Plant a chi yn Llyn Bosherston, Stagbwll, Sir Benfro | © National Trust Images/Mark Saunders

Llefydd sy’n croesawu cŵn yng Nghymru

O’r mynyddoedd a’r traeth, i erddi a pharcdiroedd, gallwch ganfod llwybr cerdded cŵn yng Nghymru y byddwch chi, a’ch cyfaill pedair coes, yn ei wir fwynhau. Dyma eich canllaw ar gyfer rhai o’r lleoliadau gorau yng Nghymru i ymweld â nhw gyda chŵn.

Dilynwch lwybrau drwy barcdir, crwydrwch diroedd castell neu dihangwch i wylltir Eryri.

Ymwelydd a chi yn cerdded ar lan afon Glaslyn, Craflwyn a Beddgelert, Cymru

Erthygl

Eryri

Dilynwch drywydd chwedl ar daith gerdded hawdd i fedd Gelert, neu dihangwch rhag y torfeydd ar lwybrau cefn gwlad tawel yn Nolmelynllyn ac Ysbyty Ifan. Helpwch i gadw anifeiliaid fferm a bywyd gwyllt yn ddiogel drwy gadw eich ci ar dennyn bob amser.

Dachshund yn gwisgo côt sgwariau porffor, ar dennyn, gyda dail yr hydref ar y glaswellt o’i gwmpas, yng Ngardd Bodnant, Gogledd Cymru

Lle

Gardd Bodnant

Gydag 80 erw o erddi i’w harchwilio, mae taith gerdded i bawb yng Ngardd Bodnant. Mae croeso i gŵn ar dennyn tynn o ddydd Iau i ddydd Sul rhwng 1 Ebrill a 30 Medi, a phob dydd rhwng 1 Hydref a 31 Mawrth.

Ci ar dennyn yn crwydro eiddo’r Ymddiriedolaeth Genedlaethol.

Lle

Plas yn Rhiw

Darganfyddwch lwybrau drwy’r coetir is gyda’ch ci ym Mhlas yn Rhiw, neu ymlaciwch yng nghlos yr ystafell de gyda danteithion blasus. Dim ond cŵn cymorth sy’n cael mynd i’r brif ardd, y coetir uwch a’r tŷ.

Ci gyda blew cyrliog yn eistedd ar bentwr o bren wrth ymyl trên lliwgar ac arwydd ‘50 peth’ yn Erddig, Clwyd

Lle

Erddig

Y parcdir yn Erddig yw’r lle perffaith i gŵn. Mae digon o le iddyn nhw snwffian, neidio a sblasio, ac mae ‘na ardal arbennig lle cânt fod oddi ar y tennyn. Dim ond cŵn cymorth sy’n cael mynd i’r brif ardd a’r tŷ.

Visitors walking in the parkland with their dog at Calke Abbey, Derbyshire

Lle

Castell y Waun

Dewch â’ch ci i ddarganfod 480 erw o ystâd a pharcdir yng Nghastell y Waun, lle gall snwffian ei ffordd ar hyd tri llwybr ag arwyddion. Mae hon yn ystâd weithiol, felly cofiwch ei gadw ar dennyn. Dim ond cŵn cymorth sy’n cael mynd i’r brif ardd a’r castell.

Llun agos o gi yn anadlu’n drwm ac yn cael ei anwesu gan ei berchnogion, a dynnwyd yn yr ardd yn Hanbury Hall and Gardens, Swydd Gaerwrangon

Lle

Tŷ a Gardd Plas Newydd

Mwynhewch daith gerdded braf ar lannau Afon Menai drwy’r Ardd Rhododendron, Glyn y Camelias, yr Ardd Goed a Choed yr Eglwys. I helpu i gadw bywyd gwyllt yn ddiogel (yn enwedig ein gwiwerod coch), cadwch eich cŵn ar dennyn. Dim ond cŵn cymorth sy’n cael mynd i’r ardd derasau a’r tŷ.

An image of a pale cream fluffy dog between its two owners being walked along a path in the countryside and surrounded by greenery

Lle

Castell Penrhyn a'r Ardd

Penrhyn yw’r lle i chi a’ch ci, gyda llwybrau di-ri i’w synhwyro a pherthi i’w chwilio. Cofiwch ei gadw ar dennyn byr a chadw ei drwyn allan o ganol y blodau cain yn yr ardd furiog, ond peidiwch â ffrwyno’ch dychymyg.

Ymlaciwch gyda golygfeydd o gastell canoloesol a chefn gwlad Cymru ar ei orau.

Dog walking on the Holnicote Estate, Somerset

Lle

Llanerchaeron

Mae croeso i gŵn yn y parcdir ac ar lwybrau’r coetir, ond gan fod Llanerchaeron yn fferm weithiol ag anifeiliaid, dim ond cŵn cymorth sy’n cael mynd drwy brif gatiau’r ystâd, sy’n cynnwys y tŷ, yr ardd, llynnoedd a fferm.

