Dewch i ddarganfod Cymru
Gwlad Geltaidd gyda gorffennol diwydiannol, yn llawn mythau, chwedlau, barddoniaeth a chân. Croeso i Gymru.
Dydd Gŵyl Dewi yng Nghymru
Dathlwch Dydd Gŵyl Dewi gyda diwylliant bywiog o Gymru, cerddoriaeth fyw, digwyddiadau cyffrous a gweithgareddau sy’n addas i’r teulu yn rhai o’r llefydd mwyaf eiconig ar hyd a lled Cymru. Er mwyn galluogi mwy o bobl i gael mynediad i’n lleoedd a mwynhau’r diwrnod arbennig hwn, bydd ein holl safleoedd talu am fynediad am ddim i ymweld â hwy ar 1 Mawrth. Ariennir gan Lywodraeth Cymru.
Dathliadau Dydd Gŵyl Dewi yng ngogledd Cymru
Neuadd a Gardd Erddig, Wrecsam
Mwynhewch benwythnos o ddiwylliant a cherddoriaeth o Gymru, gweithgareddau crefft a theithiau tywys gyda gogwydd Gymreig. Cewch ddysgu rhywfaint o Gymraeg, canfod straeon am grefftwaith Gymreig ddiddorol yn y tŷ, cael eich wyneb wedi’i baentio (dydd Sul yn unig) a dathlu seiniau ein gwlad gyda’r delynores Hero Douglas ddydd Sadwrn a Lleisiau Clywedog a Chôr Meibion Dinbych ddydd Sul.
Castell Y Waun a’r Ardd, Wrecsam
Mwynhewch ddathliad ymlaciedig o draddodiadau o Gymru yng Nghastell y Waun. Beth am wneud ychydig o grefftau gan greu eich llwy garu eich hun gyda siapiau lliwgar, crwydro drwy Ystafelloedd y Wladwriaeth sy’n llawn cennin Pedr trawiadol a blodau tymhorol, mwynhau’r golygfeydd ysblennydd o’r ardd, a gwledda ar ddanteithion o Gymru yn yr Ystafelloedd Te.
Gardd Bodnant, Conwy
Ble fyddai Dydd Gŵyl Dewi heb gennin Pedr? Mwynhewch yr arddangosfeydd llachar wrth i Ddôl yr Hen Barc a'r llennyrch glaswelltog eu trawsnewid yn garped euraid o felyn. Gyda magnolias a blodau tymhorol yn cyhoeddi dyfodiad y gwanwyn, mae Gardd Bodnant yn cynnig y ddihangfa berffaith i ganol byd natur ar y diwrnod arbennig hwn.
Castell Penrhyn a'r Ardd, Bangor
Ymunwch â ni yng Nghastell Penrhyn a’r Ardd ddydd Sadwrn 28 Chwefror am 10am am daith dywys hanesyddol gyda Rhys Mwyn ym Mhorth Penrhyn (mae’n rhaid archebu lle ymlaen llaw) yn rhan o Ŵyl Dewi Bangor. Ar 1 Mawrth bydd arddangosiadau hollti llechen gyda chwarelwyr o’r Amgueddfa Lechi Genedlaethol a choginio yn y Ceginau Fictorianaidd.
Tŷ a Gardd Plas Newydd, Ynys Môn
Beth am gael blas ar bethau cyn y diwrnod mawr wrth i ni groesawu’r bit-bocsiwr sy’n enwog yn rhyngwladol, Mr Phormula, i Blas Newydd. Gyda gweithdai dwyieithog yn cael eu cynnal drwy’r diwrnod ar ddydd Sadwrn 28ain o Chwefror, galwch heibio er mwyn rhyddhau’r cerddor ynnoch chi wrth i ni ddathlu’r gorau o greadigrwydd a diwylliant o Gymru.
Tŷ Aberconwy, Conwy
Ymunwch â ni, mewn partneriaeth â Menter Iaith Conwy, am benwythnos o ddathliadau Dydd Gŵyl Dewi Sant a mwynhau cerddoriaeth fyw, adrodd straeon hudolus a chrefftau creadigol. Dewch ynghyd i fwynhau cerddoriaeth delyn draddodiadol a sesiynau adrodd straeon i’r teulu oll (y ddau ar y dydd Sadwrn yn unig), bod yn greadigol gyda chrefftau cennin Pedr papur, rhannu diodydd poeth a chacennau cri, ac anfon cerdyn post arbennig i roi gwên ar wyneb rhywun.
