Clychau’r gog campus Cymru

Golygfa o Gastell Penrhyn gyda chlychau’r gog yn y blaendir yng Ngwynedd, Cymru. — Golygfa o Gastell Penrhyn gyda chlychau’r gog, Gwynedd | © National Trust Images/Iwan Ellis-Roberts

Mae clychau’r gog yn uchafbwynt tymhorol, ac ni ddylech eu methu. Ymwelwch â charpedi o’r blodau glas prydferth wrth iddyn nhw foddi cefn gwlad a gerddi Cymru, cerddwch drwy goedwig o glychau’r gog, neu eisteddwch yn ôl a mwynhau’r olygfa.

Dinefwr, Sir Gâr: Dinefwr yw’r unig barcdir yng Nghymru sy’n Warchodfa Natur Genedlaethol, ac yn y gwanwyn mae’n galeidosgop o liw. Mae’r warchodfa’n enwog am glychau’r gog Nythfa’r Brain. Casglwch fap o’r dderbynfa a dilynwch y llwybr Gwartheg i weld y blodau bach bendigedig hyn drwy gydol mis Mai.Ymwelwch â Dinefwr
Castell y Waun, Wrecsam: Mwynhewch lwybr hunan-dywys drwy’r coed ac edmygu clychau’r gog a rhyfeddodau eraill y gwanwyn yng Nghastell y Waun. Dilynwch y llwybr arwyddion glas drwy’r ystâd i’r coetir i ddod o hyd i’r holl lefydd gorau i weld y blodau glas gwych.Darganfyddwch ystâd Castell y Waun

Spring bluebells at Blakes Wood, Essex — Clychau’r gog mewn coetir | © National Trust Images/Arnhel de Serra

Gardd Bodnant, Conwy: Mae Gardd Bodnant yn drawiadol drwy gydol y flwyddyn, ond mae ar ei gorau yn y gwanwyn. Daw clychau’r gog i lonni’r Hen Barc wedi diflaniad y cennin Pedr. Maen nhw’n estyn allan o gysgodion brith y glennydd coediog a’r dolydd yr holl ffordd i erddi glan afon y Glyn a’r Pen Pellaf. Ymwelwch â Gardd BodnantYmwelwch â Gardd Bodnant
Llanerchaeron, Ceredigion: Wedi’i lleoli yn nyffryn coediog Aeron, mae Llanerchaeron yn Safle o Ddiddordeb Gwyddonol Arbennig sy’n adnabyddus am ei amrywiaeth arbennig o goed, fflora a bywyd gwyllt. O ddiwedd mis Ebrill, fe welwch glychau’r gog yn gorchfygu glannau Afon Aeron ac ar wasgar drwy’r coetir. Ymysg y perlau bach porffor fe allwch weld ac arogli blodau garlleg gwyllt hefyd.Ymwelwch â Llanerchaeron
Coed y Bwnydd, Sir Fynwy: Mae tirwedd fryniog y fryngaer hon o Oes yr Haearn yn cael ei thrawsnewid yn y gwanwyn gan fôr o glychau’r gog, briallu, tegeirianau a blodau taranau. Mae’n hafan hyfryd i fywyd gwyllt ac ymwelwyr ger Stad Cleidda, gyda golygfeydd godidog o Ddyffryn Wysg a thu hwnt.Ymwelwch â Stad Cleidda

Llwybr cerdded drwy’r coetir sy’n fôr o glychau’r gog ym Mhlas yn Rhiw yng Ngwynedd, Cymru — Coetir ym Mhlas yn Rhiw, Gogledd Cymru | © National Trust Images/Malcolm Davies

Plas yn Rhiw, Gwynedd: Dihangwch i Blas yn Rhiw y gwanwyn hwn a darganfod gardd gysgodol gyda golygfeydd godidog o Fae Ceredigion. Allwch chi ddim methu’r holl glychau’r gog. Maen nhw’n gorchuddio’r coetir uchaf ac yn wledd i’r llygaid.Ymwelwch â Phlas yn Rhiw
Abermawr, Sir Benfro: Mae’r darn dramatig hwn o arfordir hefyd yn gartref i goetir a dolydd dedwydd, sy’n fôr o las ar ddiwedd y gwanwyn. Mwynhewch lwybr cerdded hamddenol, milltir o hyd, o Abereiddi i Abermawr ac edmygwch yr olygfa.Ymwelwch ag Abereiddi ac Abermawr
Gardd Goedwig Colby, Sir Benfro: Darganfyddwch sut mae natur wedi trawsnewid yr hen ardal ddiwydiannol hon yn ardd dyffryn heddychlon. Mae’r coetir ar ddiwedd y gwanwyn yn cynnig llwybrau cerdded hyfryd drwy fôr o glychau’r gog a blodau gwyllt eraill.Ymwelwch â Gardd Goedwig Colby
Castell Penrhyn, Gwynedd: Daw clychau’r gog yn dynn ar sodlau’r cennin Pedr yng Nghastell Penrhyn. Mwynhewch gerdded o gwmpas y tiroedd trawiadol a’r ardd hyfryd i weld y blodau gwanwynol hyfryd hyn yn eu gwir ogoniant.Ymwelwch â Chastell a Gardd Penrhyn

Small girl running between conical topiary hedges in the Cherry Garden at Ham House

Ble fydd eich ymweliad nesaf?

Darganfyddwch lawer o erddi, tai hanesyddol, diwrnodau allan ar yr arfordir a mwy.

Trefnwch ymweliad

Ymwelwyr yn sefyll ar bont yn edrych dros ddŵr sy’n rhedeg ger yr Hen Felin yng Ngardd Bodnant, wedi’u hamgylchynu gan lwyni dail gwyrdd a blodau

Erthygl

Pethau i'w gweld yng Ngardd Bodnant

Dewch i ymweld â gardd o’r safon uchaf yng Nghymru yng Ngardd Bodnant a mwynhau 80 erw o erddi ffurfiol, coetir a chaeau a chasgliadau botanegol o bob rhan o’r byd.

clychau'r gog, Dolaucothi, Sir gaerfyrddin

Erthygl

Crwydrwch y parc yn Ninefwr

Dewch am dro drwy Barc Dinefwr ger Llandeilo, ystâd 800-erw drawiadol lle gwelwch amrywiaeth o fywyd gwyllt a rhai o’r coed hynaf yng ngwledydd Prydain.

Clychau'r gog yng Nghastell Penrhyn, Cymru

Erthygl

Crwydrwch yr ystâd yng Nghastell Penrhyn

Pam nad ewch chi am dro oddi ar y llwybrau cyfarwydd ac ymweld â’r guddfan i lawr ger Afon Ogwen. Bydd teuluoedd yn mwynhau’r ardal chwarae naturiol hefyd. Cofiwch ddod â’ch welis.