Close-up of a visitor holding their dog on a lead at the Vyne, Hampshire

Lle

Castell a Gardd Powis

Gall cŵn ymweld â’r ardd yng Nghastell Powis o fis 4 Medi i fis 28 Chwefror, ond mae croeso iddyn nhw yn y prif fuarth drwy gydol y flwyddyn, lle gallwch chi a’ch cyfaill bach fwynhau danteithion o Gaffi’r Buarth.

Darganfyddwch lwybrau cerdded di-ri, o erddi ffurfiol i goetiroedd, a chofiwch alw mewn caffi sy’n croesawu cŵn ar ôl eich antur.

Dwy bobl yn cerdded gyda'i chŵn ar ystâd Dinefwr, Sir Gaerfyrddin, Cymru

Lle

Dinefwr

Mae Dinefwr yn lle gwych i’ch cyfaill bach blewog, gyda chaffi sy’n croesawu cŵn a chroeso cynnes iddynt ar lawr gwaelod y tŷ. Mae dau lwybr wedi’u marcio ar yr ystâd, ond dim ond cŵn cymorth sy’n cael mynd ar y Llwybr Pren ac yn y parc ceirw.

Dog walking in the garden at Dunster Castle, Somerset

Lle

Tŷ Tredegar

Mae Tŷ Tredegar yn caru cŵn. Gallwch grwydro o amgylch y parcdir a’r gerddi ffurfiol wrth eich pwysau a gorffen gyda danteithion arbennig i gŵn yn yr ystafell de. Peidiwch ag anghofio cymryd un o’r taflenni cerdded cŵn.

Dog sitting in the grass next to its owner, on Marsden Moor, West Yorkshire

Lle

Dolaucothi

Mae croeso cynnes i gŵn ym mhob rhan o Ddolaucothi, o’r teithiau o’r gloddfa aur Rufeinig i’r milltiroedd o lwybrau cerdded sy’n cris-croesi’r ystâd ehangach.paths to explore across the wider estate.

Visitors walking their dogs in the bluebell woodland at Hatchlands Park, Surrey

Lle

Gerddi Dyffryn

Mae croeso i gŵn yn y gerddi ar dennyn byr. Mae mwy na 55 erw i’w darganfod, gydag ystafelloedd gardd bach, lawntiau ffurfiol a gardd goed gampus.

O lwybrau arfordirol trawiadol Pen Llŷn i dywod euraidd Penrhyn Gŵyr, mae cyfleoedd di-ri i sblasio a chrwydro gyda’ch cŵn.

A dog running on the beach at Pennard, Gower in Wales

Erthygl

Gŵyr

Mae llawer o draethau sy’n croesawu cŵn a digonedd o lwybrau arfordirol ym Mhenrhyn Gŵyr, gan gynnwys Rhosili, Bae’r Tri Chlogwyn, Bae'r Tor, Whitford a Phwll Du. Helpwch ni i gadw’r arfordir yn ddiogel drwy gadw eich ci o dan reolaeth a chodi ei faw.

Dyn yn cerdded gyda'i chi ar y llwybr yn Stad Southwood, gyda'r môr yn y pellter yn Sir Benfro, Cymru

Erthygl

Sir Benfro

Dihangwch i ymyl orllewinol Cymru gyda’ch cyfeillion bach. Mwynhewch lwybrau arfordirol yn Stagbwll, Penrhyn Dewi, Abereiddi i Abermawr, Arfordir Solfach a Stad Southwood. Helpwch ni i gadw’r arfordir yn ddiogel drwy gadw eich ci o dan reolaeth a chodi ei faw.

Ci ar draeth Llanbedrog, gyda dwy bobl yn cerdded yn y cefndir, benrhyn Llŷn, Cymru

Erthygl

Pen Llŷn

Mwynhewch sblasio yn y môr yn Llanbedrog, rholio ar dywod chwibanog Porthor neu gerdded y pentir ym Mhorthdinllaen. Mae Pen Llŷn yn lle gwych i’ch cyfaill bach blewog, ond mae rhai cyfyngiadau yn ystod yr haf.

Bydd y llwybrau cerdded cŵn hyn, a ddewiswyd yn arbennig, yn cynnig llwybrau golygfaol amrywiol y byddwch yn sicr o’u mwynhau.

Visitors in the gardens at Christmas, Tredegar House, Newport, Wales

Llwybr

Llwybr glan llyn Tredegar

Darganfyddwch natur a bywyd gwyllt ar lwybr glan llyn ystâd Tŷ Tredegar. Gwyliwch adar yn nythu ar y llyn a rhyfeddwch at yr olaf o’r Rhodfeydd Derw yn y parc. Yn addas i’r teulu i gyd.

Llwybr

Taith bedd Gelert

Bydd y daith yn eich arwain o ganol y pentref, ar hyd glan Afon Glaslyn at safle bedd Gelert. Byddwch hefyd yn dod i ddeall chwedl Gelert a’r Tywysog Llywelyn a roddodd enw i’r pentref.