Hwnt ac yma ar draws gogledd Sir Benfro fe ddewch o hyd i fythynnod gwyliau hyfryd yr Ymddiriedolaeth Genedlaethol. Cewch gysgu’n drwm ac yn dawel mewn tai cysurus llawn cymeriad, sy’n ganolfannau perffaith ar gyfer darganfod cyrion gorllewinol Cymru.
Mae gan y ffermdy olygfeydd dros Fae Abergwaun ac eiddo’r Ymddiriedolaeth Genedlaethol yn Ynys Dinas a Phen Anglas. Mae rhwydwaith o lwybrau o gwmpas fferm Castell ac mae Llwybr Arfordir Sir Benfro yn pasio’n agos iawn i’r bwthyn.