Glan Faenol, Bangor
Dathlwch Ddydd Gŵyl Dewi drwy ymuno â ni am daith gerdded gymunedol o’r Felinheli i Glan Faenol, cyn gwneud eich hun yn gyfforddus ar gyfer Gweithdy gwerin a jazz byw o 2-3pm. Wedi hynny, ewch draw i Llofft, Felinheli am baned a chacen haeddiannol - mae talebau ar gyfer lluniaeth ar gael i bawb sy’n mynychu wedi’r gig.
Sarn y Plas, Pen Llŷn
Mae Sarn y Plas yn agor ei ddrysau ar 1 Mawrth o 11-3pm, gan wahodd ymwelwyr i archwilio hanes R. S. Thomas a’i wraig, Elsie Eldridge. Bydd artistiaid o’r arddangosfa ‘Eiliad’, a grëwyd mewn partneriaeth gyda Llenyddiaeth Cymru, hefyd ar y safle i drafod eu gwaith a’u cydweithrediad gyda chymunedau lleol, sefydliadau a busnesau ar hyd a lled Pen Llŷn.
Dathliadau Gŵyl Ddewi yng nghanolbarth Cymru
Castell a Gardd Powis, Y Trallwng
Cymerwch lun teuluol ar safle hunlun Gŵyl Ddewi, ymunwch mewn sesiwn adrodd stori ddwyieithog, defnyddiwch eich creadigrwydd gyda chrefftau sydd â themâu o Gymru, a dilynwch y llwybr dod o hyd i gennin Pedr yn y castell tra’n mwynhau cerddoriaeth draddodiadol o Gymru sy’n atsain drwy’r ystafelloedd - mae digonedd o bethau i’r teulu cyfan eu mwynhau.
Llanerchaeron, Ceredigion
Dathlwch draddodiadau o Gymru yn Llanerchaeron. Archwiliwch gasgliad Geler Jones a darganfod sut mae clocsiau traddodiadol yn cael eu gwneud, profwch gacennau cri wedi’u pobi’n ffres yn y ceginau hanesyddol a mwynhewch weithgareddau ymarferol i’r teulu i gyd yn yr ardd. Gyda chorau o Gymru a gweithdai printio galw heibio creadigol hefyd, does dim ffordd well o archwilio a dathlu sgiliau treftadaeth o Gymru.
Dathliadau Gŵyl Ddewi yn ne Cymru
Tŷ Tredegar, Casnewydd
Darganfyddwch olygfeydd, seiniau a straeon o Gymru dros y penwythnos i gyd yn Nhŷ Tredegar. Ymgollwch yn yr awyrgylch wrth i chi fwynhau cerddoriaeth fyw, crefftwaith traddodiadol, llwybr teuluol, gweithgareddau crefftus a bwyd blasus o Gymru. Peidiwch â cholli Gwilym Bowen Rhys yn perfformio ddydd Sadwrn a’r Daith Mythau a Chwedlau o Gymru arbennig er mwyn dadorchuddio mwy o dreftadaeth gyfoethog ein cenedl ar ddydd Sul (mae archebu lle yn hanfodol).
Gerddi Dyffryn, Caerdydd
Ymunwch â ni am ddathliad Dydd Gŵyl Dewi mewn partneriaeth â’r Fenter Iaith. Profwch y gorau o ddiwylliant Cymru yn fyw gyda cherddoriaeth y delyn, dawnsio gwerin bywiog, perfformiadau gan gorau lleol, a chrefftau wedi’u hysbrydoli gan Gymru - dyma’r lle perffaith i ddathlu Cymru a mwynhau diwrnod allan hudolus gyda’ch gilydd.
Dinefwr, Sir Gaerfyrddin
Ymunwch â ni yn Eglwys Llandyfeisant sydd wedi’i lleoli o fewn ystâd hanesyddol Dinefwr wrth i ni ddathlu’r adar o fythau a chwedlau o Gymru. Ymunwch â’r arlunydd Ami Marsden a chrëwch eich creadigaeth eich hun i’w gwisgo - p’un a yw hynny’n adenydd neu fygydau - a mwynhau seiniau côr o Gymry yn llenwi’r lle gyda cherddoriaeth.
