Digwyddiadau’r Pasg yn ne-ddwyrain Cymru

Dewch i adnabod y creaduriaid bach sy’n byw o dan yn dŵr gydag arddangosfa bywyd gwyllt yr afon. Gallwch ddysgu am yr hyn sy’n celu yng ngwely’r afon, creu eich bwystfil eich hun a chwilota am greaduriaid o bob lliw a llun ar lwybr yr angenfilod dros wyliau’r Pasg yn Aberdulais.

Oes gennych chi y sgiliau ditectif sydd eu hangen i ateb yr her yng Ngerddi Dyffryn dros y Pasg? Ymunwch â’r antur newydd hon ar gyfer 2018 i weld a allwch ddarganfod popeth botangeol a dod yn chwilotwr planhigion chwedlonol yn ein gerddi Edwardaidd hyfryd.

Dewch ar daith deuluol i chwilio am anifeiliaid yn y coed dros benwythnos y Pasg yn y Cymin, a gweld beth allwch ei ddarganfod wrth ddilyn y cliwiau a chasglu sticeri ar gyfer eich trwydded deithio.

Dewch i ddarganfod maes chwarae byd natur ac ymuno â'r ceidwaid ar Ddydd Mercher Mentro i fwynhau antur i'r teulu. Gallwch gymryd rhan mewn pob math o weithgareddau hwyliog, fel creu celf wyllt, adeiladu argae ar draws nant, creu ffau, chwilota am chwilod a llawer mwy.

Darganfyddwch y llefydd rhyfedd a rhyfeddol y mae ein bywyd gwyllt yn eu galw’n gartref yn Nhŷ Tredegar – mae gan ddôl y berllan, y pyllau dŵr a’r coetir hynafol oll ran i’w chwarae.