50 peth ym Mhlas Newydd.

Galw ar bob anturiaethwr ifanc! Waeth pa adeg o'r flwyddyn yw hi, mae rhywbeth ym Mhlas Newydd i bob anturiaethwr. Gwnewch eich hoff weithgareddau sawl gwaith drosodd, neu rhowch gynnig ar bob un o'r 50 gweithgaredd - chi piau'r dewis. Dyma rai o'n hoff bethau i'w gwneud o'r rhestr.

Hogyn ifanc yn rhedeg trwy goed enfawr ym Mhlas Newydd, Ynys Môn
Plas Newydd House and Garden   Anglesey

Rhif 1 Dod i adnabod coeden

Beth wnewch chi heddiw ym Mhlas Newydd? Beth am fynd am dro drwy'r goedwig yr Hen Laethdy a gweld faint o wahanol fathau o goed sydd yn tyfu yno?

Golygfa o'r Fenai a'r ochr dwyrain o'r tŷ ym Mhlas Newydd, Ynys Môn.
Plas Newydd House and Garden   Anglesey

Rhif 2 Rowlio i lawr bryn enfawr

Mae un peth y mae’n rhaid i bawb roi cynnig arno o leiaf unwaith wrth ymweld â Phlas Newydd – yn ogystal â’r cacennau a’r hufen iâ, wrth gwrs. Dewch, rhowch gynnig arni. Rhowch her i’r teulu cyfan rowlio lawr y bryn mawr (ond cofiwch beidio â mynd yn rhy gyflym!)

Hogyn ifanc yn adeiladu den
Plas Newydd House and Garden   Anglesey

Rhif 4 Adeiladu den

Ewch ar antur i ddarganfod lle bach distaw yng Nghoedwig yr Hen Laethdy a chreu den eich hun o dan gysgod y coed. Mae’r garddwyr wedi rhoi digon o ganghennau a dail i ni - nwyddau perffaith i greu den! Dilynwch y llwybr o’r Ganolfan Ymwelwyr i'r goedwig a welwch fannau perffaith yno wrth ymyl y Maes Chwarae Antur - wnawn ni adael canghennau addas i chi eu defnyddio.

Girl kicking leaves at Lacock Abbey, Fox Talbot Museum and Village, Wiltshire
Plas Newydd House and Garden   Anglesey

Rhif 6 Mynd am dro mewn welintons

Cicio dail yr hydref yn y welintons

Plentyn yn edrych ar y pryfetach y maent wedi dod o hyd iddynt
Plas Newydd House and Garden   Anglesey

Rhif 31 Gwneud ffrindiau â phry

Dewch i ddarganfod creaduriaid y tyfiant gwyllt ym Mhlas Newydd. Pwy sy’n byw yn y coed?

Awyr las a chwmwl ysgafn uwchlaw tŷ Plas Newydd.
Plas Newydd House and Garden   Anglesey

Rhif 33 Edrych i fyny ar y cymylau

Arhoswch am funud a chodi’ch llygaid at y cymylau. Beth welwch chi? Cath, ci neu eliffant? Allwch chi ddyfalu pa greaduriaid mae’r lleill yn eu gweld yn y cymylau?

Gwiwer goch yn mwynhau cnau castan ynghanol dail yr hydref.
Plas Newydd House and Garden   Anglesey

Rhif 34 Darganfod cliwiau anifeiliaid gwyllt

Crwydrwch yr ardd i weld a oes rhyw arwyddion anifeilaidd o gwmpas y lle. Pa arwyddion mae’r gwiwerod coch wedi gadael? Dyma gliw, maen nhw’n hoffi cnoi moch coed!

Chwiliwch am wiwer goch ym Mhlas Newydd
Broga’n sbecian o’r pwll.
Plas Newydd House and Garden   Anglesey

Rhif 35 Darganfod beth sydd mewn pwll

Mae pob math o greaduriaid rhyfedd a rhyfeddol yn byw yn y pwll ym Mhlas Newydd. I ffwrdd â chi i weld faint o bethau y gallwch eu gweld!

Bachgen ifanc â binocwlars.
Plas Newydd House and Garden   Anglesey

Rhif 44 Gwylio aderyn

Mae llawer o fathau o adar yn dod i ardd Plas Newydd. O robin goch, gwennoliaid, pioden y môr - hyd yn oed ein ffesantod sydd yn hoff iawn o ddweud helo bob hyn a hyn! Tybed faint o adar welwch chi?