewn da bryd rhag ofn bod ciwiau – dydyn ni ddim am i chi fethu eich slot!
• Pethau ychwanegol: Mae lle i barcio pramiau wrth y fynedfa i’r tŷ. Gwisgwch yn gynnes oherwydd bydd hi’n oer yn y stablau ar yr adeg yma o’r flwyddyn.