Dewch i ddarganfod Cymru
Gwlad Geltaidd gyda gorffennol diwydiannol, yn llawn mythau, chwedlau, barddoniaeth a chân. Croeso i Gymru.
Diwrnodau allan i'r teulu yng Nghymru
Gyda gweithgareddau hwyl a digwyddiadau cyffrous, mae digonedd o ddiwrnodau gwych i’r teulu i’w cael yng Nghymru. Darganfyddwch gestyll crand, cwblhewch weithgareddau’r ’50 peth i’w gwneud cyn dy fod yn 11 ¾’, neu llosgwch ychydig o egni mewn ardaloedd chwarae naturiol.
Diwrnod i’r teulu yng Ngogledd Cymru
Lle
Castell Y Waun a’r Ardd
Dringwch y stepiau i fyny Tŵr Adam, sy’n dyddio o’r canoloesoedd, gwisgwch arfwisg, cewch gipolwg drwy’r tyllau llofruddio, neu wynebu ymweliad â’r daeargelloedd sy’n ymestyn dros ddwy lefel. Ar 26-27 Mai, ymunwch â Jake y storïwr am hanesion adar, o eryrod esgynnol i robinod coch chwareus. Archwiliwch yr ardd sydd wedi ennill sawl gwobr, ynghyd â’r man chwarae.
Lle
Neuadd a Gardd Erddig
Ar ddyddiadau dethol yn ystod Wythnos Genedlaethol Garddio Plant, ymunwch â’r tîm garddio i blannu hadau yn yr ardd restredig Gradd I. Neu uwchgylchwch bot blodau â’ch dyluniad eich hun, a phlannwch rywfaint o hadau i’w tyfu adref.
Lle
Castell Penrhyn a'r Ardd
Ymunwch â gweithgareddau ym mhob cwr o’r ardd yn ystod Wythnos Genedlaethol Garddio Plant. Plannwch hadyn i’w dyfu adref, a chwaraewch gemau yn yr awyr agored. Ar 26-27 Mai, ymunwch â thaith gerdded synhwyraidd gyda’r Prif Arddwr. Archwiliwch y castell neo-Normanaidd, neu rhedwch yn wyllt yn un o’r ddau fan chwarae.
Lle
Plas Newydd a’r Ardd
Cewch lyfryn gweithgareddau a chofnodwch eich hoff eiliadau drwy fraslunio, barddoniaeth ac adrodd storïau. Archwiliwch y bryniau tonnog, y lawntiau agored, man chwarae Coed y Llaethdy, y tŷ coeden yng ngardd India’r Gorllewin, a threuliwch amser yn cael picnic gan edrych dros Afon Menai.
Lle
Plas yn Rhiw
Ymunwch â’r Llwybr Peillwyr. Crwydrwch yr ardd a’r berllan gan ddysgu am y rôl hanfodol a chwaraeir gan beillwyr. Mwynhewch weithgareddau ymarferol sy’n agor eich llygaid i fyd gwenyn a gloÿnnod byw. Rhowch gynnig ar ddawns siglo a dysgwch pa mor bell y mae gwenyn yn teithio i fforio.
Diwrnodau allan i'r teulu yng nghanolbarth Cymru
Lle
Castell a Gardd Powis
Dilynwch y llwybr i ddod o hyd i’ch ffordd â mapiau a chyfarwyddiadau, gan hopian a neidio rhwng lleoliadau wedi’u rhifo i ddatgelu rhyfeddodau cudd yr ardd. Mentrwch i’r coetir a’r gwylltir. Peidiwch â methu’r ddwy ddraig gerfiedig a’r Ffau Ddarganfod i gael hyd yn oed mwy o hwyl.
Lle
Llanerchaeron
Mae Ceri’r llwynog a’i ffrindiau wedi galw heibio – allwch chi ddatrys y cliwiau i ganfod ym mhle fuon nhw? Archwiliwch y ddrysfa laswellt ac ymwelwch â’r fila Sioraidd – beth allwch chi ei weld? Dywedwch helo wrth anifeiliaid y fferm, galwch heibio ystafell chwarae’r Stabl cyn troi am adref.
Dyddiau i’r teulu yn Ne Cymru
Lle
Tŷ Tredegar
Dathlwch y gwanwyn gyda Llwybr Gweld y Blodeuo. Archwiliwch y tŷ a’r gerddi, gan ddadorchuddio addurniadau a ysbrydolwyd gan y blodau sydd wedi’u cuddio ym mhob cwr o’r plasty. Mwynhewch erddi llawn lliw a dowch o hyd i gardiau’r Llwybr Blodau, sy’n rhoi cipolwg ar amryw flodau a'u harwyddocâd.
Lle
Dolaucothi
Ymwelwch ag unig gloddfa aur Rufeinig y DU. Ymunwch â thaith gerdded neu dilynwch y llwybr clywedol o amgylch iard y gloddfa i ddysgu rhagor am y Rhufeiniaid yn Sir Gaerfyrddin. Rhowch gynnig ar banio am aur ac archwiliwch arddangosiad ‘Trysorau Pumsaint’ yn y Ganolfan Faes, sy’n arddangos arteffactau 2,000 oed.
Lle
Dinefwr
Cewch greu eich coron eich hun yn Nhŷ Newton, cartref tywysogion y Deheubarth. Cuddiwch o dan y bwrdd mewn pabell ddirgel a dychmygwch mai hon yw eich castell. Ymlaciwch yn yr ystafell ffilmiau neu tynnwch lun yn yr Hen Gegin, mwynhewch chwarae â dŵr yn yr Iard Dderw.
Lle
Gardd Goedwig Colby
Beth am arfer eich sgiliau crefft gyda Thurnwyr Coed Sir Benfro, a fydd yn arddangos eu sgiliau yn ystod hanner tymor mis Mai. Gall anturwyr bach fenthyca bag cefn archwiliwr, sydd wedi’i ysbrydoli gan ’50 o bethau i’w gwneud cyn bod yn 11 ¾'. Mae’n cynnwys popeth sydd ei angen i fynd ar helfa chwilod, i wylio adar a chanfod oed coeden.
Pethau eraill o ddiddordeb i chi
Cestyll a chaerau yng Nghymru
Camwch i mewn i gaer ganoloesol â dwnsiynau yn y Waun neu ymwelwch â chartref tywysogion Cymru yng Nghastell Powis. Darganfyddwch rai o gestyll gwychaf ac enwocaf Cymru.
Tai ac adeiladau yng Nghymru
Darganfyddwch blastai Cymreig mawreddog a’u casgliadau, o gartrefi teuluol i adeiladau a ddyluniwyd gan benseiri enwog. Darganfyddwch hanes a hanesion o’r oes a fu mewn lleoliadau trawiadol ledled Cymru.
Gerddi a pharciau yng Nghymru
Ymwelwch â chasgliad arbennig o erddi a pharciau yng Nghymru. O erddi muriog i ystadau cefn gwlad a gerddi coed, mae digon i’w ddarganfod.