Hanner tymor mis Hydref yn Nhŷ Tredegar

Golwg graff ar ddraenog ar y lawnt — Dysgwch am fywyd cudd y draenog dros hanner tymor

Mwynhewch dro’r tymhorau yn Nhŷ Tredegar wrth i ni edrych ar bopeth mae byd natur yn ei gynnig dros hanner tymor mis Hydref.

Bywyd Cudd y Draenog

Drwy gydol hanner tymor byddwn yn dathlu’r draenog diymhongar; un o anifeiliaid gwyllt mwyaf cyffredin gwledydd Prydain.

Llwybr y Draenog

Cerddwch filltir yn esgidiau’r draenog ar ein llwybr drwy Ardd y Berllan. Dilynwch olion y draenog, chwiliwch am fwyd a dysgwch sawl gwlithen sydd angen i chi fwyta i allu cysgu’n braf drwy fisoedd y gaeaf!

Dyddiadau: 28 Hydref – 5 Tachwedd
Amser: 11am-4pm
Math o weithgaredd: Hunan-arwain
Pris: Yn rhan o’r pris mynediad.

Crefftau’r Creaduriaid

Galwch draw yn yr Orendy i roi cynnig ar grefftau. Gallwch fynd â’ch creadigaethau adref gyda chi ar ddiwedd y dydd.

Dyddiadau: 28 Hydref – 5 Tachwedd
Amser: 11am-4pm
Math o weithgaredd: Hunan-arwain
Pris: Yn rhan o’r pris mynediad.

Draenog bychan yn chwilio am fwyd ymysg y dail — Cerddwch filltir yn esgidiau’r draenog ym mis Hydref

Gwesty’r Draenog

Rydyn ni’n chwilio am bobl sy’n caru natur i’n helpu i greu gwestai i ddraenogod yn ystod yr wythnos.

Byddwn yn eu rhoi mewn rhannau tawel o’r ardd a’r parcdir lle mae digonedd o ddail a bwyd!

Dyddiadau: 28 Hydref – 3 Tachwedd
Amser: 2.30pm
Math o weithgaredd: Gydag arweinydd
Pris: Yn rhan o’r pris mynediad.

Gofal ac Achub Draenogod

Bydd cynrychiolwyr o elusen ddraenogod leol yn dod â rhai o’r draenogod y maent wedi’u hachub i’r gerddi yn Nhŷ Tredegar.

Cewch gyfle i ddod wyneb yn wyneb â’r draenogod a dysgu beth i’w wneud os oes draenog yn eich gardd.

Cofiwch, dim ond os yw’r elusen yn gofalu am ddraenogod ar y pryd y caiff y gweithgaredd hwn ei gynnal.

Dyddiadau: Dydd Iau 2, Dydd Sadwrn 4 a Dydd Sul 5 Tachwedd
Amser: 11am-4pm
Math o weithgaredd: Gydag arweinydd
Pris: Yn rhan o’r pris mynediad.

Grŵp o blant yn teimlo pigau draenog — Dysgwch sut i ofalu am ddraenogod yn eich gardd gefn

50 peth i’w gwneud cyn eich bod yn 11¾

Pecynnau Antur

Galwch draw yn Lloches yr Ardd i gasglu Pecyn Antur a dechrau cwblhau’r ‘50 peth’ dros yr hydref.

Rydym wedi rhestru’r 50 peth gorau i’w gwneud yma yn Nhŷ Tredegar, ac mae’r pecynnau’n cynnwys popeth sydd ei angen arnoch.

Dyddiadau: Bob dydd tan ddydd Sul 5 Tachwedd
Amser: 10.30am-4pm
Math o weithgaredd: Hunan-arwain
Pris: Blaendal o £5 a gaiff ei ad-dalu’n llawn ar ddiwedd eich ymweliad.

Gweithgareddau’r Ceidwaid

Ar ddydd Mawrth a dydd Iau bydd ein tîm yn eich helpu i roi tic wrth ymyl Rhif 13 – Gwneud Pastai Mwd a Rhif 18 – Creu Celf Wyllt.

Bydd y sesiynau’n rhedeg drwy’r dydd ar sail y cyntaf i’r felin.

Dyddiadau: Dydd Mawrth 31 Hydref, Dydd Iau 2 Tachwedd
Amser: 1pm-3pm (Dydd Mawrth), 12pm-4pm (Dydd Iau)
Math o weithgaredd: Gydag arweinydd
Pris: Yn rhan o’r pris mynediad.

Bachgen bach yn chwarae yn y mwd — Torchwch eich llewys a chreu pastai mwd

Cerfio Pwmpen

Dewch i berffeithio eich sgiliau cerfio a chreu pwmpen ddieflig ar gyfer Calan Gaeaf.

Gallwch ddewis eich pwmpen eich hun a bydd yr holl offer sydd ei angen arnoch i greu eich campwaith yma yn barod.

Dyddiadau: 26-31 Hydref
Amser: 11am-4pm
Math o weithgaredd: Gydag arweinydd
Pris: £3 am bwmpen.

Dau fachgen yn dal pwmpenni wedi’u cerfio wrth eistedd ar fainc yn Nhŷ Tredegar — Cerfiwch bwmpen Calan Gaeaf yn Nhŷ Tredegar eleni

Bar Afal Taffi

Un o’r pethau gorau am yr hydref yw’r bwyd! Mae yna ddanteithion i dynnu dŵr o’r dannedd ac eleni rydym yn ychwanegu’r bar afal taffi at ein rhestr o weithgareddau hanner tymor ym mis Hydref.

Dewiswch afal ac amrywiaeth o addurniadau – bydd rhywbeth at ddant pawb.