Dewch i ddarganfod Cymru
Gwlad Geltaidd gyda gorffennol diwydiannol, yn llawn mythau, chwedlau, barddoniaeth a chân. Croeso i Gymru.
Diwrnodau allan i'r teulu yng Nghymru
Gyda gweithgareddau hwyl a digwyddiadau cyffrous, mae digonedd o ddiwrnodau gwych i’r teulu i’w cael yng Nghymru. Darganfyddwch gestyll crand, cwblhewch weithgareddau’r ’50 peth i’w gwneud cyn dy fod yn 11 ¾’, neu llosgwch ychydig o egni mewn ardaloedd chwarae naturiol.
Diwrnod i’r teulu yng Ngogledd Cymru
Lle
Castell Y Waun a’r Ardd
Ewch i Dŵr Adam i gael hwyl yn gwisgo gwisg ffansi arfwisg neu ewch i'r lle chwarae Home Farm sy'n berffaith ar gyfer blino'r rhai bychain.
Lle
Neuadd a Gardd Erddig
Ewch yn wyllt yn Ffau'r Blaidd, lle chwarae naturiol lle cewch chi hopian, sgipio a neidio o gwmpas.
Lle
Castell Penrhyn a'r Ardd
Gyda dau barc chwarae a digon o diroedd agored, mae Castell Penrhyn yn gaddo'r diwrnod allan perffaith ar gyfer y teulu.
Lle
Tŷ a Gardd Plas Newydd
Ewch ar ras o gwmpas ardal chwarae naturiol Plas Newydd yng Nghoed y Llaethdy, dringwch i frig y tŷ coeden neu rhowch dro ar y cwrs golff ffrisbi.
Lle
Gardd Bodnant
Archwiliwch yr ardd yn Gerddi Bodnant wrth i chi fwynhau picnic wrth ymyl y Ddrysfa Helyg neu ewch i lawr at afon Hiraethlyn i weld a allwch gael cipolwg ar fronwennod y dŵr.
Lle
Plas yn Rhiw
Codwch becyn natur sy’n cynnwys ysbienddrych a thaflen chwilio er mwyn archwilio’r ardd brydferth a’i golygfeydd godidog o’r arfordir.
Diwrnodau allan i'r teulu yng nghanolbarth Cymru
Lle
Castell a Gardd Powis
Dewch o hyd i'r ddwy ddraig gyfeillgar yn y coetir anffurfiol y tu ôl i’r brif ardd. Eisteddwch ar eu cyfrwyau a gadewch i’ch dychymyg eich cludo ar antur anhygoel. Mae’r dreigiau hyfryd hyn yma i bawb eu mwynhau a’u dringo.
Lle
Llanerchaeron
Cewch fynd i ddweud helo wrth anifeiliaid y fferm neu mynd i ystafell chwarae’r Hen Stablau igymryd rhan mewn gornest Ping Pong neu bêl-droed bwrdd.
Lle
Dolaucothi
Gwisgwch eich bŵts cerdded ac archwilio unig Fwynglawdd Aur Rhufeinig hysbys y DU (rhaid archebu lle) neu dilynwch lwybrau’r ystad i archwilio'r coetir yn llawn bywyd gwyllt.
Dyddiau i’r teulu yn Ne Cymru
Lle
Tŷ Tredegar
Esguswch mai Tŷ Tredegar yw eich cartref neu weithle chi gyda dewis o wisgoedd traddodiadol a crëwch eich storïau eich hun yn yr arddangosfa bypedau ryngweithiol neu ewch tu allan i chwarae a bwydo'r hwyaid sy'n Tŷ Tredegar.
Lle
Gerddi Dyffryn
Mae dwy ardal chwarae wyllt yn Dyffryn. Ceisiwch gadw eich cydbwysedd ar hyd y coed enfawr a gafodd eu cwympo fel rhan o’r cynllun i adfywio’r ardd goed, sbonciwch o foncyff i foncyff ar hyd y cerrig camu a mwynhewch bicnic ar bonion picnic a gerfiwyd â llaw.
Lle
Dinefwr
Gwisgwch lan yn y tŷ, ymlaciwch wrth chwarae’r gemau bwrdd, y posau a’r lliwio sydd ar wasgar o amgylch y tŷ neu ewch i'r Iard Dderw – lle i’r dychymyg grwydro.
Lle
Gardd Goedwig Colby
Mae’r ardd goetir hon yn lle perffaith i archwilio byd natur hefo'r teulu. Beth am fynd am dro gyda’r teulu a chwblhau rhai o weithgareddau’r ‘50 peth i’w gwneud cyn dy fod yn 11¾’? Ewch i chwilota am fwyd gwyllt, chwarae concyrs, gwylio aderyn neu adeiladu den yn yr isdyfiant.
Pethau eraill o ddiddordeb i chi
Tai ac adeiladau yng Nghymru
Darganfyddwch blastai Cymreig mawreddog a’u casgliadau, o gartrefi teuluol i adeiladau a ddyluniwyd gan benseiri enwog. Darganfyddwch hanes a hanesion o’r oes a fu mewn lleoliadau trawiadol ledled Cymru.
Cestyll a chaerau yng Nghymru
Camwch i mewn i gaer ganoloesol â dwnsiynau yn y Waun neu ymwelwch â chartref tywysogion Cymru yng Nghastell Powis. Darganfyddwch rai o gestyll gwychaf ac enwocaf Cymru.