Tŷ’r Masnachwr Tuduraidd, Dinbych-y-pysgod
Teithiwch drwy amser i Ddinbych-y-pysgod Duduraidd a darganfyddwch ystafelloedd wedi’u haddurno mewn gwyrddni tymhorol, cennin a chennin Pedr euraid, dewch i gwrdd â chymeriadau mewn gwisgoedd yn dod â hanes yn fyw, mwynhewch weithgareddau plant, ac ymlaciwch wrth i chi wrando ar seiniau hyfryd telynores yn perfformio cerddoriaeth draddodiadol Gymreig.
Gardd Goedwig Colby, Sir Benfro
Gwnewch eich hun yn gyfforddus ar gyfer chwedlau o Gymru gyda’r storïwr Phil Okwedy, mwynhewch gerddoriaeth draddodiadol Gymreig gyda’r delynores Elin Lloyd, a gadewch i greadigrwydd eich plantos lifo wrth iddynt roi cynnig ar chwarae’r delyn fach neu fwynhau grefftau themâu o Gymru. Gorffennwch eich ymweliad gydag ychydig o ddanteithion o Gymru yn yr ystafell de.
Welsh myths and folklore
Chwedlau a llên gwerin Cymru
Dysgwch am y chwedlau sydd wedi siapio tirweddau hynafol Cymru. O darddle ein draig goch enwog yn Eryri i lyn hudol Cwm Llwch.
Taste of Wales: traditional Welsh bakes
Bara Brith Penrhyn Castell
Pobwch fara brith Cymreig traddodiadol gyda’r rysáit hawdd hon o geginau Castell Penrhyn yn Oes Fictoria.
Cacennau cri Tŷ Tredegar
Mae’r rysáit cacennau cri Cymraeg syml hon yn creu cacennau meddal, menynaidd gyda phinsied o sbeis – yn gyflym i’w gwneud ac yn berffaith ar gyfer te neu bwdin.
Ein partneriaid
Ariennir gan Lywodraeth Cymru
You might also be interested in
Cymru
Darganfyddwch gestyll tylwyth teg, gerddi godidog a thirwedd Geltaidd wyllt sy’n drysorfa o chwedlau ar eich ymweliad â Chymru.
Diwrnodau allan i'r teulu yng Nghymru
Gyda gweithgareddau hwyl a digwyddiadau cyffrous, mae digonedd o ddiwrnodau gwych i’r teulu i’w cael yng Nghymru. Darganfyddwch gestyll crand, cwblhewch weithgareddau’r ’50 peth i’w gwneud cyn dy fod yn 11 ¾’, neu llosgwch ychydig o egni mewn ardaloedd chwarae naturiol.
Cestyll a chaerau yng Nghymru
Camwch i mewn i gaer ganoloesol â dwnsiynau yn y Waun neu ymwelwch â chartref tywysogion Cymru yng Nghastell Powis. Darganfyddwch rai o gestyll gwychaf ac enwocaf Cymru.
Tai ac adeiladau yng Nghymru
Darganfyddwch blastai Cymreig mawreddog a’u casgliadau, o gartrefi teuluol i adeiladau a ddyluniwyd gan benseiri enwog. Darganfyddwch hanes a hanesion o’r oes a fu mewn lleoliadau trawiadol ledled Cymru.
Gerddi a pharciau yng Nghymru
Ymwelwch â chasgliad arbennig o erddi a pharciau yng Nghymru. O erddi muriog i ystadau cefn gwlad a gerddi coed, mae digon i’w ddarganfod.
Llefydd sy’n croesawu cŵn yng Nghymru
O’r mynyddoedd a’r traeth, i erddi a pharcdiroedd, gallwch ganfod llwybr cerdded cŵn yng Nghymru y byddwch chi, a’ch cyfaill pedair coes, yn ei wir fwynhau. Dyma eich canllaw ar gyfer rhai o’r lleoliadau gorau yng Nghymru i ymweld â nhw gyda chŵn.
